Kîlosa 1

1 Nê Póól, Chóó Lémi ngê a ngmidi noo, Yesu Kédisu u dyépi ngê a pyódu noo. Yélini Yesu u yoo vyêo myinê ghê dniye, Kîlosa, nmî mbwó Timoti kêii, ala pweepwee pee nmye nyinê dyede. 2 A tîdê mbwó yoo, nmî Mî ngê choo a ngêêpî nmyo, mbêaambêaa ngê nmye myechoo a vyuwo. 3 Dini ghi nêii ngê nmyi lêêê dîyêo nyinê ngêpê nódó, dye ghi yintómu nmî Lémi Yesu Kédisu u Mî Chóó Lémi nyinê kwunokwuno ngê. 4 Nmyi lêêê dîyêo nyinê kwunokwuno ngê, mu kópu u dîyêo nyi lama ka tóó, Yesu Kédisu ka nmye kêlîmî té, u yoo yi nuu ghi dmi nmyi nódo mye tóó. 5 Yinté nmye pyede, mu kópu u dîyêo nmyi lama kîyedê tóó, Nmî Mî ngê daawa dóó nmo, kóó kêoo wa kaa nmo, u kêii mbêaambêaa ngê anmînêaa ya. Yi kópu ndê kópu ngê nmye pyodo, dini ghi nêii ngê nmî Lémi u kópu dyuu nmyi nyêee ngópu, u kwo nmyi kêlîmî mbê dniye. 6 Yi kópu dyuu ntee nmyi nyêee ngópu, dyámê wope wope pi knî yêoo yinté myemînê nyêmî ngmê. Yi kópu dyuu u lêêê dîyêo, pi yilî pi mbêaa ngê mînê pyodopyodo té, myenté nmî Lémi u yoo ndîî ngê mye pyodopyodo. Nmyi vyêo mye yinté, nmî Lémi u yoo mbêaa ngê a pyodopyodo nmyo, knêââ wéni nêii ngê yi kópu dyuu nmyinê nyêee ngópu, nmî Mî ngê ndê ka u ngwo a wêêê nmyoo, nkoo ala ngwo. 7 Pini nêii u kwo yi kópu dyuu nmyinê nyêee tumo, Epapîdas, nyi nuu u pi, Yesu Kédisu pêuu mye dpodo. Nmyi lêêê dîyêo mbêaambêaa ngê a dpodo. 8 Yi pini ngê nyepê, Nmî Mî u Ghê Dmi ngê Kîlosa tpémi kîyedê ngêêpî té, yi kópu u lêêê dîyêo yoo yi nuu ghi dmi yi nódo a pyede. 9 Dini ghi nêii ngê nmyi pi dmi nyinê nyongo, yi ngwo ngêpê knêââ nyi chópu, dye ghi yintómu nmî Mî ka nmyi lêêê dîyêo nye ngêpê nódó. Kwonyimo, Ṉuu u kópu dé yi lama mbêaambêaa ngê dnyêoo a ya, myenté Ṉgê Dmi ngê yi nuwêo dmi choo a ÅepwiÅepwi dé. 10 Kwonyimo, Yi lêêê ghi dmi mbêaambêaa ngê a pyódu té, yi ntêu dmi mbêaambêaa ngê paa kaa we, ṉuu u kópu dé yidnyêoo a dêuudêuu dé. Kwonyimo, Yi lama ntênê cha a yââyââ, 11 ṉgwêdêwêdê mbêmê cha a wêdêwêdê kîgha dé, dono yintómu pêdê vyêee yêe, daapêdê mbêii nyine, ngmênê wêaa pêdê pywêee yêe. 12 Nyi tîdê mbwó yoo, nmî Mî dmyinê kwunokwuno, mu kópu u dîyêo u ntââ ngê a pyódu nmyoo, wo u yoo vyêo kaa nmyoo, kóó kêoo wamye kaa nmyo. 13 Nmî Mî ngê mgîdî u yoo yi kada pini kwulo a pwaa nmoo, Tpêoo kóó kêoo kaa nmoo, pini nêii u nuu ghi nódo a tóó. 14 Nyââ, Tpêoo ngê kópuni dêuu ngê u lêêê dîyêo, yinê dyé nmoo, nmî dono yilî u kuwó kéé too, mêdaawa a ngî té. 15 Doo u ntââ ala ngwo nmî Mî daanmî mêuu, ngmênê ntee a tóó, Tpêoo yinté doo a ya, nmî lama u ngwo yaa wo. Tpêoo u che pêââ pee ngê a tóó, tpileni yilî yintómu lêâmo tumo, u maknopwo a pyede. 16 Tpileni mbóó pêuu a wee, tpileni dyámê mbêmê a pyede, nmî Mî ngê yi pi dmi doo tpapê dé, Tpêoo ngê u nkwo doo lêâmolêâmo dé. Tpileni nmo yêenê té, tpileni dpîno yêenê té, myenté enjel yoo kada pini yoo yi kêii, yintómu lêâmo too. Wu tpile daa lêâmo ngê, daa tóó. Tpile yilî yintómu yinê lêâmo too, chóó u lêêê dîyêo lêâmo too. 17 Dyámê pê ghêlî kêii dêpwo a kwo, ngmênê Yesu Kédisu doo a ya, tpile yilî yintómu u mâlo a yé too, u wêdêwêdê mbêmê yinté a pyede. 