Lóma 4

1 Nmo Nju tpémi, nmî knêââ mu ngmidi, Epîlaham. Yi Epîlaham dyimê pywuu ngê nmye nînê pyépi. 2 Chóó Lémi ngê Epîlaham ka wo vyu, Kópu mbêaa yilî nye dêuudêuu, dyââpe m̱êuu daa têa, ye Epîlaham ngê chóó u pi pîdoo kmîmî. Ngmênê Chóó Lémi u ngîma u pi chóó daapîdoo kmîmî, mu kópu u dîyêo puku yedê alanté a tóó, Epîlaham Chóó Lémi ka dpîmo a kêlîmî, pi mbêaa ngê u ngwo u kwo a pyodo. 4 Dpodo pyu ngê u pywuu dpo ngee, u kada pini ngê u kwo daawa vyi, Ala a módó yeedeyeede ṉga yedêa kê. Chóó Lémi ngê módó yeedeyeede nêii Epîlaham ka yêângo, doo u dpodo u pywuu. 5 Pini nêii ngê a tpapê, apu, Chóó Lémi u dêêpî kópu dyuu u chââchââ ngê nî dêê wo, ngmênê Chóó Lémi ka anî kêlîmî, a dono u kuwó paa kéé téne, yi pini Chóó Lémi ngê wa ngee, u kêlîmî u lêêê dîyêo u dono wa ghêê té. 6 King Dépidi ngê vyîlo yinté pini u kópu yi dêêê ngê, apê, 7 Pini nêii u dono Chóó Lémi ngê u kuwó dpî kéé té, mêdêuuwodê ngî té, myedaa nuwêonuwêo too, yi pini u gha mbêaambêaa ngê dpî pyódu. 9 A tîdê mbwó yoo. Yi kópu daa yoo ngmidi yi kópu, daa yélini yi mo Chóó Lémi u lêii yi too pee pêuu a têa, ngmênê knêaa yéli mye yi kêii. Kópuni dêa dêêê, yi kópu nmye mênînê tpapê, Epîlaham Chóó Lémi ka dpîmo kêlîmî, Chóó Lémi ngê ala módó yeedeyeede u ngwo u kwo yêângo, kwo, Dyââpe m̱êuu daa têa. 10 A tîdê mbwó yoo, ala kópu dmyinê nuwêonuwêo. Dini ghi nêii ngê Chóó Lémi ngê yi kópu Epîlaham ka a vyu, lukwe, Chóó Lémi u lêii yi ngwo Epîlaham u too pee pêuu doo a ya, ó dêpwo a ya? A tîdê mbwó yoo, yi ngwo dêpwo a ya. 11 Chóó Lémi ngê Epîlaham u kêlîmî mwiyé módu, u nkwo u kwo vyu, kwo, Dyââpe m̱êuu daa têa, yi kópu u lêêê dîyêo Chóó Lémi u lêii Epîlaham pêuu u nkwo kele. Dyââpe pwapî knêââ Epîlaham ngê a chópu, ala ngwo yélini ye Chóó Lémi ngê a tpapê, yipu, A ka kêlîmî u lêêê dîyêo, dyââpe nmyi pêuu daa têa, kêomo tpile yi yéli yi too pee pêuu Chóó Lémi u lêii daa têa, ngmênê na a ka yi yéli yi knêââ mye Epîlaham. 12 Epîlaham mye Nju tpémi yi knêââ, nêii dé yi too pee pêuu Chóó Lémi u lêii a têa, ngmênê Nju tpémi yi vyêo yoo ngma a kwo, yi yéli yi knêââ njini Epîlaham, mu kópu u dîyêo Epîlaham Chóó Lémi ka ntee dpîmo a kêlîmî, yi yéli yinté u kwo mye kêlîmî té. Epîlaham Chóó Lémi ka yinté mwiyé dpîmo a kêlîmî, kuwó Chóó Lémi u lêii too pee pêuu u ngwo kele. 13 Chóó Lémi ngê ala ndêndê kópu Epîlaham ka a vyu, kwo, Dyámê ghi yintómu, ṉyoo knî yi kêii nmyi dyámê ghi ngê wa pyaa dmi. Daa dêêpî kópu dyuu chââchââ u lêêê dîyêo Chóó Lémi ngê yi ndêndê kópu dyuu Epîlaham ka a vyu, ngmênê Epîlaham Chóó Lémi ka doo kêlîmî, yi kópu u lêêê dîyêo Chóó Lémi ka pi mbêaa ngê u ngwo pyodo. 