Njuda 1

1 Nê Njuda, Yesu Kédisu u dpodo pyu ngmê, myenté nê Njems u mbwó. A tîdê mbwó yoo, nmî Mî Chóó Lémi nódo nmyi nuu ghi dmi wunê tóó, yinê a ngmidi nmyoo, Yesu Kédisu kóó kêoo kaa nmyoo. 2 U ya a nga a kwo, Nmî Mî ka dmyinê chêanêchêanê, mbêaambêaa ngê nmye choo a vyuwo, nmyi nuu ghi dmi dêudêumbiyêe nódo dnyêoo ya. 3 A tîdê mbwó yoo, u ya a nga doo kwo, Nmî Lémi kóó kêoo wowo pêuu pweepwee pee nmye ngmênê dêêê, ngmênê ala ngwo kópu ngmê ndîî kópu ngê a ka dê pyódu. Kópuni dyuu ka nmyi kêlîmî mbê dniye, dpodombiyêe dmyinê tpyé. Yi kópu dyuu Chóó Lémi ngê nmo a kpo, pi ngmê ngê kîngê ngmêê té. 4 Yinté pini knî ngmê nmî Lémi u yoo vyêo tumutumu a ghê dniye. Yi yéli yêoo nmî Mî dnyinté a chââchââ ngópu, u módó yeedeyeede pêuu kópu dyuu dpî ngmêê ngmê, yinê ye, Kêomo tpile kópu dono yilî anmî dêuudêuu, nmî Mî ngê daawa kpada nmo. Nmî Lémi mu ngmidi Yesu Kédisu ngê kópuni dêuu ngê, kêomo tpile ngê u ngwo dpî pyódu ngmê. Nmî Mî ngê yi yéli ló dini a mêuu too, ntênê wa kpada té. 5 A tîdê mbwó yoo, pi kpadakpada u kópu dé nmyi lama a pyede, ngmênê nmye mênînê vyilêvyilê té. Kêomo tpile nmî Lémi ngê Yisîléli tpémi Yichip u mênê a pwêii too, ngmênê yélini kuwó u kwo dêdnyimo kêlîmî, yi yéli a vya too. 6 Enjel yoo yi pêuu myedmyinê nuwêo. Nêii yoo yi chóó yi pono dnyimo a vyápê, yi chóó yi pi dmi dnya a kmîmî dé, yi enjel yoo Chóó Lémi ngê mbwa kêoo kmêêê too, puwóma té yi kêlê têee too. Mgîdî vyêo yêi a pyede, doo u ntââ daawa pwii dmi, u dî kuwókuwó wéni ngê Chóó Lémi ngê dêudêumbiyêe wa dyênê té. 7 Myenté Sodom pêaani dê Kîmoda yi pêuu dmyinê nuwêo, yi nkîghêê pêaani knî yi pêuu myedmyinê nuwêo. Enjel yoo ntee dnya a dono, yi yéli yinté myednya a dono. Máádini pêuu Chóó Lémi ngê a kaa too, yi máádi a kuwo ngópu, dnyimo a numo kpêêpî. Yi pêaani dê dyimê pywuu ngê a pyódu doo, nêii ngê yinté kópu dono adî dêuudêuu dé, ndiya wa ghîî, yêi chedê ngê daawa pyódu. 8 Pi dódó pyu yoo nêii nmî Lémi u yoo vyêo tumutumu a ghê dniye, mye yinté yéli. Kópuni yi wóó kêoo dpî mêuu têoo, yi kópu knî yi lêêê dîyêo yi pââ dmi dpî dyênê têoo. Yélini kada a wee, daa chââchââ tumo, enjel yoo yi pêuu mye peede tpapê nyédi. 9 Kêomo tpile enjel yoo yi kada pini Maikel u pi ndîî, ngmênê yinté dêpwo peede tpapê. Dini ghi nêii ngê Mósisi pwene, Maikel Setan yêoo ntóó numo kwulo dpîmo a pwapî, ngmênê Maikel ngê Setan ka peede kópu daangmê vyu, kwo, Nmî Lémi ngê paa kpada nyine. 10 Ngmênê pi dódó pyu knî yêoo kópuni dêdê wopwe tumo, yi kópu knî yi pêuu a peede tpapê nyédi. Chii wêââ ntee yéli. Kópuni chii wêââ wêuu yi lama a pyede, yi yéli yi lama yi kópu mye pyede, a dêuudêuu tumo, u lêêê dîyêo yi kpadakpada têdê wa lee dmi. 11 Dnyêoo nkîngê. Keen u ntêanê dê yaa dmi. Ndapî kmênêkmênê u lêêê dîyêo Mbalaam u ntêanê dê yaa dmi, pi ka daa ngêaa nyédi. Kóda ngê u yi u ngwo ntee dêpwo kwo, Mósisi nmî kada choo kwo, yi yéli mye yinté dé, u yi yêe daa kwo, Pi nmî kada ngmêchoo kwo. Nmî Mî ngê ntênê wa kpada té. 12 Dini ghi nêii ngê nmî Lémi u mgamê u lêêê dîyêo nipi nmye kmaapî nyédi, yi yéli nmyi vyêo dpî ghê dmi, a ÅuknweÅuknwe