Mátiyu 9

1 Yesu pêuu dinki kêoo mê wo dniye, kpé lêê mê ngmêê ngópu, yi pêo Kîpêêniyêm mîmê tee dniye, 2 u knêyómu ya pyu yêi u kwo ngmê Åuwêo ngópu, u ngmîtédmi mbêmê doo dpî. Dini ghi nêii ngê Yesu ngê mêuu too, a wêee ngê, apê, Nêii knî yêoo kî pini a ka da Åuwêo ngmê, ndêndê ngê a ka wunê kêlîmî té. Yesu ngê yi pini ka kwo, A tpêee, mêdaanyi chêanêchêanê, ṉono yilî yintómu dî chedê, Chóó Lémi ngê mêdaawa kpada ngi. 3 Dêêpî pyu nêii yoo yêi doo kwo, noko yepê, Kî pini ngmênê u kwo nêuu, u yi u ngwo a kwo, Chóó Lémi u dêaa nê kââdî. 4 Kópuni tumu dnye nuwêonuwêo dé, Yesu ngê a wêee too, yepê, Lukwe dîyêo yenté nmye nuwêo dono té? 5 Yepê, Nê Chóó Lémi u Pi Ndêndê, u ntââ ngê yinê a pyódu noo, u ntââ dyámê mbêmê pi ka wanî vyi, Ṉono yilî dî chedê, Chóó Lémi ngê ṉono yilî u kuwó dê kéé té, mêdaawa a ngî té. Yepê, Kêomo tpile a kópu ka módó daanmyi kêlîmî mbê dmi, ngmênê kópuni kî kpâlî ntóó ngê nêaa dêuudêuu, a kópu ka u ngwo nmye kêlîmî té. Wodêoo Yesu ngê yi kpâlî ntóó ka kwo, Ghêêêdé, ṉgmîtédmi a ngini, pêo lili. 7 Wodêoo yi pini a pii wo, u pêo loo. 8 Pi knî yêoo yi mêuu ngópu, nkîngê mbê dniye, Chóó Lémi chaa kalê ngópu. Yinê ye Yesu pi ntee pini, ngmênê Chóó Lémi u pi mbêmê mbwudu ndîî ngmêdê chaa. 9 Yesu pêuu maa pêuu até yidnye lêpî, mwada yêi tákisi ngêêpî pyu ngmê mêuu ngópu, u pi Mátiyu. Yi pini ndapî ngêêpî ngomo ghi kêoo doo ya. Yesu ngê kwo, A ngmêêê nédi. Wodêoo ghêêdî wo, Yesu u kuwó ghê wo. 10 U kuwó dini ghi ngê u ngomo kêoo kee dniye, Yesu, pêuu ndiye pyu yoo, tákisi ngêêpî pyu yoo, knêaadi te pyu yoo mye yi kêii. Yi ngomo kêoo nipi dnye kmaapî. 11 Pádisi yoo daa yi nuu u kópu ngê pyodo, Yesu pêuu ndiye pyu knî ye yepê, Lukwe dîyêo nmyi kada pini tákisi ngêêpî pyu yoo knêaadi te pyu yoo yi kêii a kmaapî té. 12 Yesu ngê yi kópu yi nyongo, yepê, Nêii mbêaambêaa dé, yi yéli ye kpeede dêuudpî nî. Yepê, Kpeede mbii pyu knî ye dpî lê. 13 Yepê, Chóó Lémi ngê wunê kópuni a vyu, u ntêu kópu dmyinênêaa a pywêêmî. Yepê, Ala kópu a vyu, Tpile tpêoo nkêêênî a ka daa ndîî kópu, pi ka vyuwo yi ndîî kópu. Yesu ngê yepê, Yélini yinê ye, Nmo mbêaambêaa dé, daa yi yéli yi dîyêo alêii nê loo, yepê, ngmênê knêaadi te pyu yoo yi dîyêo nê loo. 14 Yi dini ghi ngê Njon Baptist pêuu ndiye pyu knî ngmê Yesu ka lee dniye, kwo, Wiki yintómu wo miyó knî yi kêoo nté nmo kpîpîkpîpî ngê, Chóó Lémi ka dpodombiyêe u ngwo nmo ngêpê nyédi. Kwo, Pádisi knî yêoo yinté mye dêuudêuu ngópu. Kwo, Lukwe dîyêo m̱êuu ndiye pyu knî yêoo nté dêuudpî kpîpî ngmê, dye ghi yintómu a kmaapî nyédi? 