14 Yi dyámê ghi u lêêê dîyêo Epîlaham wodoo dpodo, dêêpî kópu yintómu wodoo chââchââ dé, ye Chóó Lémi ngê módó daapî yeede ngê, Epîlaham u kêlîmî Chóó Lémi ka kêomo tpile ngê pî pyodo. Nmo myêoo ntee dé, kópuni Chóó Lémi ngê módó nmo wa a kê, doo u ntââ dpodo ngê daanmî pwila. 15 U yi nmo adî kwo, Chóó Lémi u dêêpî kópu dyuu dêudêumbiyêe nmî châpu, ya mbêaa u ngwo u kwo nmî pwila, ngmênê wanmî dêê dmi, nmî kpadakpada anmo pywêoo, mu kópu u dîyêo doo u ntââ pi ngê Chóó Lémi u dêêpî kópu dyuu dêudêumbiyêe dêuudpî châpu. Dêêpî kópu dyuu wodaa kwo, ye pi ngê daapê vyi, Dono kópu ngmêchi dêuu. 16 Chóó Lémi ngê nmî kêlîmî mbêmê u módó yeedeyeede nmo wa a kê, mu kópu u dîyêo u yi u ngwo a kwo, Epîlaham u yoo yintómu knî ye nî yêoo, daa Nju tpémi yi mo, ngmênê knêaa yéli mye yi kêii, Epîlaham u kêlîmî a ka ntoo, yi yéli yi kêlîmî mye yintoo. A tîdê mbwó yoo, nmo yintómu Epîlaham mu ngmidi nmî knêââ. 17 Chóó Lémi ngê nmo yintómu nmî knêââ ngê pyódu ngê. Yinté kópu puku yedê mye tóó, Chóó Lémi ngê Epîlaham ka kwo, Yoo yilî yi knêââ ngê dî pyódu ngi. Epîlaham Chóó Lémi ka dpodombiyêe doo kêlîmî, u gha vyêo apê, Kêomo tpile a kpâm Sela kêii nyi vyêene knopwo, daa kêmakêma nye pwopwo mo, ngmênê Chóó Lémi ngê u ntââ ngê wa pyódu nyo, tpêee u ngwo angmênyi tpyé. Apê, Chóó Lémi ngê tpileni pêuu wa vyi, Yi tpile taa we, yedêoo yi tpile ndêndê ngê wa têaa. 18 Kêomo tpile u kpâm Sela kêii yi tpêee daa tpyé ngópu, ngmênê yi kópu pêuu Chóó Lémi ka dpodombiyêe doo kêlîmî, yoo yilî yi knêââ ngê u ngwo pyodo. Puku yedê alanté mye tóó, kwo, Ṉyoo yilî ngê wa pyódu, mbóó pêuu pudu yilî ntee, yinté. 19 Kêomo tpile daa kêmakêma Epîlaham ngê u mêââ yono yêa ngê doo pyépi, u pââ myedê mtiti wo, u kpâm Sela doo u ntââ tpêee daapî tpyó, ngmênê u kêlîmî têdê ngê daa pyodo. 20 Chóó Lémi ngê kópuni u kwo a vyu, yi kópu ka u kêlîmî têdê ngê daa pyodo, ngmênê u kêlîmî ndîî ngê u kwo mê pyodo, u lêêê dîyêo Chóó Lémi modoo chaa kîgha. 21 U nuwêo kêoo apê, Chóó Lémi u wêdêwêdê u ntââ, yi kópu daawa têdêa, ndêndê ngê wa dêuu. 22 Yi kêlîmî u lêêê dîyêo Chóó Lémi ngê ala módó yeedeyeede u ngwo u kwo yêângo, kwo, Dyââpe m̱êuu daa têa. 23 Yi kópu dyuu daa Epîlaham u mo u lêêê dîyêo dêêê ngópu, ngmênê nmî lêêê dîyêo mye dêêê ngópu, yélini Chóó Lémi ka nmo kêlîmî té, pini nêii ngê nmî Lémi Yesu a pyidu ngê. 25 Chóó Lémi ngê Yesu nmo a dyêââ ngê, nmî dono knî yi lêêê dîyêo pwene. Nmî yikî dmi u pwo ghay wo, pi mbêaa ngê u ngwo nmî pyaa dniye, wodêoo Chóó Lémi ngê Tpêoo mêdê pyidu ngê.