Dpodo 10

1 Lóma lede Sisadiya yilî doo ya. Yi kada pini knî yi vyêo pi ngmêdoo kwo, u pi Kóniliyês. Lede yoo nêii yi vyêo Kóniliyês doo kwo, yi yéli yi pi dmi Yitali lede yoo. 2 Kêomo tpile Kóniliyês daa Nju pi, ngmênê Chóó Lémi ka mbêaambêaa ngê dpîmo kêlîmî, dye ghi yintómu u kwo dpîmo ngêpê. Yi pini u kpâm ghee knî, u dpodo pyu yoo Chóó Lémi ka mbêaambêaa ngê myednyimo ngêaa. Nju tpémi yi vyêo pinté yoo yilîni dnyimo kwo, Kóniliyês ngê dpîmo a wopwe dé. 3 Kóniliyês ngê Nju tpémi yi lêêê ghi dmi dpîmo dêuudêuu dé, kââdî dini ghi nêii ngê têono dpîmo wowo, Chóó Lémi ka u ngwo dpîmo ngêpê. Wo ngmê ngê u ngêpê têdê enjel ngmê módu, kwo, Kóniliyês. 4 Kóniliyês ngê enjel dini ghi nêii ngê módu, nkîngê mbê wo, enjel doo yêenê, kwo, A lémi, lukwe pyinê ché ngmêê? Enjel ngê kwo, Chóó Lémi ngê ṉgêpê kêdê nyêoo, mu kópu u dîyêo pinté yoo nyinê wopwe too. Kwo, Ala ngwo u nkwo wunê ngêêpî ngi. 5 Kwo, Ala ngwo pi knî ngmê dyêââ ngi, Njopa, pi ngmê nya yêe, u pi Saimon Pita. 6 Kwo, Yi pini ntii chedê a tóó, ngomoni kêoo a kwo, yi ngomo chóó u pi mye Saimon, tpile tpêoo too pee lêâmolêâmo pyu. 7 Enjel ngê Kóniliyês ka danêmbum dini ghi nêii ngê a kêlî ngê, wodêoo yêaa wo. Kóniliyês u dpodo pyu miyó dê ye adî mbwólu, u lede ngmê ka mya adî mbwólu, yepê, Nga a pwiyé dmyeno. Yi lede Kóniliyês u têââtêââ pyu ngmê, Chóó Lémi ka mbêaambêaa ngê myedpîmo kêlîmî. 8 Kóniliyês ngê kópuni pyodo, yi kópu yi ngêêdî ada ntêo, wodêoo adî dyêââ té, Njopa. 9 Womumo kââdî mââ kêlê, dini ghi nêii ngê Njopa u nkîghêê dnyenêaa paa, Pita yi chêêpî ngomo pywápê ngmê pwono kee wo, yêi doonêaa ngêpê. 10 Dómu ndîî u ngwo ngmê kele, u yi u ngwo doo kwo, Nté pee ngmênî ma. 11 Dini ghi nêii ngê nté dnye chêeechêee, Pita yi vyu wo, apê, Mbóó ada kpêmî, apê, wónu kêii ntee tpile yélî vyââ yi kêlî ngmêyedê ghêpê knî, kwódo páádi. 12 Yi wónu kêii ntee tpile kêoo tpile tpêoo knî ngmêdoo kwo, dyêêdî daa ngmidi, tpile pê dé, pyaa dé, Åmê dé yi tpile kêoo myednye kwo. Yi tpile Pita ka pêââpêââ doo a wupwo. Yi tpile tpêoo dyêêdî yintómu Nju tpémi ye tupwótupwó dé, Nju tpémi yêoo dêdnyimo pîpî dé. 13 Pita ngê mbóó pêuu dnye ngmê nyongo, kwo, Ghêêêdé, kî tpile tpêoo ngmê vyee, ma ngi. 14 Ngmênê Pita ngê kwo, A Lémi, kî tpile tpêoo dyêêdî yintómu kwódu yé u tpile tpêoo dé, nmînê nmo tupwótupwó dé, doo u ntââ daa ngma anî ma. Kwo, Yinté tpile tpêoo tupwótupwó dêoongmê ndîî. 15 Pita ngê myombó yi dnyeni mê nyongo, kwo, Chóó Lémi ngê tpileni pêuu ala kópu dê vyi, Kî tpile mbêaambêaa, kwo, yi tpile pêuu Å̱yóó kidingê vyi, Yi tpile tupwótupwó. 