15 Yesu ngê yepê, Wéni nêii ngê pi cha dpî yéé knî, pi ngê nté pi ka dêuudpî kwódu. Yepê, A pêuu ndiye pyu yoo yi kêii nmî gha dmi mbêaambêaa ngê a pyede, doo u ntââ nté ye daanî kwódu. Yepê, Wéni nêii ngê pi dpî pwêonu, u yoo yi gha dmi dono ngê dpî pyódu, dye ghi knî ngmê ngê nté dpî kpîpî ngmê. Yepê, Dini ghi nêii ngê a pêuu ndiye pyu yoo yi vyêo mêdaanî kwo, yi ngwo yi gha dmi yinté dono ngê wa pyódu. Yepê, Yi wéni ngê yi chóó nté wa kpîpî ngmê. 16 Yepê, Kópu kamî ngma atédêa Åuwêo, nmyi lêêê ghi mbwee dmi daa kópu kamî yi pee dé. Mgongo ye ngmê kwólu, yepê, Nêii u kpîdî mbwee dpo chópu, doo u ntââ kpîdî pee kamî daawa pwila, kpîdî mbwee pêuu daawa têoo. Yepê, Dini ghi nêii ngê ayi ghodo, kpîdî pee kamî dêêkwédi ngê wa a pyódu, kpîdî mbwee dêudêumbiyêe wa a chópu. Yepê, Kpîdî pee kamî, kpîdî pee mbwee daa numo yi pee dê, myenté lêêê ghi mbwee a kópu kamî daa numo yi pee dê. 17 Yepê, Wain kamî nmye ngmêdêa Åuwêo, doo u ntââ u yiyé têdê mbwee knî yi kêoo daanî yé, wa dyênê té, mbwódo amî dêii. Yepê, U ntââ kamîni knî yi kêoo nêaa yiyé, daawa dyênê té. Yepê, Nmyi lêêê ghi mbwee dmi yi dye ghi machedê. Yepê, Nté kpîpîkpîpî mêdaa ndîî kópu. Yepê, Yi kópu u lêêê dîyêo a pêuu ndiye pyu knî ye nté daanî kwódu. 18 Dini ghi nêii ngê Yesu pi knî ye doo danêmbum, kada pini ngmê u kwo loo, yu mbodo dê yêe kêame u kwo ghê wo, kwo, A tpêee módó ala ngwo kêdê pwêonu. Kwo, U ntââ wanyinê lê, ṉgêê dê u pwo anyêuu yé dê, yedêoo ghê mê kelekele. 19 Wodêoo Yesu ghêêdî wo, pêuu ndiye pyu knî yi kêii yi pini u kuwó ghê dniye. 20 Kada yedê yêee ngópu, maa pêuu pyââ ngmê yi pêuu kele, doo yâmuyâmu dé. Yi pyópu kmene muwó, dye ghi yintómu yinté dpîmo ya, mêââ yêa mê miyó ndîî, wêê pêuu dêpê vyâ. Alanté doo nuwêo, apê, Pi yilî yi lêêê dîyêo doo u ntââ ngê a ka dê pyódu, Yesu u kada daanêuu ghê knomomê, ye daawa pyi nê. Apê, Ngmênê u nkîghêê nîmo wowo, u kpîdî pêuu kêê nêaa yiyé, yedêoo u ngwo nêaa pyiyépyiyé. Wodêoo Yesu u kuwó chono mî ghê wo, u kpîdî kwódo pêuu kêê yó. 22 Wodêoo Yesu u kwo diyé wo, yi módu, kwo, A chêam. Kwo, Ṉga mbêaambêaa ngê mê pyaa we. Kwo, A ka che kêlîmî mbêanê, u ngwo chi pyiyé. Wodêoo yi pyópu yi ngwo mê pyiyé wo. 23 Dini ghi nêii ngê kada pini u pêaa pee taa dniye, Yesu ngê apê, Yoo mu mbê té, yi dmââdî u lêêê dîyêo