2 Kódin 11

1 A tîdê mbwó yoo, a ka dmyina a ngêaa, nmyi ngópu dmi nangê nkoko. 2 Kwodo nêii u maadî pi daangmê ghê wo, nmyo yinté yéli, Yesu Kédisu u yémî pêuu ngê nî pyódu nmyoo. Knêaa pini ngê kwulo kîngê dyé nmyo, adî kêuundêpî. Yi kópu u lêêê dîyêo Chóó Lémi ngê a nuwêo Åedê a têee nmyoo, nmyi pêuu dpodombiyêe u ngwo nêaa nuwêo. Pi mu ngmidi nmyi moo ngê choo ya. 3 Mwêee ngê u nuwêo ndîî mbêmê nmî kêpyââ Ivi ntee a dóó, pi woni knî yêoo yinté kîngê dóó nmyo. Dye ghi yintómu yi kópu a nuwêonuwêo u kópu ngê a tóó. Yesu Kédisu ka ntênê nmyi kêlîmî mbê dniye, yi pini mu ngmidi nmyi kada doo kwo. Pi ngê kîngê dóó nmyo, nmyi nuwêo dmi kîngê ngmêê té. 4 Yesu pêuu kópu mbêaa mwiyé nmye nêuu vyu, u kwo nmyi kêlîmî mbê dniye, Chóó Lémi u Ghê Dmi nmyi mênê u ngwo kee wo, ngmênê a kuwó pi knî nmye mêuu a loo, yi chóó yi nuwêo mbêmê Yesu u mo pini ngê nmye mî pyódu ngópu. Ntee nmye noonêaa danêmbum, daa yinté nmye a mbumu té. Ghê Dmi nêii nmye wunê kuwo ngópu, u mo ghéni dmi. Lukwe dîyêo ye nmye ngêaa té, yi wépi dmi dpêee pwapî tumo. 5 Wu yéli ye ntee nmye ngêaa té, yinté a ka myedo ngêaa mbê dmyeno, a wépi nangê puwâ. Mbodo podo mbodo podo u kópu nmye ngmênînê tpapê, a nyêee yó. Yélini ye nmye ngêaa té, nmyinê nmye Yesu u dyépi ndîî dé, nmyinê nmye myaa têee kalê nê, ngmênê doo têee kalê noo. 6 Nmyinê nmye tpêee kêii nêaa mbumu yédi, ngmênê Yesu pêuu kópu nêii yilî a lama a tóó, yêi daa têee kalê noo. Dye ghi yintómu nmye nîmo a dêêpî, kópuni a lama a pyede yi ngwo nmyimo nyêmî dé. 7 Yélini nmyinê nmye Yesu u dyépi ndîî dé nmye pywupwi tumo, ngmênê dini ghi nêii ngê Chóó Lémi pêuu kópu mbêaa nmye nêuu vyu, nmye dîpî vyu, Pwila nódó, nmyi ntépînâ kêoo kmaapî ngê kêê myedîpêa têângo. A pi têdê ngê yinté nê pyódu ngê, mu kópu u dîyêo nê, Nê pyidu té, maa ndêndê pêuu nî kaa té. Lukwe dîyêo yi kópu mbêmê a pi dpî dyênê ngmê. 8 Dini ghi nêii ngê nmyi vyêo noonêaa dpodo, Yesu u yoo yélini knêaa knêaa wunê pyede, yêoo dnyimo a pywupwi nê, kpaa ntee tpile yinîmo a dódó. 9 Dini ghi nêii ngê nmyi vyêo noonêaa kwo, a ndapî nî chedê ngê, ngmênê ndapî nmye dîpî dmyêee ngê. Dini ghi nêii ngê nmî mbwó dê Másîdóniya Wee u kwo a ndê knopwo, ndapî a ka a Åuwêo ngópu, u ntââ mbêmê mê yé noo. Nmyi ntépînâ kêoo dênoo a kmaapî, mu dini ghi ngê myedaanînêaa kmaapî. 10 Yesu Kédisu pi ndêndê, u ngwo nînê kpaa, dînî kêomodanê. Kîdiki Wee u kwo pêaani pêaani kwéli anî lê, yélini anînêaa ndiye kîgha, yi ntépînâ kêoo daanînêaa kmaapî. 