Luukî 15

1 Wo ngmê ngê tákisi ngêêpî pyu yilî Yesu ka lee dniye, yélini Pádisi knî yêoo mwiyé kéé tumo, u kwo mye lee dniye, danêmbum têdê dnyenêaa ngêaangêaa. 2 Yesu yi vyêo doo kwo, mywene u ngwo myedêpwo kwo, wodêoo Pádisi yoo dêêpî pyu yoo dnye nuu mbumu, noko yepê, Lukwe dîyêo kî pini pi dono knî yi kêii a yakmaapî té. 3 Wodêoo Yesu ngê mgongo ye ngmê kwólu, yepê, Kópu nmye ngmênêaa poopoo. 4 Yepê, Nmyi vyêo pini ngmê, u sipi yonoyêa adî kwo. Yepê, Wêamî mbêmê wa Åuwêo té, yêi adnyinêaa kmaapî. Yepê, Ntumokwodo dini ghi ngê, awo, Pêo mêaa Åuwêo té. Yepê, Dini ghi nêii ngê wa a kpêaa té, yonoyêa daawa mêuu knomomê, tonoyêa mê chu ayi mêuu knomomê, lukwe, ye ala kópu wa vyi, awo, Yonoyêani mwo a pêaa, monyi pwêoo we? Yepê, Doo u ntââ, yi kópu daawa vyi. Yepê, Tonoyêa mê chu kmaapî têdê wa a kuwo té, yonoyêani adînêaa nmyêuu. 5 Yepê, Dini ghi nêii ngê amênê pywêoo, u gha mbêaambêaa ngê wa pyódu, wa dnyinê, u nkono wa yé, pêo wa Åuwêo. 6 Yepê, U kuwó dini ghi ngê u pyipe knî ye, ngmênêni knî mye yi kêii, ye wa mbwólu, yewo, A da we, a sipi tpêoo nêii nî nmyêuu, kîmêdêa pywêoo, u kmaapî tpêoo dóó koo. 7 Yepê, Nêii ngê dono u maa dpo kuwo, Chóó Lémi ka dpo diyé, yi pini u lêêê dîyêo Chóó Lémi u gha dêudêumbiyêe mbêaambêaa ngê dpî pyódu. Yepê, Yini sipi yonoyêani ntee pini. Yepê, Nêii yoo yi nuwêo dmi alanté a tóó, apu, Nmo mbêaambêaa dé, yepê, yi yéli Chóó Lémi ka daawa diyé dmi. Yepê, Yi lêêê dîyêo Chóó Lémi u gha mbêaambêaa ngê daawa pyódu. 8 Yepê, Pyââ ngmê u ndapî yêa njini adî ya, yononi lêâmo wa a ngee knomomê, lukwe, ala kópu wa vyi, Mwo a pêaa? Yepê, Kêle, yi kópu daawa vyi. Yepê, Wadî nmyêuu, u tpile yintómu wa wêee té, u ngomo maknopwo ghi wa a ghêii, u dî amênê pywêoo. 9 Yepê, Dini ghi nêii ngê amêdê pywêoo, u pyipe knî ye, ngmênêni knî mye yi kêii, yewo, A da we, ndapî lêâmo nêii nê ngópu, até mêdêa pywêoo. 10 Yepê, Myenté, dini ghi nêii ngê pi ngê u dono yilî dpo kuwo té, Chóó Lémi ka dpo diyé, enjel yintómu yi gha dmi mbêaambêaa ngê dpî pyódu. Yepê, Yélini a ka wunê lêpî nyédi, yi dono wunê kuwokuwo tumo, Chóó Lémi ka mêwunê diyédiyé té. Yepê, Yi lêêê dîyêo nmyi gha dmi lukwe dîyêo mbêaambêaa ngê daa tóó. 11 Yesu ngê Pádisi knî ye mgongo ngmê kwólu, yepê, Pi ngmê, tpêoo miyó doo ya. 12 Yepê, Kaapeeni ngê u mî ka kwo, Mêaa, Å̱mile yilî a mbwó kêii ala ngwo nye yéépi. Yepê, Wodêoo yi mî ngê u tpile yintómu ye yópu. 13 Yepê, Wo wéni knî yi kêoo kaapeeni ngê u tpile woni pi knî ye yêee too, u kwo pwila tumo, wodêoo kada a yêângo. Yepê, Dyámê pee ngmê mbêmê chono daa loo, yêi doonêaa ya, u ndapî yilî u pyipe knî yi pêuu mî dyênê ngê, nipi dnyenêaa mbwaa ndanî. 14 Yepê, U tpile yilî yintómu lêâmo mînê ngópu, yedêoo yi dyámê pee pêuu mêuu ndîî ngmê ghê wo, nté chedê ngê pyodo, yi pini ngê dómudómu myedê pywêângo. 