Kap 114

1 Israel amɨn kalɨp Isip yɨpmaŋ degek kɨwit. Jekop dakon dɨwatni da amɨn gen ŋwakŋwarɨ yoŋ kabɨ dakon kokup yɨpmaŋek kɨwit. 2 Yaŋ awit bɨsapmon Juda mɨŋat amɨnyo Yawe dakon telagɨ yut dagawit. Israel amɨn Piŋkop da kɨla agɨt. 3 Tap Ɨdap Gami Israel amɨn pɨndagek pasal kɨgɨt. Ae Jodan Pakbi ɨsal taŋek dɨma pak kɨgɨt. 4 Kabap uŋun meme da yaŋ wɨgɨ mokmok awit, ae ɨleŋ uŋun sipsip da yaŋ wɨgɨ mokmok awit. 5 Tap Gami gak yo ni da noman taŋban pasal kɨgɨl? Jodan Pakbi gak nido dɨma pak kɨgɨl? 6 Kabap morap nido meme da yaŋ wɨgɨ mokmok awit? Ae ɨleŋ monɨŋ monɨŋ ji nido sipsip da yaŋ wɨgɨ mokmok awit? 7 Mɨktɨm daman, abɨsok Amɨn Tagɨ abɨsak, do gak wudɨp aki. Jekop dakon Piŋkop uŋun kɨlɨ abɨk, do gak wudɨp aki. 8 Uŋun da tɨp kulabɨk aban pakbi ɨdap monɨŋ kɨnda dagagɨt. Aŋek tɨp tebanon wasok aban pakbi dabɨl noman tagɨt.