Salmos 127

1 Chela ca zúale̱ Xránadxu Dios benne’ ca’ dxelune̱’ tu xu’u dácheze naca xelune̱’ zrin na’. Chela ca dxuxúe Xránadxu Dios tu xe̱zre, dácheze naca dxuluxúe benne’ ca’ le̱ na. 2 Dácheze naca dxásaze̱le che zílala, ne dxunle zrin cáte̱ze dxalaj gubizra ca dxebíadxa na, ne dute̱ xel-la’ dxudía dxezile da gágule, lawe’ da dxunna Dios da xelagu benne’ ca’ nazrí’ine̱’ dxácate̱ na’ dxelásie̱’. 3 Le nna’ xque, zaj naca zrí’inedxu bi ca’ be̱nna Xránadxu dxi’u. Zaj naca be̱’ tu da gunní’a zrente̱. 4 Zrí’inedxu dxelálajbe’ chee̱dxu gate ne nácadxu cuide’ zaj nácabe’ ca xaga nalá xéche’ze ca’ da nuxru benne’ zeje̱’ wedil-la. 5 Ba neza zrente̱ naca na chee̱ bénnea’ nuxrue̱’ zánete̱ xaga nalá xéche’ze caní. Québequeze xedué’ene̱’ gate zri’a chee̱’ tu zren nen benne’ ca’ dxeledíl-lale̱ne̱’ le̱’.