Luukî 3

1 Lóma tpémi yi king Okastas dini ghi nêii ngê pwene, u wo tpêee Taipidiyas ngê u dêaa a kââdî ngê. Mêââ yêa mê limi mî loo, Sekîdaiya tpêoo Njon ngê u dpodo knêââ u ngwo chópu. Yi dini ghi ngê Lóma lede knî yêoo Nju tpémi dnye yêenê dé, yi kada pini u pi Pontiyas Paléti. Antipas Helodi ngê Nkálili tpémi doo yêenê dé, mu kópu u dîyêo Lóma tpémi yêoo yi kada pini ngê yêoo pyódu ngópu. U mbwó Pilipi ngê Itudiya tpémi Tîdakonaitis tpémi yinê doo yêenê dé, Laisaniyas ngê Apîlini tpémi yinê doo yêenê dé. 2 Yi dini ghi ngê Nju tpémi yi kpêê yiyé pyu ndîî miyó doo ya, Anas pini dê Kayapas. Yi yéli doo kwo, Sekîdaiya tpêoo Njon wêamî mbêmê doonêaa ya, daa yoo vyêo. Yi dini ghi ngê Chóó Lémi u kópu dyuu yêi mînê nyongo, u dpodo knêââ u ngwo chópu. 3 Njon mbwaa ndîî Njódan wope wope pêaani pêaani dpîmo lêpî, pi knî ye dpîmonêaa dêêpî, yipu, Nmyi dono yilî yi lêêê dîyêo Chóó Lémi u yoo kuwa nmyi chóó nmyi ghê dniye. Yipu, Nmyi dono yilî kéé tóó, nêaa mbápitisîm kîgha nmyo, Chóó Lémi ngê nmyi dono yilî u kuwó u ngwo wa kéé té, mêdaawa a ngî té, Chóó Lémi u yoo njini ngê u ngwo wanmyi pyaa dmi. 4 Kópuni Yisaya ngê u puku yedê wunê a dêêê ngê, Njon ngê yi ngwo ntiye ngê. Yi kópu ala. Wêamî mbêmê pi ngma adî kââ, yewo, Nmî Lémi u maa a yé yó, maa mbêaa yidó yé yó. 5 Ghi nkîlînkîlî a nmyêee tóó, paa ghi dpî ché tóó, mbu mbodo myoo ché tóó, maa kwolo ngmê dé ntênê dpo yé tóó, nmî Lémi u maa pêuu duu kîngmê kwo. 6 U kuwó dini ghi ngê nmî Mbwámê ngê yi máádi wa a kwolo, pi yintómu knî yêoo yi pini u ngwo wa mêuu ngmê. 7 Njon ngê yoo kwéli dpîmo mbápitisîm kîgha, yêi pi yilî u kwo loo, u yi yêe doo kwo, Nye mbápitisîm kalê nmîne. Njon ngê yi gha dmi módó, yepê, Nmyo kêomodanê pyu yoo. Yepê, Lukwe dîyêo nmyinê nmye, Mbápitisîm mbêmê Chóó Lémi ngê daawa kpada nmo. 8 Yepê, Nmyi dono yilî mwiyé kéé tóó. Yepê, Dono kópu nêaamungî dêuu, kópu mbêaa yilî dmyinênêaa dêuudêuu, u ngwo anê wêee, nê, Yi nuwêo dmi ndêndê ngê dê ngmêê têoo. Yepê, Ala kópu namê tpapê, Epîlaham nmî knêââ, Chóó Lémi ngê daawa kéé nmo, pêee nmo ada a vyuwo. Yepê, Yi kópu ló dini mwo a vyu, ngmênê nmyi dono yilî yi lêêê dîyêo ntênê wa kéé nmyo. Yepê, Chóó Lémi u wêdêwêdê ndîî, u ntââ, ala chêêpî dyuu wa a ngî, pi ngê wa pyódu té, nmyi dêaa dmi yêoo wa a kââdî ngmê. Yepê, Vyîlo yi yéli ye ada a vyuwo. 9 Yepê, Ala ngwo Chóó Lémi maadî kîyedê kwo, u myângo wumê mumu. Yepê, Yi myângo vyêo yini nêii ntêu mbêaambêaa ngê daa kelekele, wa kpono, pââ ndiya wa kéé. 10 Pi knî yêoo kwo, Ló kópu ngmanmî dêuu? 11 Yepê, Nêii u mbêêê pee ndîî, pinté yoo mîchoo a wopwe dé. Yepê, Nté myenté, nêii u ngópu nté a tóó, choo yêêpî. 12 Tákisi ngêêpî pyu yoo myedê lee dniye, apê, Njon ngê nye mbápitisîm kalê nmîne. Njon ka póó dniye, kwo, Mââwe, ló kópu ngmanmî dêuu? 13 Yepê, Tákisi ndapî u ntââ mbêmê dmyina a ngêêpî. Yepê, Yoo namê dódó, nmyi chóó nmyi ndapî ndîî nama a ngêêpî. 