Njon 11

1 Pi ngmê, u pi Lasadas, u tîdê dê yi kêii pêaa ngmê dnyimo ya, Petani. U tîdê dê yi pi dê Mata mbwémi Méli. (Pyópuni ngê nmî Lémi yu pêuu mbwááni nêii tuu mbêaa a pii ngê, chóó u mbodo ghêaa dmi ngê mê pyi ngê, yi pyópu vyîlo yi Méli.) 3 Yi pyópu dê yi tîdê Lasadas mbila wo, wodêoo Yesu ka kópu dyêââ ngópu, kwo, M̱yipe mbêaa kêdê mbilêa, yêayêa dê pwiyé. 4 Dini ghi nêii ngê Yesu ngê a nyongo, nmopê, Wu mbii daa pwopwo u mbii, ngmênê u ntêu kópu ala, Chóó Lémi u pi ndîî ngê paa pyaa we, Tpêoo u pi ndîî ngê u ngwo myepaa pyaa we. 5 Yesu nódo Lasadas lémi knî yi nuu ghi dmi mbêaambêaa ngê doo ya. 6 Kêomo tpile Lasadas u mbii u pi a nyongo, ngmênê ghêlî u kwo daa nêee. Kwéli nmee ya, wo mê miyó yêi nmî chedê ngê. 7 U kuwó dini ghi ngê nmopê, Njuda Wee u kwo mê diyé kmêle. 8 Kwonmo, Mââwe. Kwonmo, Nju tpémi yêoo mêii tuwo chêêpî ngê mupî vya nyoo, lukwe dîyêo yêi mono diyédiyé té. 9 Yesu ngê nmopê, Ghêlî daawa vya nê. Nmopê, Kââdî nmo doongê ghêpê wo. Nmopê, Nêii wêêênî a dpodo yédi, Åedê dêuudpî kaalî, mu kópu u dîyêo wêêênî a dpodo yédi, tpile yilî a yêenê ngê. 10 Nmopê, Ngmênê kââdî dini ghi nêii ngê dpî ghîî, nêii ngê u dpodo dêuudpo kêlî, mgîdî vyêo a dpodo yédi, Åedê u ngwo dpî kaalî, mu kópu u dîyêo wo daa ya yédi. 11 Yi kópu nmo yi vyu, u kuwó dini ghi ngê nmopê, Nmî pyipe Lasadas kîyedê dpî, nêaa lêpî, u dpî nîmo nyêâânyêââ. 12 Kwonmo, Mââwe. Kwonmo, Wunê dpî knomomê, ye chóó mê pyiyépyiyé. 13 Nmînê nmo u mbii machedê ngê wunê pyodopyodo, wunê dpî, ngmênê Yesu Lasadas u pwopwo pêuu nmo doo mgongo. 14 Wodêoo Yesu ngê yimi nmopê, Lasadas kêdê pwêonu, 15 ngmênê nmyi lêêê dîyêo a gha mbêaambêaa ngê dê pyódu. Nmopê, U kwo wêaa loo, ye kópu têdê yipêee mêuu ngópu, dêudêumbiyêe a ka daapêee kêlîmî mbê dniye. Nmopê, U kwo lee kmêle, nmyi kêlîmî ndîî ngê paa pyaa we. 16 Nmî vyêo pini ngmê Tomas, pini nêii u mbwó kêii nipi taa knopwo, yi pini ngê nmopê, Nmî mââwe u kêii nipi lee kmêle, u kêii nipi paa pwêoo kmêle. 17 Dini ghi nêii ngê Petani nmî taa dniye, nmopê, Lasadas paa tuwo kî kmênê ngópu. 18 Nmopê, Pi yilî Njedusalem kêda ndê, Mata mbwémi Méli ye kêdê lee dmi, yi nuwêo dê ka lêâmolêâmo dêoo, yi tîdê u lêêê dîyêo. (Petani Njedusalem u nkîghêê a tóó, daa kuughê, 3 km.) 20 Dini ghi nêii ngê Mata ngê nyongo, apê, Yesu maa pêuu kîyedê pwiyé knî, wodêoo u mbwó Méli ngomo kêoo a kuwo ngê, maa pêuu mênê pyódu nmoo. 21 Yesu ka kwo, A Lémi. Kwo, Alêii wonyoo ya, a tîdê daapî pwene, 22 ngmênê a lama ka tóó Chóó Lémi ka kópuni nye dmyinê, yi kópu vyîlo ye dêuudêuu. 