2 PETƆLÀ 1

TSC

‹ Chapter 0 2 PETƆLÀ — All Chapters Chapter 2 ›

1 Mɛ Simɔn Petɔlà, un’syääl anà ntööm a Yɛsu Klistɔ. An’söön baar abà bàwɛl làkwikilà aŋàbwaŋ asànaa bi unsà balàbal a Nzam abi anà Un’tswää a mɔ̈ɔ̈ Yɛsu Klistɔ. 2 Wɛy kab a ngway anà duu màkäl mbɔɔn anà bɛ, u mbwo a ngyööb a Nzam anà Yɛsu, Mwol abi! 3 Abun, ngwal a du yipɛ kab aya yanswà yà ndöŋ ntɔn mɔ̈ɔ̈ anà inzaam, ntɔn bi iyöb mbuur kibel unsà làkoo ande ŋakwo anà ngwal ifàsal. 4 Kyakin, bi kàwɛl an’kab a ntal akölàköl amà bipɛ ilää, ntɔn, u mbwo a ma, bɛ làwɛl kab unsà inzaam, bɛ baar bàlagyɔɔr unsà làbiin ufàdii ilään a mɛɛn. 5 Kyakin, làsi ngwal abɛ yanswà mukwɛy làkwikilà unsà nkääl aŋàbwaŋ, unsà nkääl aŋàbwaŋ, làsi ngyööb, 6 unsà ngyööb, nkääŋ a mpem, unsà nkääŋ a mpem, imbämdir, unsà imbämdir, inzaam, 7 unsà inzaam, un’tüüb a atɔŋ a atɔŋ, unsà un’tüüb a atɔŋ a atɔŋ, ukwen. 8 Ntɔn, isàkal naa bɛ làbye anà nkääl ayi yàmbɔɔn, ya iyàlasiinà musal anà muyɛl unsà ngyööb a Mwol abi Yɛsu Klistɔ. 9 Wɛɛ akà mbuur akɔ̈ɔ̈n bya, nde wà ikwàmii, nde akyer afàbàba: nde uyöb anki naa nde wàŋàpɔŋà unsà man’be ande mà itaan. 10 Kyakin, atɔŋ, fàlasye ngwal ntɔn mutà làbeel abɛ mpi anà nsɔ̈ɔ̈l abɛ. Abun, waa bɔɔmà abwà mpa bàkal akà ikikye. 11 Kyakin, waa mbiilà abɛ unsà Imwol a mbul a in’tye kyà Mwol anà Un’tswää a mɔ̈ɔ̈ abi Yɛsu Klistɔ isàkal yàŋàduub kölàköl. 12 Kyakin, mɛ in’wɛy anki mufàlayɔɔb indiir abi, itàkal naa bɛ bya làkyàyöb anà bɛ làbà aŋàtsim unsà ndandaa ayà bàlapɛ. 13 Wɛɛ mɛ in’sii naa yàbalàbal muwiy an’kyän abɛ u mbwo a ngyɔɔb amɛ umpal in’wà mɛ uboo a ipfey a ndür ki. 14 Ntɔn mɛ in’kyàyöb naa taaŋ muwɛy ipfey a ndür aki làmuyà u ntiin, asànaa kan’swɛŋ Mwol abi Yɛsu Klistɔ. 15 Wɛɛ mɛ, mɛ in’sàsà ngwal naa ungö a nkyeen amɛ, bɛ làyɔbà an’lɔɔŋ amà taaŋ lanswà. 16 Abun, kà ntɔn mulab nsim a ntwan anki waa bi kàlakyään ngyeel a Mwol abi Yɛsu Klistɔ unsà ngwal ande yanswà, wɛɛ ntɔn kàmɛn bi uteer ande u mii abi ŋakwo! 17 Ntɔn nde kàwɛl ibyääl anà làkoo akà Taa Nzam, umpal kàtɛn nde a nde unsà làkoo ande làkölàköl naa: « Wà, wà mwaan amɛ wànkwen, awà kàsi mɛ un’sak amɛ amu nde. » 18 Ndaa ayi yàfü du, bi ŋakwo kàkyer awem ya, umpal kàkäl bi anà nde u mɔŋ in’kyɛɛl. 19 Abun, bi ibye anà ndaa a bwoor yàŋangɔɔm. Bɛ làkäl anà iböŋ musà mii abɛ udu aya asànaa mwin afàlɛɛmà kà ikal a làpib, tii umpal làyaanà taaŋ anà uyàsɛnà mbwaar a tutu uboo a mpem abɛ. 20 Kusà aya yanswà, làyöb abà: akà mbuur mwɛy ukwe anki nde ŋakwo mutà itàkal mubaal ngɔɔm ayà uboo a Ndaa Aŋàsɔn. 21 Kyakin, ngɔɔm kà ifàfà anki akà ikikye unsà ukwen a mbuur, wɛɛ unsà ngwal a Dweelà In’kyɛɛl waa baar bàyäm kà ikↄb a Nzam.

‹ Chapter 0 2 PETƆLÀ — All Chapters Chapter 2 ›

2 PETƆLÀ 1

Cite / Share This Page