15 Yepê, Yi pêaani pi ngmê pêuu doonêaa dpodo, u mbwêmê wêuu ka dpîmonêaa vyuwo, ngmênê u dpodo u pywuu doo u ntââ yidpîmo a ngêêpî, nté pee tpêoo yidpîmo pîpî. 16 Yepê, Ntini nêii mbwêmê knî yêoo dnyimo a pywêêmî, u yi u ngwo dpîmo kwo, Yi ntini myêaa ma, ngmênê doo u ntââ, yi ntini daapî ndîî. 17 Yepê, U nuwêo u kwo yimênê diyé wo, apê, Ngêaanî dómudómu. Apê, Mêaa pêuu dpodo pyu knî yêoo dye ghi yintómu u ntââ ntini yiwunê pîpî ngmê. 18 Apê, Mêaa ka pêo mênê lêpî, Mêaa ka ala kópu anêuu vyi, Mêaa, Chóó Lémi ka noo dono, ṉga myenoo dono. 19 Doo u ntââ Å̱mêee ngê mêdaanî ya, ṉmodo pyu ngê pyódu nédi. 20 Yesu ngê yepê, Wodêoo kada a yêângo, u mî ka pêo mê diyé wo. Yepê, Chono dêpwo a mêii, u mî ngê yêi a módu. Yepê, Tpêoo u mî ka chêanê wo, u mî ngê mbêpê a puwâ, maa pêuu mînê pyódu ngê, tpêoo u kede paa têângo, dmi ngmidi kpo, Åêuu kpââ pee pêuu dyîngo. 21 Yepê, Tpêoo ngê kwo, Mêaa, Chóó Lémi ka noo dono, ṉga myenoo dono, doo u ntââ Å̱mêee ngê mêdaanî ya. 22 Yepê, U mî u kwo daa nodêe wo, u dpodo pyu knî ye yepê, Ngomo kêoo kpîdî mbêaa ngmê nya yó, lîmîlîmî ngê u mbwo nyi têee yó, yu dópo dê yuwo mye têee dóó, pi yintómu yi lama yaa we, Ala a tpêee njini. 23 Yepê, Pudumakó tpêoo nêii pêuu ntênê yilî a têa, ngmênyi vya yó, kmaapî ndîî ngma a pwaa koo, 24 mu kópu u dîyêo a tpêee na a ka kî pwene, kîmêdê pyidu, na a ka lêâmo a ngêpa wo, ngmênê até maa têaa. 25 Yesu ngê yepê, Yi dini ghi ngê tpêoo kaa dpodo têdê doo ya. Yepê, Dini ghi nêii ngê pêo mêdoo a diyédiyé, maa pêuu apê, Mêaa kêii nyi ngomo kêoo lukwe u dnyengi ka kwo, lukwe dîyêo ka yumu té, ka wéti té, ka kââkââ té. 26 Yepê, U mî u dpodo pyu ngmê ka kpede mbê wo, u kwo póó wo, kwo, Kêii lukwe ngma a pyodopyodo, ló mââwe ngmêyi têaa? 27 Yepê, Yi dpodo pyu ngê kwo, M̱wó kîmêdê diyé, m̱î ngê nté pee u lêêê dîyêo ngmêkêdê lêâmo, mu kópu u lêêê dîyêo dîmî pwene, mêkêda diyé, vyîlo yi dnyengi ye kwo. 28 Yepê, Tpêoo kaani dêudêumbiyêe u mî ka nodêe wo, u yi u ngwo dêpwo kwo, Yi ngomo kêoo nî kee. Yepê, Wodêoo u mî kuwa u kwo a pwii wo, kwo, Ngomo kêoo a kee. 29 U mî ka kwo, Kî mêaani yilî kînê vyêungo, m̱êuu wâpu noo dpodo. Kwo, Ṉgópu yilî dîpîngmê knêaadi ngê, ngmênê yenté kópu a nga dipingmê dêuu ngê, nunukwéti a pyipe knî yi kêii nmo myedipengmê kpo. 30 Kwo, Å̱mêee ngê ṉapî yilî téli pyââ knî yi pêuu mî dyênê ngê. Dini ghi nêii ngê pêo mêdê diyé, pudumakó u lêêê dîyêo lukwe dîyêo ngmêchi vyêa. 31 U mî ngê kwo, A tpêee, alêii dye ghi yintómu ṉgêii nye tóó mo, tpile yilîni a ngópu a tóó, ṉêni dé. 32 Kwo, Doo u ntââ m̱wó módó daapaa têaa, mu kópu u dîyêo na a ka mînî pwene, kîmêdê pyidu, lêâmo mînê ngêpa wo, kîmêdêa pywêoo. Yesu ngê Pádisi knî ye yepê, Nmyo yi pini tpêoo kaa ntee pini dé.