23 Yesu ngê kwo, Å̱îdê mêwunê pyidepyide. 24 Mata ngê kwo, A lama ka tóó, kuwókuwó wéni ngê Chóó Lémi ngê pi yintómu wa pyidu té. Kwo, A tîdê u ngwo amêdê pyidu. 25 Yesu ngê kwo, A chóó nê yoo yi pyidepyide u knêââ, mye yi ghê kamî u knêââ. Kwo, Nêii a ka ada a kêlîmî, kêomo tpile wa pwêonu, ghê amaa ya. 26 Kwo, Nêii u ghê a têa dyámê mbêmê, a ka ada a kêlîmî, ghê kamî wa a pywêoo, ghéni nêii chedê ngê daawa pyódu. Kwo, Yi kópu ka nye kêlîmî? 27 Mata ngê kwo, A Lémi. Kwo, Yi kópu ka nêaa kêlîmî. Kwo, A lama ka tóó, Pini nêii Chóó Lémi ngê a ngmidi ngê, nêii nmo têââtêââ, nyi vyîlo, Chóó Lémi Tpêoo. 28 Mata ngê maa pêuu a kuwo nmoo, Petani mê diyé wo, u mbwó Méli ka tumu u kwo mbwolo, kwo, Mââwe kêda têa, ka poopoo ngi. 29 Dini ghi nêii ngê Méli ngê nyongo, wodêoo ghêêdî wo, Yesu u kêii nmo a loo. 30 (Ghêlî kêii pêo pi dêmî ta, Mata ngê maa pêuu kwéli a pyódu nmoo, yêi nmee ya.) 31 Dini ghi nêii ngê Méli lîmîlîmî ngê ghêêdî wo, ngomo kêoo a pwii wo, Nju tpémini Méli u nuwêo lêâmolêâmo u lêêê dîyêo yi ngomo kêoo dnye kwo, mye ghêêdî dniye, Méli mye ngmêê ngópu. Apê ngmênê, Kpê chedê dê lê, wumê mbê. 32 Dini ghi nêii ngê Méli ngê Yesu módu, u kwo a loo, yu kmêee dyimê wo, kwo, A Lémi. Kwo, Alêii wonyoo ya, ye a tîdê daapî pwene. 33 Yesu ngê Méli yi módu, apê, Mu mbê. Apê, Kî yéli myeka mbê té. U gha dyênê wo, kwodo ngêoo dmi mye tpalê wo. 34 Yepê, Ló yêi nmyi kmênê ngópu? Kwo, Nmî Lémi. Kwo, Lee kmêle, nga anyi mwini. 35 Yesu ngê mbê u ngwo myedê puwâ. 36 Nju tpémi yêoo noko apê, U pyipe mbêaa. 37 Pi ngmê knî yêoo apê, Kî pini ngê ngwolo kopwe angênté pyi ngê, lukwe dîyêo Lasadas daa pyi ngê. 38 Myombó Yesu u gha mê dyênê wo, wodêoo kpê chedê nmî lee dniye. Kpomo u mênê ntóó yêi mî kmênê ngópu, chêêpî ndîî u kpê komo têâmo ngmê kaa ngópu. 39 Yesu ngê yepê, Chêêpî tpiyé wupu kalê yó. Mata ngê Yesu ka kwo, Tuu wunê yiyé. Kwo, Paa tuwo nmî kmênê ngê. 40 Yesu ngê kwo, Ala kópu ṉga dî vyi, A ka nye kêlîmî, ye Chóó Lémi u wêdêwêdê ndîî awêde nye mumu. Kwo, Lukwe. Kwo, Yi kópu ka dêee kêlîmî? 41 Wodêoo chêêpî a tpiyé wupu kalê ngópu. Yesu mbóó pêuu vyu wo, u Mî ka kwo, Mwêââkó Mêaa. Kwo, Kópuni ṉga dêa dmyinê, kîcha dêuu. 42 Kwo, A lama ka tóó, dye ghi yintómu a ka nyinê ngêaa, ngmênê ala yéli yi lêêê dîyêo yi kópu dî vyi, mu kópu u dîyêo ala kópu ka paa kêlîmî mbê dniye, Pini nêii Chóó Lémi ngê a dyêââ ngê, kî vyîlo. 