11 Mumdoo nmyinê nmye nmyi ntépînâ kêoo dênoo a kmaapî, mu kópu u dîyêo nmyi nuu ghi dmi a nódo daa tóó? Kêle, Chóó Lémi u lama ka tóó, nmyi nuu ghi dmi a nódo a tóó. 12 Yi lémi ghi daanî ngmêê, mu kópu u dîyêo u ya a nga daa kwo, Yélini nmyinê nmye Yesu u dyépi ndîî dé, yi chóó yi pi dmi dnyêoo kmîmî dé. Doo u ntââ daadnyi tpapê, Nê ngê kópuni a dêuudêuu, myino dêuudêuu. 13 Yi yéli kêomo dyépi yoo, pi dódó pyu yoo, kêomo ngê a tpapê ngópu, dpo, Nmo Yesu Kédisu u dyépi dé. 14 Daa nyepênyepê u kópu ye dêuudêuu ngópu. Yi kada pini Setan u mo u nâmo dpo ghê, enjel ntee pini ngê dpî pyódu, wunê wuu mbele yédi. 15 U dpodo pyu knî yêoo daa kópu ndîî ye dêuudêuu ngópu, kópu mbêaa u dpodo pyu ntee pini ngê dpî pyaa dmi. Dono kópuni a dêuudêuu tumo, kuwókuwó wéni ngê yi pywuu amînê ngee ngmê. 16 Myombó nmye mênînê tpapê, pi ngmê ngê ala kópu kîma a tpapê, Nê mbodo podo. Kêomo tpile nmyinê nmye nê mbodo podo, ngmênê a ka dmyina a ngêaa, mu kópu u dîyêo kêomo dyépi knî yêoo yi chóó yi pi dmi ntee a kmîmî tumo, a chóó a pi kêomo ngê yinté myenî kmîmî. 17 Daa nmî Lémi u kópu yinînê tpapê, ngmênê mbodo podo mbodo podo u yoo yi ntêanê nînê yââyââ, yi chóó yi pi dmi ntee a kmîmî tumo, a chóó a pi kêomo ngê yinté nînê kmîmî. 18 Yélini nmyi vyêo a kadakada nyédi, dyámê u tpile knî yi mbêmê yi chóó yi pi dmi a kmîmî tumo, myêaanté, a chóó a pi myinî kmîmî, daawa têee kalê nê. 19 Nmyinê nmye nmyi nuwêo dmi ndîî dé, mbodo podo mbodo podo u yoo yi wépi dmi dpêee pwapî tumo. Yi yéli yi ntêanê nêaa yââyââ, a wépi myenangê puwâ, a dnye dpo nyêee yó. 20 Lukwe dîyêo yi wépi dmi dpêee pwapî tumo. Yi chóó nmye wumê kadakada nyédi, knêaa máádi pêuu a kapî nmyoo, kópuni dyuu nmye wumê tpapê ngópu, yi kópu dyuu u chââchââ dpodo ndîî ngê nmye dpî pyódu. Lukwe dîyêo yi wépi dmi dpêee pwapî tumo. Dpî dóó nmyo, tpileni u pi nmye a tpapê ngópu, ye nmye yémî tumo. Nmyi pi dmi dpo ghîpî têoo, danêmbum têdê yi dnye ngê dpî vya nmyo. Lukwe dîyêo yi wépi dmi dpêee pwapî tumo. 21 Yinté kópu nmye wêaangmê dêuu ngê, a wépi daapêee pwaa ngópu. Nmyinê nmye lukwe dîyêo yinté kópu dîpî dêuu ngê? Nmyinê nmye nî nkîngê mbê wo? Kêle, dîpî nkîngê mbê wo, ngmênê yinté kópu dono daangmanî dêuu. Lukwe dîyêo yi chóó yi pi dmi a kmîmî tumo. Mywene yêe choo kwo. Mywene yêe ntee dêuudpî ghê, yinté a nga myedaawa ghê. Mbodo podo mbodo podo u yoo yi ntêanê nêaa yââyââ, a chóó a pi yinté myinî kmîmî. Daawa têee kalê nê, ngmênê pêee dî têee kalê té. 22 Ala kópu mbêmê yi chóó yi pi dmi a kmîmî tumo, apu, Nmo Hipîlu tpémi. Myêaanté, myêaa Hipîlu pi. Apu, Nmo Yisîléli tpémi. Myêaanté, myêaa Yisîléli