MÀTAY 1

1 Un’kaan a un’lwaaŋ a Yɛsu Klistɔ, itoo a David, itoo a Abàlam. 2 Abàlam kàbör Isak, Isak kàbör Yakɔb, Yakɔb kàbör Yudà anà atɔŋ ande, 3 Yudà kàbör Falesi anà Zalà, ikɔb a ngwän aba Tamar, Falesi kàbör Isilɔn, Isilɔn kàbör Alam, 4 Alam kàbör Aminadab, Aminadab kàbör Naasɔn, Naasɔn kàbör Salmɔn, 5 Salmɔn kàbör Bɔɔzi, Rayab kàkäl ngwän ande, Bɔɔzi kàbör Yɔbɛd, Luti kàkäl ngwän ande, Yɔbɛd kàbör Yɛsɛ, 6 Yɛsɛ kàbör mfum David. David kàbör Salàmun, ngwän ande kàkäl un’kyay a Uli. 7 Salɔmun kàbör Rɔbɔwam, Rɔbɔwam kàbör Abya, Abya kàbör Asa, 8 Asa kàbör Yɔsafat, Yɔsafat kàbör Yɔlam, Yɔlam kàbör Ɔsya, 9 Ɔsya kàbör Yɔwatam, Yɔwatam kàbör Akazi, Akazi kàbör Isikyä, 10 Isikyä kàbör Mànasi, Mànasi kàbör Amɔn, Amɔn kàbör Yɔsyä, 11 Yɔsyä kàbör Yɛkɔnya anà atɔŋ ande, u paŋà bàsɔ̈ɔ̈l baan a Isàlɛl nsi u Babilɔn. 12 Ungö a nsɔ̈ɔ̈l a nsi, Yɛkɔnya kàbör Salàtyɛl, Salàtyɛl kàbör Zɔrɔbabɛl, 13 Zɔrɔbabɛl kàbör Abyudi, Abyudi kàbör Ɛlyakim, Ɛlyakim kàbör Azɔr, 14 Azɔr kàbör Sadɔki, Sadɔki kàbör Akim, Akim kàbör Ɛlyudi, 15 Ɛlyudi kàbör Ɛlyazar, Ɛlyazar kàbör Matan, Matan kàbör Yakɔb, 16 Yakɔb kàbör Yɔsɛfi, un’dim a Màlye awà kàbör Yɛsu awà bàfàbel naa Klistɔ. 17 Abun, yanswà yàkäl ngyääl kwem aŋinà fà Abàlam mukàman David, yàfàlyaŋ sye ngyääl kwem aŋinà fà David tii u paŋà alà bàsɔ̈ɔ̈l baan a Isàlɛl nsi u Babilɔn, ngyääl kwem aŋinà sye yàfàlyaŋ fà nsɔ̈ɔ̈l a nsi u Babilɔn tii u paŋà alà bàbör Klistɔ. 18 Le, mböör a Yɛsu Klistɔ yàkäl abà: Ngwän ande Màlye kàkäl un’kaar kàtɛ Yɔsefi ntüüm, wɛɛ kusà ba mutàtüüb ndür, nde kàmɛnà anà yöm unsà ngwal a Dweelà In’kyɛɛl. 19 Wɛɛ un’dim ande Yɔsɛfi, ntɔn kàkäl nde mbuur a balàbal, nde kàkwen anki mukun’mɛɛy nswɛn u mii a baar, lalan kàwɛl nde an’kyän u mpem ande mukun’wɛy kà unku. 20 U taaŋ kàyweerà nde abà, un’kyeey a Mwol mwɛy kàyàmɛnà akà nde u ndwɛy, waa kàtɛn a nde naa: « Yɔsefi, mwan a David, twon an’man bɔɔmà muwal un’kyay angye Màlye, ntɔn yöm alà kan’bäl ande lan’fà akà Dweelà In’kyɛɛl. 21 Undiir awun, nde ayàbɔr mwan baal, ngye ayun’pà ikɔb a Yɛsu, ntɔn nde asàtswà mɔ̈ɔ̈ a un’sɛŋ ande unsà man’be a wa. » 22 Ndaa ayi yanswà yà ntɔn undiir kàtɛn Mwol u mun a ŋangɔɔm ande ukwe: 23 « Le, mwan un’kaar unkɔr asàkal yöm, nde asàbɔr mwan baal, bàsun’beelà Mànwel », iswaŋà naa « Nzam wà uboo a bi ». 24 Mpal kàwiyà nde u twaal, Yɔsefi kàkyer ndaa kun’swɛŋ un’kyeey a Mwol, waa nde kàsi un’kyay ande u ndwà. 25 Wɛɛ nde kàtüüb anki ndür anà nde tii mpal kàbör nde mwan baal awà kàpɛ nde ikɔb a Yɛsu.