16 Yi ntini u wépi Pita ngê pyolo puwâ, yi kópu dyuu mu ngmidi pyolo nyongo, wodêoo yi wónu kêii ntee tpile mbóó pêuu mê kee wo. 17 Pita ngê kópuni módu, yi kópu doo nuwêonuwêo, u ntêu kópu dêpêngê pywêângo, wodêoo pini nêii pyile knî Kóniliyês ngê dyêââ too, Saimon u ngomo pi knî yêoo ye adê kêma ngmê, wodêoo keÅe têâmo dnyenêaa kwo, yi ngomo chóó ka adî mbwó dmi, kwo, Pi alêii ngma kwo, u pi Saimon Pita? 19 Pita ngê kópuni módu, u yi u ngwo doo kwo, U ntêu kópu nê pywêoo, wodêoo Chóó Lémi u Ghê Dmi ngê kwo, Pita. Kwo, Pi pyile knî yêoo ka nmyêuu ngi. 20 Kwo, Ghidi, kidimê nuwêo kîgha nédinuwêo, nyi ngmêêê té, mu kópu u dîyêo a chóó nê dyêââ té. 21 Wodêoo Pita adî ghîî, yepê, Pini ka nmye vyuwo té, ala nê. Yepê, Lukwe u pyinê dmyinê ngmêê ngmê? 22 Kwo, Nmî kada pini Kóniliyês ngê yinê a dyêââ nmo. Kwo, Yi pini pi mbêaa ngmê, kêomo tpile daa Nju pi, ngmênê Chóó Lémi mbêaambêaa ngê a chââchââ. Kwo, Nju tpémi yi nuu u pi ngê a tóó. Kwo, Chóó Lémi u enjel ngmê ngê ala kópu u kwo vyi, kwopê, Saimon Pita ṉgomo kêoo dpo pwiyé we, ṉga adînêaa danêmbum. 23 Pita ngê kópuni yélî vyââ yi kêlî módu, yi kópu yi nuwêo kwólu, wodêoo ala kópu daa vyu, Kî pini pyile knî daa Nju pi dé, nmî ngomo kêoo kêdangê kee dmi. Yi kópu daa vyu, ngmênê yi pini pyile knî ngomo kêoo adî kmêêê té, yi kêii dpî dniye. Womumo mwêaandiye Pita ngê Kóniliyês u dpodo pyu pyile knî adî ngmêêê té, Yesu u yoo Njopa yélini doo kwo, yi yéli woni knî yi kêii mye lee dniye. 24 Maa pêuu dpî dniye, womumo Sisadiya mî taa dniye. Kóniliyês u yoo knî yi kêii yi yéli dnye têââtêââ dé. 25 Pita dini ghi nêii ngê Kóniliyês u ngomo kêoo doo koko, Kóniliyês ngê yi módu, yu mbodo dê yêe kêame u kwo ghê wo. 26 Ngmênê Pita ngê ghêêmî mê kââ, kwo, Ghêêmî ghé. Kwo, Dêaa enjel ntee pini. Kwo, Nê dyámê mbêmê pi. 27 Pita Kóniliyês ka modoo danêmbum, ngomo kêoo u ngwo mî kee knopwo, pi yilî yêi mêuu ngópu. 28 Pita ngê yepê, Nmyi lama ka tóó, Nju pi ngmê knêaa pini u ngomo kêoo dêuudpî kee, kópu yêe myedêuudpî dêuu, ngmênê Chóó Lémi ngê yi kópu a ka a kwódu ngê, doo u ntââ pi pêuu daanî vyi, kî pini tupwótupwó. 29 Yepê, Yi kópu u lêêê dîyêo dini ghi nêii ngê nmyinê nya noo, até dâ lê, kópu dîpîngmê vyu. Yepê, Lukwe dîyêo nmyinê nya noo? 30 Kóniliyês ngê kwo, Pyile tuwo alanté dini ghi ngê, dini ghi nêii ngê kââdî têono ghê wo, a ngomo kêoo kînoo ngêpê, pi ngmê até yêii módu, u kpîdî dnye wu mbele, a kada mî ghê wo. 31 Yi pini ngê a ka pê, Kóniliyês, Chóó Lémi ngê ṉgêpê kîyedê nyêm, tpileni yilî pinté knî ye nye yémî, yi tpile yilî chóó Lémi u nuwêo kêoo kîyedê pyede. 32 A ka pê, Pi Njopa ngmê dyêââ ngi, pi ngmêdpo pwiyé we, u pi Saimon Pita. A ka pê, Yi pini ntii chedê a tóó, pini nêii u ngomo kêoo a kwo, yi pini u pi mye Saimon, tpile tpêoo too pee lêâmolêâmo pyu. 33 Kóniliyês ngê kwo, Yedêoo pi pyile ṉga kînî dyêââ ngê, u ngwo cha lê. Kwo, Awêde alêii até dpêo wó, Chóó Lémi u ngîma, kwo, anmî têââtêââ ngi, nmî Lémi ngê kópuni ṉga dê vyi, yi kópu nmo ngmê vyi. 34 Pita ngê danêmbum knêââ dini ghi nêii ngê chópu, yepê, Ndêndê ngê kîdêa wêee, yoo daa ngmidi Chóó Lémi ngê ada a ngêêpî. 