2 Pita 3

1 A tîdê mbwó yoo, pweepwee pee nêii mwiyé nmye nê dyêââ ngê, alani mye yinté. Nmyi nuwêo wátiwáti u lêêê dîyêo dêa dêêê dê. 2 Kópuni Chóó Lémi u komo kapî pyu knî yêoo wunê a dêêê tumo, nmye mêyedêa vyîlî té. Nmî Lémi u dêêpî kópu nmyi dyépi knî yêoo nêii nmye mî vyi ngópu, nmye mêyedêa vyîlî. 3 Mwiyémwiyé ala kópu nmyi lama choo a ya, dini ghi nêii ngê kuwókuwó wéni daa kêmakêma adî dyimêdyimê, yoo dono ngmêwa chaa, yi chóó yi pono adnyi vyápê, adnyi nkwitinkwiti nmyo, 4 nmyewo, Nmyi lémi Yesu ngê yepê, Mu dini ghi ngê wamênî diyé. Nmyewo, Angênê yi pini. Nmyewo, Nmî pye mî yoo wunê mwo a pwêoo dniye, ngmênê yi pini doongê diyé wo, knêââ Chóó Lémi ngê dyámê pê mwo a lêâmo ngê, nkoo nmo, tpile yintómu ntee munté muka tóó. Nmyewo, Yi pini mêdaawa a diyé. 5 A tîdê mbwó yoo, nêii dé yinté a nuwêo té, Nówa u danêmbum yi mbodo knêââ vyuwo dê yé ngmê, pêuu daa nuwêo té. Nmî lama ka tóó, mwiyémwiyé dini ghi ngê Chóó Lémi ngê kópu yi vyu, dyámê pê lêâmo ngê, mbóó mye lêâmo ngê. Ntii mwada yêi nuwo, dyámê a kmungo. 6 U kuwó dini ghi ngê ntii mêdê diyédiyé kwólu, yoo dono dyênê too, yi tpile mye dyênê too. 7 Ngmênê Chóó Lémi ngê wo ngmê ngmidi ngê, wéni nêii ngê kópu mêuu wa a vyi, yi ngwo ndê ngê mbóó dyámê wa ma dê. Yi wéni ngê yoo dono wa kóté kalê té, amye kpada té. 8 A tîdê mbwó yoo, nangê vyi, Nmî Lémi ngê mgî da puwâ. Ala kópu nmyi lama kîdangê kuwo, nmî Lémi ka mêââ yono yono yêa daa dye ghi daadîî, ngmênê u kwo wo ngmidi. 9 Kêomo tpile yoo woni yi nuwêo alanté a pyede, apu, Nmî Lémi ngê mgî da puwâ, kêma wa a diyé, ngmênê mgî daawa a puwâ, a têââtêââ nmyo, u yi u ngwo daa kwo, Ghêlî nî dyênê té. Dye ghi ka dówodówo, u yi u ngwo a kwo, Pi yintómu knî yêoo yi dono a kuwo téne, a yoo vyêo ghê dniye. 10 Pi doo u lama kpáápi ntee dpî têaa, nmî Lémi u wo yinté wa dêii. Yi wéni ngê dnye ndîî vyêo mbóó anyi wa pwiyé, tpileni mbóó pêuu a wee, ndê ngê wa ma té, dyámê mbêmê tpile yintómu wamye ma té. 11 Yi tpile yilî yintómu chedê ngê wa pyaa dmi, u lêêê dîyêo nmyi nuwêo dmi yi pêuu kîngmê kwo, nmî Lémi mu ngmidi pêuu dnyêoo kwo. 12 Chóó Lémi u wo nuwêo ngmidi mbêmê dmyinê têââtêââ, pi yilî knî ye u pi dmyinênêaa tpapê, u yoo vyêo paa ghê dniye, yi wéni lîmîlîmî ngê u ngwo paa dyimê we. Yi wéni ngê ndê ngê mbóó dyámê wa ma dê, tpile yilî yintómu wa nkîlêa dmi, 13 ngmênê Chóó Lémi ngê kópuni a vyu, yi kópu mbêmê mbóó dyámê kamî dê nmo têââtêââ dê, yoo mbêaa kwéli adnyinêaa kwo. 14 A tîdê mbwó yoo, yi wéni ghêlî doongê dyimê wo, mbêaambêaa ngê dmyinê ya, dyââpe nmyi pêuu kîngmê ya. Nmî Lémi wéni nêii ngê wa a diyé, mbêaambêaa ngê nmye paa taa we. 15 Nmyi lama choo ya, nmî Lémi ngê dye ghi a dówodówo, mu kópu u dîyêo u yi u ngwo a kwo, Pi yilî a yoo vyêo paa ghê dniye. Nmî Lémi u nuwêo ndîî mbêmê nmî mbwó Póól ngê vyîlo yi kópu nmye yedê dêêê ngê. 16 U pweepwee pee yedê yi kópu knî yi pêuu u mo kópu nmye dêpê dêêê ngê. U pweepwee pee knî yi yedê kópu woni knî yi wopwe dpodo ndîî ngê nmye dpî pyaa dmi, ngmênê pi ngê kîngê dóó nmyo. Yélini yi ndiye daa ndîî, nêii knî yêoo maa dpî knêaadi ngmê, Póól u kópu dé dpo kpêaa têoo, ngmênê yi kakêmê chámêchámê têdê knêaa kópu knî yêi ngmêdpî kaa ngmê. Chóó Lémi u Puku yedê kópu dyuu yinté u mo ngê myoo pyódu têoo, yoo knêaa máádi pêuu u ngwo dpî kaa têoo. Yi kópu u lêêê dîyêo Chóó Lémi ngê wa dyênê té. 17 A tîdê mbwó yoo, yi kópu pêuu nmyi ngêaa dmi yedêa têoo, nmye mbêaambêaa ngê dmyina a vyuwo. Nêii knî yêoo nmî Lémi u kópu dyuu dnyinté a chââchââ tumo, kîngê dóó nmyo, knêaa máádi pêuu kîngê kaa nmyo. 18 Nmî Lémi Yesu Kédisu pêuu dmyinê ndiye. Nmî Mbwámê ngê pyodo, yinê choo a ngêêpî nmyo. Chaa kîgha koo, u chaa kîgha daanmî yé. Wu u dî.