Hipîlu 7

1 Mélkisadek Salem tpémi yi king ngê doo ya, kpêê yiyé pyu ngê myedoo ya. Yâpwoni u pi mudu yêi a tóó, vyîlo yi yâpwo ka dpîmo kpêê yiyé. Dini ghi nêii ngê Epîlaham u yoo knî yi kêii king páádi knî yi pêuu dnyenêaa lêêê, yi king yoo, yi yoo knî yi kêii, woni vya tumo. Dini ghi nêii ngê pêo dnye diyédiyé, Mélkisadek ngê Epîlaham maa pêuu a pyódu ngê, Chóó Lémi u pi mbêmê wêdêwêdê kalê ngê. 2 Knêaa lede knî yêoo tpileni mwiyé a têâmo tumo, Epîlaham ngê lêêê têdê yi kêlê mîmênê pwaa too. Yi tpile dyuu dyuudyuu a pyódu ngê, dyuu yêa ngê pyódu too, yononi dyuu Mélkisadek ka yêângo. Mélkisadek u pi u ntêu alanté, King nêii pêuu dyââpe daa têa. Mye Salem tpémi yi king, u ntêu alanté, Nêii ngê lêêê dpî chedê, yoo dpo kââdî. 3 Mélkisadek u pye mî yi pi dê daa dêêê dumo, u knêââ yoo yi pi dmi myedaa dêêê tumo, wéni nêii ngê a ta, wéni nêii ngê a pwene, yi pi dê myedaa dêêê dumo. Na a ka Chóó Lémi Tpêoo ntee pini, kpêê yiyé pyu ngê a tóó, chedê ngê daawa pyódu. 4 Ala kópu nmyi lama choo a ya, Mélkisadek u pi ndîî, nmî knêââ Epîlaham u pi têdê. Kêomo tpile Chóó Lémi ngê Epîlaham a ngmidi ngê, ngmênê Epîlaham ngê tpile dyuu yononi Mélkisadek ka yêângo. 5 Lipi u yoo vyêo yélini kpêê yiyé pyu ngê a pyede, yi yéli ye Yisîléli tpémi yêoo yi tpile dyuu yononi ye a yémî tumo, mu kópu u dîyêo Chóó Lémi u dêêpî kópu dyuu yedê yi kópu a tóó. Kêomo tpile kpêê yiyé pyu yoo, Yisîléli tpémi woni knî yi kêii, yi knêââ mu ngmidi, Epîlaham, ngmênê kpêê yiyé pyu knî ye tpile dyuu yononi ye a yémî tumo. 6 Kêomo tpile Mélkisadek daa Lipi u tii Åedê pini ngmê, ngmênê Epîlaham ngê tpile dyuu yononi u kwo yêângo. Kêomo tpile Chóó Lémi ngê Epîlaham mwiyé a ngmidi ngê, u lêêê dîyêo u pi ndîî, ngmênê Mélkisadek ngê mê wêdêwêdê kwólu. 7 Nmî lama ka tóó, nêii ngê pi a wêdêwêdê kîgha too, yi pini u pi mudu yêi a tóó. Yi kópu u lêêê dîyêo Epîlaham u pwo Mélkisadek u pi mîmî tóó. 8 Myenté kpêê yiyé pyu yoo yi pwo, Mélkisadek u pi myimî tóó. Kpêê yiyé pyu yoo a vyêenevyêene nyédi, mye pwopwo nyédi, ngmênê Mélkisadek na a ka daa pwene, a tóó, mu kópu u dîyêo u pwopwo u pi daa tóó, puku yedê. Epîlaham ngê u tpile dyuu yononi Mélkisadek ka ntee yêângo, Yisîléli tpémi yêoo yi tpile dyuu yononi kpêê yiyé pyu knî ye yinté mye yémî tumo. 9 Myenté kpêê yiyé pyu yoo yi knêââ Lipi ngê yi kópu mye dêuu ngê. 10 Na a ka u tpile dyuu yononi Mélkisadek ka mye yêângo, mu kópu u dîyêo dini ghi nêii ngê Epîlaham ngê u tpile dyuu Mélkisadek ka yêângo, yi ngwo u maka Lipi dêpwo ya, Epîlaham ngê u maka u lêêê dîyêo dêuu ngê. 11 Dini ghi nêii ngê Chóó Lémi ngê Lipi u tii Åedê pini ngmê, Alon, a ngmidi ngê, kpêê yiyé pyu ngê a pyódu ngê, yi ngwo Yisîléli tpémi ye dêêpî kópu dyuu mye yêângo. Alon u tii Åedê yéli vyîlo dé ye kpêê yiyé té, awêde u dî. Kpêê yiyé pyu knî yêoo yoo yi dono yilî wo chedêchedê tumo, ye Chóó Lémi ngê kpêê yiyé pyu kamî daamupêdê ngmidi ngê. Yi kópu u lêêê dîyêo Chóó Lémi ngê Yesu kpêê yiyé pyu ndêndê ngê pyódu ngê, Alon u tii Åedê yéli yi dêaa dmi a kââdî ngê, Mélkisadek ntee pini ngê a tóó. 12 Nmî lama ka tóó, nmî Lémi Yesu Njuda u tii Åedê pini ngmê, ngmênê Mósisi ngê puku yedê ala kópu a dêêê ngê, apê, Lipi u tii Åedê yéli kpêê yiyé pyu ngê vyîlo dé yidnyêoo pyodopyodo, daa Njuda u tii Åedê yéli yi pi dmi yi dêêê ngê. Yi kópu u lêêê dîyêo ala kópu nmo wêee ngê, Chóó Lémi ngê yi dêêpî kópu dyuu dê ngmêê, Yesu ngê kpêê yiyé pyu yoo yi dêaa dmi da kââdî. 