35 Yepê, Pini nêii ngê Chóó Lémi adî chââchââ, kópu mbêaa u ngwo adî dêuudêuu dé, yepê, kêomo tpile yi pini daa Nju pi, ngmênê Chóó Lémi ngê wa ngee, u yoo vyêo wa kââ. 36 Yepê, Ala kópu dyuu nmyi lama a kwo, Chóó Lémi ngê kópu mbêaa nmo ngma a dyêââ ngê, Yisîléli tpémi yi kêii, nmopê, Yesu Kédisu ngê a ka yinê wa a kââdî nmyo. Yepê, Yi pini Yesu Chóó Lémi ngê nmo yintómu nmî kada kââ. 37 Yepê, Nkálili wee u kwo, Njuda wee u kwo, kópu ndîî nêii dnye pyodopyodo, yi kópu nmyi lama ka pyede. Yepê, Dini ghi nêii ngê Njon doo a dêêpî, yoo mumyedoo a mbápitisîm kîgha dé, yi dini ghi ngê yi kópu ndîî knêââ u ngwo a chópu. 38 Yepê, Yesu Nasalet pi u danêmbum nmyi lama a tóó, Chóó Lémi ngê u Ghê Dmi u mênê u ngwo a yó, u wêdêwêdê ndîî ngê u ngwo pyódu ngê. Yepê, Yi pini pêaani pêaani dpîmonêaa paa, kópu mbêaa yilî dpîmonêaa dêuudêuu, pini nêii yoo Setan ngê dyênê too, Yesu ngê mê pyi too, mu kópu u dîyêo Chóó Lémi ngê doo a ngêêpî. 39 Yepê, Yesu ngê Nju tpémi yi vyêo kópuni doo dêuudêuu dé, yi kópu yilî nmî chóó nmî ngwolo ngê nmî módu. 40 Yepê, Nju tpémi yêoo Yesu vya ngópu, kîdosi Åedê têee ngópu, ngmênê Chóó Lémi ngê wo pyoloni ngê mêdê pyidu ngê, chóóchóó nmî ngópu mê tpyó. 41 Yepê, Dini ghi nêii ngê a pii wo, daa pi yintómu knî yêoo mêuu ngópu, ngmênê yélini yi kêii nmee yâmuyâmu, Yesu nmî chóó nmî módu. Yepê, Chóó Lémi ngê yi kópu u lêêê dîyêo mwiyé a ngmidi nmoo. Yepê, Dini ghi nêii ngê a pii wo, u kuwó dini ghi ngê u kêii nmee kmaapî, u kêii nmee mbwaa ndanî. 42 Yepê, Mu dini ghi ngê yinê wa kóté kalê nmo, nêii mwiyé wa pwêoo dmi, nêii adnyi ya, nipi wa kóté kalê nmo. Yepê, Chóó yinê dpodo kalê nmoo, wodêoo pi knî ye nmo tpapê ngê, yenmîmo, Chóó Lémi ngê vyîlo yedê ngmidi ngê, nmî kóté kîgha pyu ngê a pyódu ngê. 43 Yepê, Pini nêii knî yêoo Chóó Lémi u komo dnyimo a kapî, yi pini yintómu Yesu pêuu dnyimo a danê, yipu, Pini nêii yoo yi pini ka adnyi kêlîmî, Chóó Lémi ngê yi dono yilî u kuwó wa kéé té, mêdaadî nuwêonuwêo dé, yi pini u pi u lêêê dîyêo. 44 Pita dini ghi nêii ngê ye doo danêmbum, yélini yêoo dnye ngêaangêaa, yi yéli ye Chóó Lémi u Ghê Dmi a gho. 45 Yesu u yoo vyêo pini nêii yoo Pita u kêii Njopa a ndê dniye, yi yéli yintómu Nju tpémi, mî ngwéti dniye, apê, Kî yéli daa Nju tpémi. Apê, Chóó lémi ngê chóó u Ghê Dmi ye kîmyeda dyêââ. 46 Apê, Knêaa dyámê dnye ngê knêaa dyámê dnye ngê myeka mbumu té, Chóó Lémi myeka chaa kîgha ngmê. 47 Pita ngê u pyipe knî ye yepê, Chóó Lémi ngê u Ghê Dmi wunê ntee nmo a kpo, kî yéli ye yinté kîmyeda yêoo. Yepê, Yi kópu u lêêê dîyêo doo u ntââ pi ngê daawa vyi, Kî yéli mbwaa ngê nangê mbápitisîm kalê té. 48 Wodêoo u pyipe knî ye yepê, Kî yéli Yesu Kédisu u pi ngê mbápitisîm kalê tóó. U kuwó dini ghi ngê Kóniliyês u yoo yêoo Pita ka kwo, Wo miyó pyile ṉgêii mwiyé mê ya kmêle.