2 Kódin 7

1 A tîdê mbwó yoo, daa yi yéli yi mo yi lêêê dîyêo ye a vyu, yi vyêo nmî ghê dniye, yi kópu nmî lêêê dîyêo mye vyu. Yi kópu u lêêê dîyêo kópuni knî yêoo nmî gha dmi dpî dyênê têoo, ó nmî too pee dmi myoo dyênê têoo, yi kópu dono kéé téme. Chóó Lémi ntênê chââchââ koo, mbêaambêaa ngê ntee a tóó, yinté pyaa kmêle. 2 A nuu ghi nmyi nódo choo a ya. Kópu dono nmye dîpîngmê dêuu ngê, pi dîpîngmê dyênê ngê, pi dîpîngmê dóó, nmyi ndapî dîpîngmê têâmo ngê. 3 Daa nmyi pi dyede u lêêê dîyêo yi kópu nmye dêa dêêê. Kêle. Kópuni mwiyé dêa dêêê, myombó mênînê dêêêdêêê, nmyi nuu ghi dmi a nódo ntênê a tóó. Kêomo tpile anî ya, ó anî pwêonu, ngmênê nmyi nuu ghi dmi a nódo adî ya. 4 A lama ka tóó, nmî Lémi u maa mbêaambêaa ngê nmye kîgha ngmê, u lêêê dîyêo pi knî ye nêaa chaa kîgha nmyo. Kêomo tpile dono kópu a nga a dêuudêuu tumo, ngmênê dînî nkîngê yédi, wêaa u ngwo nînê pywêêmî ngê. 5 Dini ghi nêii ngê Másîdóniya Wee u kwo nî ta, ghê dîpî vyêungo, dono yilî noo a vyîmî. Kuwa yéli a pêuu dnye dêuu, a gha vyêo noo a nuwêonuwêo nmyo. 6 Ngmênê pini nêii ngê nmî nuwêo dmi dpî lêâmo, Chóó Lémi, yi pini ngê a nuwêo yinê lêâmo ngê, Taitas a ka a dyêââ ngê. 7 Dini ghi nêii ngê nî módu, a gha mbêaambêaa pyodo, myenté nmyi lêêê dîyêo mdooni a ka a Åuwo, yi kópu u dîyêo a gha mbêaambêaa ngê mye pyodo. A ka pê, Kódin tpémi yêoo a nuwêo mêkî lêâmo ngópu. A ka pê, Ṉuu ghi yi nódo kîyedê tóó, tpéé kópu vyi ngópu. A ka pê, U yi yêe a kwo, Nê pono nmî vyápê. Yi kópu knî yi lêêê dîyêo a gha dêudêumbiyêe mbêaambêaa ngê dê pyódu. 8 Pweepwee pee nêii nmye nê dêêê ngê, yi pweepwee pee ngê nmyi nuwêo dmi dono ngê yinê pyódu ngê, ngmênê u lêêê dîyêo tpéé kópu daanê vyi. Taitas ghêlî a ka dêpêngê diyé wo, tpéé kópu yi ngwo nê vyu, nê, Yi pweepwee pee lukwe dîyêo ye nî dyêââ ngê, yi nuwêo dmi dono ngê u ngwo nî pyódu ngê. Ngmênê daa ndîî la ghi nmyi nuwêo dmi dono ngê dnya a ya, 9 nmyi lêêê ghi dmi u ngwo nmyi ngmêê tumo, nmyi dono u ngwo nmyi kéé tumo. Yi kópu u lêêê dîyêo awêde a gha mbêaambêaa ngê a tóó. Chóó Lémi ngê u yi doo kwo, Yi nuwêo dmi dono ngê pyaa we, yi lêêê ghi dmi paa ngmêê yêe. Yinté pyodo, u lêêê dîyêo yi pweepwee pee ngê dîpî dyênê nmyoo. 10 Dini ghi nêii ngê Chóó Lémi ngê nmî nuwêo dmi dono ngê dpo pyódu, nmî lêêê ghi dmi dpî ngmêê té, yi ngwo nmî dono u kuwó dpî kéé té, kóó kêoo moo kaa nmo. Yi kópu u lêêê dîyêo pi ngê tpéé kópu dêuudpî vyi, ngmênê mgîdî u yoo, dini ghi nêii ngê dono wunê vyîmî ngópu, yi lêêê ghi dono dêuudpî kéé têoo, pwopwo u maa dêuudpo kuwo ngmê. 11 Kópuni nmye dê pyódu, pêuu dmyinê nuwêo. Chóó Lémi ngê nmyi nuwêo dmi dono ngê pyódu ngê, u lêêê dîyêo nmyi lêêê ghi dmi nmyi ngmêê tumo. Ala ngwo u maa pêuu dpodombiyêe nmye wee, u yi nmye a kwo, nmyi pi dmi mbêaambêaa ngê mê pyaa dniye. Nmyi nodêe dniye, nmyi nkîngê mbê dniye. U yi nmye doo kwo, nye, Nê ngê mênye mêuu nmîne. Nmyi vyêo pini nêii ngê dono ndîî dêuu ngê, u yi nmye doo kwo, Nmî kpada. Kópu yilî yintómu mbêaambêaa ngê nmyi chóó u mâlo mêdmyinê a yiyé dé, dyââpe nmyi pêuu mêdaadî ya. 12 Nêii ngê a pi dyênê ngê, daa yi pini u lêêê dîyêo nmye noo a dêêê, myenté daa a pi u lêêê dîyêo nmye noo a dêêê, ngmênê u ya a nga doo kwo, Kódin tpémi yêoo ala kópu a wêee yêe, A nuu ghi yi nódo ntênê wunê tóó. Chóó Lémi ngê kîyedê yêenê nê, nmye dênînê kêomodanê. 13 Yi kópu u lêêê dîyêo a nuwêo mbêaambêaa ngê maa pyódu. Nyââ, nmyi lêêê dîyêo a nuwêo mêaa lêâmo ngê, myenté a gha dêudêumbiyêe mbêaambêaa ngê mê pyodo. Dini ghi nêii ngê Taitas nmye a loo, doo nuwêonuwêo nmyo. Dini ghi nêii ngê u kwo nmyi ngêaa mbê dniye, nmyo yintómu yi ngwo u nuwêo nmyi lêâmo ngópu. Yi kópu u lêêê dîyêo a gha dêudêumbiyêe mbêaambêaa ngê pyodo. 14 Taitas ghêlî kêii nmye dêpangê nêee, u ngêêdî noo chaa kîgha nmyo. Dini ghi nêii ngê nmye a loo, kópu dyuu nêii u kwo nê vyi too, nmyi ntiye tumo, nmyi lêêê ghi dmi nmyi ngmêê tumo, dpîpêe mywenemywene kalê noo. Dye ghi yintómu ndê kópu dé ntee nmye noo a tpapê dé, kópuni nmyi pêuu u kwo nê vyu, ndê kópu ngê yinté mye pyodo. 15 Taitas ka nmyi ngêaa mbê dniye, u kwo myêee nkîngê mbê dniye. Ala ngwo yi kópu mêkîyedê nuwêonuwêo, nmyi nuu ghi dmi nódo ntênê a tóó. 16 Ala ngwo a lama ka tóó, ndêndê ngê a dnye nmye nyêmî ngmê. Yi kópu u lêêê dîyêo a gha dêudêumbiyêe mbêaambêaa ngê dê pyódu.