15 Yi kópu ndêndê ngê kîdêo wêee. Nmî Lémi Yesu Mélkisadek ntee pini ngê a tóó, kpêê yiyé pyu ndêndê ngê dê pyódu. 16 Daa yoo yi dêêpî kópu dyuu mbêmê kpêê yiyé pyu ngê pyodo, ngmênê chóó u ghê mbêmê, ghéni nêii chedê ngê daawa pyódu. 17 Yi kópu puku yedê alanté a tóó, Chóó Lémi ngê kwo, Nyi kpêê yiyé pyu ngmê, chedê ngê daanyi pyódu, Mélkisadek ntee pini ngê anyi ya. 18 Kpêê yiyé u dêêpî kópu dyuu Chóó Lémi ngê chedê ngê pyódu ngê, mu kópu u dîyêo kpêê yiyé têdê yoo yi dono dnyinté dnyimo chedêchedê. 19 Mósisi u dêêpî kópu dyuu ngê yoo kamî ngê daa pyódu too, ngmênê kópu kamî mbêmê nmî lama ka tóó, dîyo Chóó Lémi ka wanmî lee dmi. 20 Yesu ngê kpêê yiyé pyu yoo yi dêaa dmi a kââdî ngê, mu kópu u dîyêo Chóó Lémi chóóchóó u ngwo a kpaa wo, Yesu kpêê yiyé pyu ndêndê ngê u ngwo a pyódu ngê. Dini ghi nêii ngê Lipi u tii Åedê yéli kpêê yiyé pyu ngê a pyódu too, chóóchóó u ngwo dêpê kpaa wo. Ngmênê Tpêoo ka a kpaa wo, ala kópu puku yedê a tóó, Nmî Lémi chóóchóó u ngwo da kpêaa, u nuwêo daawa ngmêê, kwo, Nyi kpêê yiyé pyu ngmê, chedê ngê daanyi pyódu. 22 Yi kópu u lêêê dîyêo Yesu ngê Chóó Lémi ka mbêaambêaa ngê a kââdî nmoo. Nmî lama ka tóó, Ntênê daawa dóó nmo. 23 Kpêê yiyé pyu yilî a tóó. Ntee a pyede, Yesu daa yinté. Dye ghi yintómu yinté daamu ya nyédi, a vyêenevyêene nyédi, a pwopwo nyédi. 24 Ngmênê Yesu chedê ngê daawa pyódu. Dye ghi yintómu kpêê yiyé pyu ndêndê ngê adî ya, pi ngê u dêaa daawa a kââdî. 25 Yi kópu u lêêê dîyêo daa dêê wo, ndêndê ngê nmî Mbwámê ngê pyodo. Nêii knî yêoo Yesu pêuu yi nuwêo dmi dpî kaa têoo, yi yéli dpî ngee té, Chóó Lémi u yoo vyêo dpî kaa té, mu kópu u dîyêo dye ghi yintómu Chóó Lémi ka a tpapê ngê, kópu, Yi yikî dmi a pwo ghay wo, nangê kpada té. 26 Yesu nmî kpêê yiyé pyu ndêndê, u mâlo a tóó. Dyââpe pêuu daa têa, u dono myedaa tóó. Yoo dono yi ntêanê daa yaa wo, u Mî ka mê kee wo, u che pêââ pee ngê mîmî pyodo. 27 Kpêê yiyé pyu yoo ntee dé, Yesu daa yinté pini. Yi yéli wonêwodiyédiyé yi chóó yi dono knî yi lêêê dîyêo mwiyé a kpêê yiyé nyédi, yoo yi dono knî yi lêêê dîyêo kuwó a kpêê yiyé nyédi. Yesu ngê yinté kópu daa dêuudêuu ngê, ngmênê kpêê ngêêêntómu yó, chóóchóó kpêê ngê u ngwo pyódu ngê, yi kópu mêdaawa dêuu. 28 Mósisi u dêêpî kópu mbêmê yélini kpêê yiyé pyu ngê a pyépi tumo, dye ghi knî ngmê ngê dpî knêaadi ngmê, ngmênê Chóó Lémi chóóchóó u ngwo a kpaa wo, chóó Tpêoo kpêê yiyé pyu ndêndê ngê u ngwo a pyódu ngê, pini nêii pêuu dyââpe daa têa, chedê ngê myedaawa pyódu. Mósisi ngê u dêêpî kópu dyuu mwiyé a dêêê ngê, Chóó Lémi chóóchóó u ngwo a kpaa wo. Yi kópu ngê Mósisi u kópu u dêaa a kââdî ngê.