14 Helodi u lede ngmê knî yêoo kwo, Nmo angênté dé? Kwo, Ló kópu ngmanmî dêuu? Yepê, Pi u tpile módó nangmê ngî, pi pêuu kêêmî nangmê kââ. Yepê, Nmyi dpodo u pywuu pêuu namê danê, u ntââ ngê nmye choo ya. 15 Pi yintómu yi gha dmi mbêaambêaa ngê pyodo, apê, Pini nêii Chóó Lémi ngê a ngmidi ngê, nmî Mbwámê ngê a pyódu ngê, ndoo apê wu Njon vyîlo. Apê, Nmî kada wa ghê, Lóma tpémi wanmî ngmêii kalê té, yedêoo nmî chóó anmî ya. 16 Njon ngê pi yintómu knî ye yepê, Nê kuu. Yepê, A kada pini kîyedê pwiyé knî, pini nêii u pi ndîî. Yepê, Nê têdê, dêoo u ntââ, u nkîghêê daanî nî. Yepê, Nê tpêee. Yepê, Mbwaa ngê munî mbápitisîm kîgha nmyo, ngmênê yi pini ngê Chóó Lémi u Ghê Dmi ngê wa mbápitisîm kalê nmyo, ndyuwêe ngê wamye mbápitisîm kalê nmyo. 17 Yepê, Pini nêii wunê pwiyé knî, daa kêmakêma a taataa. Yepê, Dini ghi nêii ngê wa têaa, nmyo yintómu daawa ngee nmyo, wa chámê nmyo. Yepê, Nêii yoo mbêaambêaa dé, wa a ngî té, nêii yoo dono dé, wa kéé té, ndê ngê wa ma té, yi ndyuwêe chedê ngê daawa pyódu. 18 Yesu u kópu mbêaa pêuu Njon ngê yoo daa kópu ngmidi pêuu doo ndiye kîgha dé. 19 Ngmênê Njon Antipas Helodi pêuu myedpîmo danê, mu kópu u lêêê dîyêo Antipas Helodi ngê u kpâm kpîpî ngê, u mbwó kpâm Helodiyas têâmo ngê, kópu dono mê yilî dpîmo dêuudêuu. 20 U kuwó dini ghi ngê Antipas Helodi ngê kópu dono ndîî ngmê dêuu ngê, Njon mbwa kêoo kmungo. 21 Antipas Helodi ngê Njon mbwa kêoo ghêlî daa kmungo, Yesu Njon ka loo. Dini ghi nêii ngê Njon ngê pi yintómu mbwaa paa kmênê too, Yesu mbwaa paa mye kmênê ngê. U kuwó dini ghi ngê Yesu doo ngêpê, u mî ka, mbóó u ngwo u kwo a kpêmî ngê, 22 Chóó Lémi u Ghê Dmi vyêêmê kêii ntee tpile ngê u pwo a ghêpê wo. Mbóó pêuu dnye ngmê nyêee ngópu, kwo, Nyi a tpêee njini, ṉuu ghi a nódo ka tóó, dye ghi yintómu a nuu u kópu nye dêuudêuu too. 23 Dini ghi nêii ngê Yesu ngê u dpodo knêââ chópu, yi ngwo u mêââ pyoloyêa ngê doo ya. Yoo alanté dnye nuwêo, apê ngmênê, Yesu Njósép tpêoo, Eli u kee. 24 Eli u mî Matati. Matati u mî Lipi. Lipi u mî Melîki. Melîki u mî Njanay. Njanay u mî Njósép. 25 Njósép u mî Matataiyas. Matataiyas u mî Emos. Emos u mî Nahum. Nahum u mî Esîli. Esîli u mî Nankay. 26 Nankay u mî Maati. Maati u mî Matataiyas. Matataiyas u mî Seméni. Seméni u mî Njóséki. Njóséki u mî Njóda. 27 Njóda u mî Njówanan. Njówanan u mî Lésa. Lésa u mî Sedapapel. Sedapapel u mî Siyaltiyéli. Siyaltiyéli u mî Nédi. 28 Nédi u mî Melîki. Melîki u mî Adi. Adi u mî Kósam. Kósam u mî Elîmadam. Elîmadam u mî Edi. 29 Edi u mî Njósuwa. Njósuwa u mî Eliyesa. Eliyesa u mî Njódim. Njódim u mî Matati. Matati u mî Lipi. 30 Lipi u mî Simiyón. Simiyón u mî Njuda. Njuda u mî Njósép. Njósép u mî Njónam. Njónam u mî Elayakim. 31 Elayakim u mî Méliya. Méliya u mî Mena. Mena u mî Matata. Matata u mî Natan. Natan u mî Dépidi. 32 Dépidi u mî Njési. Njési u mî Opédi. Opédi u mî Mbówas. Mbówas u mî Salîmon. Salîmon u mî Nason. 33 Nason u mî Aminatap. Aminatap u mî Adîmin. Adîmin u mî Ani. Ani u mî Hesîdon. Hesîdon u mî Pedes. Pedes u mî Njuda. 34 Njuda u mî Njakóp. Njakóp u mî Yisak. Yisak u mî Epîlaham. Epîlaham u mî Tela. Tela u mî Nahó. 35 Nahó u mî Seduki. Seduki u mî Leyu. Leyu u mî Peléki. Peléki u mî Epédi. Epédi u mî Sila. 36 Sila u mî Kainan. Kainan u mî Apakîsadi. Apakîsadi u mî Sem. Sem u mî Nówa. Nówa u mî Laméki. 37 Laméki u mî Mîtusîla. Mîtusîla u mî Inóki. Inóki u mî Njadédi. Njadédi u mî Mahalalil. Mahalalil u mî Kainan. 38 Kainan u mî Inos. Inos u mî Séti. Séti u mî Adam. Adam u mî Chóó Lémi.