nkéli mbywuu pââ mu wupî têoo, wodêoo Yesu yi ngomo kêoo kee wo, mgongo ye ngmê kwólu, yepê, Munto mbê. 24 Yepê, Ye dmââdî doo pwene, ngmênê a dpî. Yepê, Kuwa pwii dmyeno. Yesu dnye yumuyumu, ngmênê kuwa pwêii too. 25 Yi dmââdî u ngomo ghi kêoo mî kee wo, kwulo kele, mêdê pyidu ngê. 26 Yi wee u kwo pêaani pêaani pi yintómu knî yi nuwo yi kópu yaa wo. 27 Dini ghi nêii ngê Yesu ngê yi pêaani pee yedê kuwo ngê, pi miyó u kuwó ghê wo. Yi pini dê yi ngwolo páádi knî kopwe dé. Yesu dpîmo yâmuyâmu, u kwo dpîmo a kââ, kópu, Nêii Chóó Lémi ngê a ngmidi ngê, Dépidi ntee pini, u ntââ ṉga wanyi chêanê knî? 28 Dini ghi nêii ngê Yesu ngomo kêoo mî kee wo, yi ngwolo kopwe dê yêi myemî kee knopwo. Yesu ye póó wo, yepê, Mumdoo dpî kêlîmî mbêmê, dpînê dpo nê u ntââ, nêaa pyipyi dpêo? Kwo, Nyââ, nmî Lémi. 29 Wodêoo Yesu ngê yi ngwolo páádi knî yi pêuu kêê yó, yepê, Kópuni ka dpo kêlîmî mo, yi kópu pyaa we, 30 wodêoo yi ngwo yélî mê mêuu ngópu. Yesu ngê yepê, Kópuni dpo dî dêuu, pi knî yi ngêêdî nangênêaa ntêo. Yi kópu dnyinté ye daa kwódu ngê, 31 ngmênê u dnye daa nyêee ngópu, pêaani pêaani lee knopwo, pi knî ye yuu mînê yêee ngópu. 32 Dini ghi nêii ngê Yesu pêuu kuwa pwii dniye, pi knî yêoo pi ngmê u kwo Åuwêo ngópu, u kmêna u ngwo ngmêdoo kwo. Yi kmêna ngê yi pini u dnye lêâmo wunê a ngópu. 33 Dini ghi nêii ngê Yesu ngê yi pini ngê u kmêna ngmêii kwólu, wodêoo yi pini modoo danêmbum. Yélini yilî yi ngópu yi kópu pyodo, ghê yi mênê ghipé wo, yi nyepênyepê u kópu ngê mye pyodo, noko yepê, Yisîléli Wee u kwo kînté kópu pi doongmê módu. 34 Ngmênê Pádisi knî yêoo noko yepê, Setan ntee pini nmye yila, nêii kmêna knî yi kada pini. Noko yepê, Setan u wêdêwêdê mbêmê kmêna yoo yinê a ngmêii kîgha too. 35 Yesu pêuu pêaani pêaani lee dniye, yoo yi ngêpê ngomo knî yi kêoo dnyimonêaa koko. Yesu yêi ye dpîmonêaa dêêpî, yipu, Chóó Lémi ngê chóó u yoo yi yêenê knêââ daa kêmakêma a chapî. Pwopwokopwe yilî mye pyi ngê. Mbii dyêêdî daa ngmidi yi pêuu doo ya, ngmênê Yesu ngê pyi too. 36 Dini ghi nêii ngê yoo ndîî módu, u kwo chêanê dniye, mu kópu u dîyêo apê, Na a ka sipi wêuu nêii yi yêeeyêee pyu daa tóó, pi ye daa vyuwo. Apê, Chii wêââ knî ye a nkîngê té, yi ngêêpî pyu daa tóó. 37 Wodêoo pêuu ndiye pyu knî ye yepê, Chóó Lémi u yâpwo têdê nté alêii daa ghêdê, ngmênê nté mgîpî pyu mdoo daa tóó. 38 Yepê, Yâpwo têdê chóó ka dmyinê ngêpê, nté mgîpî u lêêê dîyêo pi knî nmye mupêdê kê ngê.