pi. Apu, Nmo Epîlaham u tii Åedê yéli. Myêaanté, myêaa Epîlaham u tii Åedê pini. 23 Apu, Nmo Yesu Kédisu u dpodo pyu yoo. Nmyinê nmye nê ghéti, ngmênê ala kópu nêaa tpapê, Yesu Kédisu u dpodo pêuu nê têee kalê too, u dpodo ndîî a chóó pêee nêaa dódó. Yesu Kédisu u lêêê dîyêo mbwa kêoo daa ngêêêntómu nî kee wo, yi yéli u ngwo nî têee kalê too. Daa ngêêêntómu pi knî yêoo kpaka noo, myepî vya noo, yi yéli u ngwo nî têee kalê too. 24 Dini ghi nêii ngê Yesu Kédisu pêuu nîmo danê, Nju tpémi yêoo mgîmî noo, yedê kpê dmi ngê dnyimo vyee nê, pyolo yêa mê chu a pêuu dnyimo kpêêpî. Daa ngêêêntómu yi kópu a nga pyodo, pêaa limi knî yi kêoo yinté limo kpaka noo. 25 Pêaa mêuu, chêêpî ngê yêi pî vya noo. Lóma tpémi yêoo pyolo mgîmî noo, kpêê ghi ngê pyolo kpaka noo. Ala dpodo u lêêê dîyêo liyé nkéli kêoo nêaa wowo yédi, a kêii pyolo nmî vyêee dniye, wo ngmê mgîdî ngmê a kêii ntêee nmee ntââ. 26 Dpodo têdê dpodo têdê nîmo lêpî, daa ngêêêntómu têââ ngê pî têâmo noo, kpáápi knî yêoo pî vya noo, Nju tpémi yêoo pî vya noo, knêaa yéli yêoo pî vya noo. Daa ngêêêntómu pêaa ndîî knî yi kêoo pî vya noo, myenté nko mênê pêaa pwene, myenté ntêee pêaa pwene, myenté yélini Yesu u yoo vyêo kêomo ngê dpî ghê dmi, a dpodo u pi a dyede ngópu. 27 Dpodo ndîî yinî dódó ngê, mgîdî vyêo dye ghi daadîî nêaa ngêpê yédi, nêaa dómudómu yédi, nêaa mbwaambwaa yédi, ngêpê u lêêê dîyêo nté nêaa kpîpîkpîpî ngê, dye ghi knî ngmê ngê a dpî têdê daa ya yédi, a nkuwo kpîdî daa ya yédi. 28 Yi kópu knî yi pwo ndîî kópuni a ka a tóó, Yesu u yoo yélini pêaani pêaani wunê pyede, dye ghi yintómu a nuwêo yi pêuu a kwo. 29 Yi yéli yi vyêo nêii nmî Lémi u yâmuyâmu pêuu a nkîngê yédi, u lêêê dîyêo myinî nkîngê yédi. Nêii knêaa pini ngê dpo lvêêdî, u lêêê dîyêo a nuu dpî dmyimê. 30 Pi u pi kmîmî nmyi nuu u kópu ngê a tóó, u lêêê dîyêo a pi u nkwo nêaa kmîmî, ngmênê daa a kópu ndîî dé yi mbêmê a pi yinî kmîmî, kópu nêii knî yi lêêê dîyêo mywene a nga dpî ghê, yi kópu knî yi mbêmê a pi yinî kmîmî. 31 Nmî Yâpwo ndêndê, pini nêii nmî Lémi Yesu u Mî, nêii pi knî yêoo dye ghi yintómu dnyêoo chaa kîgha, yi pini u ngîma nînê danêmbum, dînî kêomodanê. 32 A mywenemywene u kópu ndîî ala, u lêêê dîyêo a pi nêaa kmîmî. Dini ghi nêii ngê Dîmaskîs noonêaa dpodo, kada pini nêii King Adetas u maknopwo doo ya, u yi u ngwo doo kwo, Nê nî vyêa, u lede knî yêoo maa nkîghêê dnyenêaa têââtêââ nê, 33 ngmênê a pyipe knî yêoo kpéni kêoo ché noo, yi pêaani chêêpî mbwa pwono yedê Åedê mînê lêuu noo, u ngwo nî mbêpê wo, kada pini ngê mêdaa mgîmî noo.