43 Yi kópu yi vyu, wodêoo dpodombiyêe mbwolo, apê, Lasadas, a pwii. 44 Wodêoo ntóó a ghêêdî wo, kpomo u mênê a pwii wo. Ntee kmênê ngópu, yinté mêdê pii wo, kóó yu yi pêuu kpîdî pee nêii têee tumo, yinté pêuu dnye ya, kpîdî pee nêii ngê mbodo a kmongo ngópu, yi kpîdî pee mbêmê myedoo ya. Yesu ngê yepê, Kî pini pêuu kpîdî pee a ngee tóó. Yepê, Paa wunê yém. 45 Nju tpémini Méli ka lee dniye, u nuwêo lêâmolêâmo u lêêê dîyêo, yi yéli yi ngópu Yesu ngê Lasadas a pyidu ngê. 46 Pi yilî u kwo kêlîmî mbê wo, ngmênê woni knî Njedusalem mê diyé dniye, Pádisi knî ye yi kópu u yuu ye mênê yêee ngópu. 47 Wodêoo Pádisi yoo, kpêê yiyé pyu yoo, kada pini yintómu nipi a wó, noko yepê, Lukwe ngmanmî mdêo, wu pini ngê kópu yilî ka dêuudêuu. 48 Noko yepê, Yi kópu adî dêuudêuu dé, pi yintómu u kwo wa kêlîmî mbêanê, Lóma tpémi yêoo wa nyêee ngmê, awo, Wu pini ngê u pi lukwe dîyêo mudu yêi a kmîmî. Noko yepê, U kuwó dini ghi ngê lede yilî ala Njuda Wee u kwo wa a dyêââ ngmê, wamî vya nmo, Chóó Lémi u ngomo wamye pwaa ngmê. 49 Pi ngmê yi vyêo doo kwo, u pi Kayapas, yi mêaani ngê kpêê yiyé pyu yoo yi kada pini ngê doo ya. Yi pini ngê yepê, Nuwêo nmyi mênê daa tóó. 50 Yepê, Ala kópu dmyongê wêee ngópu. Yepê, Pi ngmidi pi yintómu yi lêêê dîyêo paa pwêoo we, ye Lóma tpémi yêoo daawa a pwêoo nmo. 51 Yi pini doo u lama doo mbumu, ngmênê ndê kópu yedoo tpapê. Yi mêaani ngê kpêê yiyé pyu yoo yi kada pini ngê doo ya, Chóó lémi u komo u ngwo kââ. 52 A tîdê mbwó yoo, nmî lama ka tóó, Yesu Nju tpémi yi lêêê dîyêo pwene, knêaa yéli yi lêêê dîyêo mye pwene, mu kópu u dîyêo Chóó Lémi tpêoo módó tpêoo mââ yoo dyámê mbêmê dyámê mbêmê yélini a kwo, yoo ngmidi ngê u ngwo paa pyaa we. Kayapas u lama yi kópu dêpwo ya, ngmênê yinté kópu ye yi vyu. 53 Yi wéni ngê Nju tpémi yi kada pini knî yêoo Yesu u vyee u dyêoo a châpwo ngópu, 54 wodêoo Yesu tumutumu doo paa, Njuda Wee nmo kuwo ngê, pi kwéli dêpwo paa, yêi nmî lee dniye, pêaa ngmê u pi Epîdayim yêi nmeenêaa ya. 55 Nju tpémi yi naa ndîî, Tpêee Kaa Wêêêwêêê u Naa, daa kêmakêma doo dyimêdyimê, wodêoo pi yilî Njedusalem loo, daa dyámê ghi mu ngmidi tpémi yêi mî taa dniye. Yi nááli ghêlî daa kê ngópu, Njedusalem u ngwo lee dniye, Chóó Lémi ka tupwóni yi pêuu doo ya, u ngwo chedê ngópu. 56 Yesu dnye nmyêuu, Chóó Lémi u ngomo mbwa kalê ngmê kêoo noko dnye póó, noko yipu, Naa têdê daawa têaa, apii? 57 Yi kópu vyi ngópu, mu kópu u dîyêo Pádisi yoo kpêê yiyé pyu yoo yi kada pini knî yi kêii, ala kópu pi knî ye mwiyé vyi ngópu, yepê, Nêii u lama Yesu choo ya, yi pini ngê nmo dpî vyi ngê, yedêoo nmo mgîmîmgîmî.