18 Yélini yi kêii u kwo nmo kêlîmî té, nmî mbodo ngê a tóó, nmo kóó kpâlî dé. Nmî kada ghê wo, kpêênî a pii wo, pyidepyide u maa komo yinê nmo kpêmî ngê, nmî ghê kamî knêââ ngê u ngwo pyodo. Yi kópu u lêêê dîyêo tpile yilî yintómu yi kada pini a tóó. 19 Nyââ, Nmî Mî ntee a tóó, Tpêoo yinté doo a ya, u pi ntoo, Tpêoo u pi mye yintoo. 20 Tpêoo nmo yinê a dyêââ ngê, nmî lêêê dîyêo kîdosi Åedê pwene, nmî Mî ngê tpile yilî yintómu u ngwo u kwo a kââdî too. Kêomo tpile dyámê mbêmê tpile dé, ó mbóó pêuu tpile dé, ngmênê nmî Mî ka yi kââdîkââdî pyu mu ngmidi Yesu Kédisu, daamu a tóó. 21 Nmyo myentee dé, nmî Mî ka yinê a kââdî nmyoo. Mwiyémwiyé dini ghi ngê kóó kuwa nmyee a kwo, mu kópu u dîyêo pêuu nmyimo a dêuu, nmyi nuwêo dmi dono pêuu dnyimo a kwo, dono kópu yilî nmyimo a dêuudêuu. 22 Ngmênê nmyi lêêê dîyêo pwene, u kwo a kââdî nmyoo. U yi u ngwo doo kwo, Yi dyââpe nî pwaa té, Mêaa u nuu u yoo ngê nî pyódu té, u ngîma nêuu kaa té. 23 Yi kópu u lêêê dîyêo ntênê u kwo dmyinê kêlîmî, u maa kîdmyengê knêaadi ngmê. Kópuni nmyi lêêê dîyêo wa dêuu, nmyi nuwêo dmi pêuu dnyêoo kwo, knêaa kîdnyingê kwo. Yinté anmyi mêii knomomê, ye kóó kêoo wa kaa nmyo. Yi kópu dyuu nmyi nyêee ngópu, u kwo nmyi kêlîmî mbê dniye, nmyi nuwêo dmi kîdmyengê ngmêê ngmê. Kópuni nmyi nyêee ngópu, dyámê wope wope pi knî yêoo kîmyaanêaa nyêee têoo, knêaa kópu ka namê ngêaa. Nê Póól, yi kópu pi knî ye vyîlo yinoonêaa tpapê. 24 Yélini daa Nju tpémi, yi yéli ye nmî Lémi u kópu dyuu noonêaa tpapê, u lêêê dîyêo mbwa kêoo nî kee wo, alêii anîmo mgînî vyîmî. Ngmênê a gha dono ngê daa pyodo, mbêaambêaa ngê a tóó, mu kópu u dîyêo nmî Lémi ngê kópuni a ka a vyu, ala ngwo a nga a pyodopyodo. A ka pê, A yoo yi lêêê dîyêo anyinêaa mgînî vyîmî. Yi yéli kóó kpâlî ntee tpile ngê a pyede. 25 Nyââ, nmî Mî ngê a ngmidi noo, u dpodo pyu ngê a pyódu noo, yélini dpêee Nju tpémi, nmye a dyêââ noo. U kópu ala ngwo anî ntiyentiye, 26 kópuni wunê a ngmo ngê. Yi kópu pi knî ye wunê dêpê vyu, ngmênê ala ngwo u yoo yi lama dê yââ. 27 Yi kópu ndîî nmî Mî ngê wunê a ngmo ngê, u yi u ngwo doo kwo, Tpêoo u yoo knî yêoo paanêaa mêuu yêe. Yi kópu ala, yélini yi kêii dpêee Nju tpémi, nmî Mî ngê u yoo vyêo a kapî nmyo, Tpêoo Yesu Kédisu nmyi mênê a tóó. Yi kópu u lêêê dîyêo nmyi lama kîyedê tóó, nmî Mî ngê dîyo kóó kêoo wa kaa nmyo. 28 Nyââ, pi dyêêdî yintómu knî ye Yesu Kédisu u pi nmîmo tpapê ngê, nmî Mî u nuwêo mbêmê yi kpadakpada pêuu yi ngêaa dmi nmîmo têemî ngê. U yi nmo a kwo, Pi yintómu Yesu Kédisu u yoo vyêo nmî kââ, yoo mbêaa ngê yinê paa pyódu téne, u Mî ngîma yinté paanêaa kaa téne. 29 Yi kópu u lêêê dîyêo u wêdêwêdê ndîî mbêmê dpodombiyêe nêaa dpodo yédi, yinê a wêdêwêdê kîgha noo.