nyédi, ngmênê mywene yêe dêuudpî ghê. Kêii wulu ngê kpîdî ntee dpî dyênê, yi yéli yêoo yinté myoo dyênê nmyo. Yi chóó ye a vyuwo nyédi, yoo daa ngêêpî tumo. Dini ghi nêii ngê kââdî ndîî dpî kee, têpê wêdêwêdê ngê dpî pyódu, pi knî yêoo u yi yêe a kwo yédi, Tpii a ghay we. Dini ghi nêii ngê yópu ngê nkalî dpî têâmo té, tpii dêuuwodê ghay, yoo daa yi nuu u kópu ngê dpî pyódu. Pi dódó pyu yoo mye yinté yéli, yoo daa ngêêpî tumo. Nté knêââ nêii nkwodo ntêu dêuudpî kaalî, yópu ngê u nkwo dpî tpaa, ntóó ngê dpî pyódu, pi dódó pyu yoo mye yinté yéli, yi ntêu dmi dêuudpî kaalî. 13 Myenté, ntii mênê tupwóni a tóó, mgêêênî ngê tii vyuwo ntee dpêuu têoo, yi yéli mye yinté yéli, mywenemywene u kópu dé pi knî yi ngîma a tpyuu tumo. Myenté, mye pudu ntee tpile dé, Chóó Lémi ngê yi pêaa wunê ka a lêâmo ngê, mgîdî vyêo yêi adnyinêaa ya, chedê ngê daawa pyódu. 14 Adam u mêêdupu Inóki ngê yi kêomodanê pyu knî yi pêuu wunê ala kópu a vyu, apê, Nmî Lémi dini ghi nêii ngê wa a lê, u enjel yilî tpêoo témi tap knî yi kêii wa a lee dmi, 15 pi yintómu amî kóté kalê têoo. Yélini yintómu nmî Lémi pono daa vyápê nyédi, yi kpadakpada têdê wa dyêââ têoo, mu kópu u dîyêo a dono nyédi, nmî Lémi pêuu a peede tpapê nyédi. 16 Pi dódó pyu yoo a nuu mbumu nyédi, kada pini yoo yi pêuu a danê nyédi. Yi chóó yi pono a vyápê nyédi, yi chóó yi pi dmi mye kmîmî tumo. Ndáápi yoo kêomo ngê a chaa kîgha tumo, dpo, Tpile knî nmo ngmêpêdê kê yêe. 17 A tîdê mbwó yoo, nmî Lémi Yesu Kédisu u dyépi knî yêoo wunê kópuni nmye a vyi tumo, yi kópu dmyinê nuwêonuwêo dé. 18 Ala kópu nmye mwo a vyi ngópu, nmyepê, Mu dini ghi ngê nmyi vyêo yoo angmê chaa. Nmyepê, Nmî Mî chââchââ yi yéli ye têdê kópu ngê adî ya. Nmyepê, Kópu dono yilî adnyi dêuudêuu, yi chóó yi pono adnyi vyápê. 19 Yi yéli yêoo dpî chámê nmyo. Yi chóó yi nuwêo mbêmê a mbumu nyédi, nmî Mî u Ghê Dmi yi mênê daa tóó. 20 A tîdê mbwó yoo, yi ntêanê nangmê yââ. Nmî Lémi pêuu ntênê dmyinê ndiye, ntênê u kwo myedmyinê kêlîmî. U Ghê Dmi u wêdêwêdê mbêmê dmyinê ngêpê. 21 Nmyi nuu ghi dmi nmî Mî nódo mudnyêoo ya, nmî Lémi Yesu Kédisu u ngwo dmyinê têââtêââ. U kwo nmyi chêanê dniye, ghê kamî nmye yinê wa a kê, ghéni nêii chedê ngê daawa pyódu. 22 Yélini a nuwêo miyó miyó nyédi, nmye dnyêoo chêanêchêanê, 23 ndê u nkîghêê a wee. Modo diyédiyé kalê tóó, maa ndêndê pêuu dpî kaa tóó. Yélini a dono nyédi, nmye myednyêoo chêanêchêanê. Mbêaambêaa pêuu modo diyédiyé kalê tóó, ngmênê dmyinê nkîngê, yi lêêê ghi nangmê dêuu, kminté wa dyênê nmyo, nmî Mî ka tupwótupwó ngê wanmyi pyaa dmi. 24 Chóó Lémi chaa kîgha koo. Knêaa yâpwo daamu a tóó, dêo mu ngmidi. Tpêoo Yesu Kédisu nmo a dyêââ ngê, nmî Mbwámê ngê pyódu ngê, nmî Lémi ngê mye pyódu ngê. Nmye wunê vyuwo yédi, doo u ntââ daanmyinê lvêêdî dmi. Nmyi dono chedê too, ngîma amî kaa nmyo, wêaa ndîî u ngwo anmyimo pywêee ngmê. Nyââ, ntênê chaa kîgha koo, mu kópu u dîyêo dono pêuu daa têa, u pi ndîî ngê a tóó, u wêdêwêdê mye ndîî, pi yintómu u maknopwo a pyede. Dye ghi yintómu yinté doo a ya, dye ghi yintómu yinté amyedînêaa ya, chedê ngê daawa pyódu. Wu u dî.