1 Tesalonika 3

1 A tîdê mbwó yoo, dini ghi nêii ngê Aténi noo a ya, noo a nuwêonuwêo nmyo, nmyi lêêê dîyêo tpyóó ngê yêa yêa nê pwiyé wo, doo u ntââ ngê a ka pyodo. Dini ghi nêii ngê Timoti a ka a loo, nmye nê dyêââ ngê, a mo Aténi noo a ya. 2 Nmyi lama kîyedê tóó, nmî mbwó Timoti kêii nmî Mî pêuu nipi nye dpodo nódó, Yesu Kédisu u kópu dyuu nipi nye tpapê too. Nmye nê dyêââ ngê, kwonê, Yi kêlîmî pêuu nyi wêdêwêdê kalê té. 3 Kwonê, Nmî Lémi u maa pêuu dononi wunê vyîmî tumo, yi dono knî yi lêêê dîyêo yi máádi kîdangê kuwo ngmê. A tîdê mbwó yoo, nmyi lama kîyedê tóó, nmî Lémi ngê pêuu ndiye pyu knî ye yepê, Pi dono knî yêoo adnyi kpakakpaka nmyo. 4 Dini ghi nêii ngê nmyi vyêo nmee a kwo, munmyenê, Adnyi kpakakpaka nmyo. Nmyi lama kîyedê tóó, vyîlo yi kópu nmye yidoo pyodopyodo. 5 Yi kópu u lêêê dîyêo noo a nuwêonuwêo nmyo, nê, Lónté wunê kêlîmî té. Nê, Apê Setan ngê dpodombiyêe da tókó té, nmî Lémi u maa da kuwo ngmê, yi vyêo módó nmeenêaa dpodo. U ya a nga doo kwo, Nmyi pêuu kópu ngmênî nyêoo, u lêêê dîyêo Timoti nmye nê dyêââ ngê. 6 U kuwó dini ghi ngê Aténi nê kuwo ngê, ala ngwo Kódin anîmo dpodo. Dini ghi nêii ngê Timoti pini dê Sailas yêoo alêii mînê pywêee noo, a gha mbêaambêaa ngê pyódu ngópu. Timoti ngê a ka pê, Nmî Lémi ka ntênê kîyedê kêlîmî té, myenté yi nuu ghi dmi numo nódo mye tóó. A ka pê, Kîyedê chââchââ ngi. A ka pê, U yi ṉga ntee a kwo, Nêuu mêuu té, a ka pê, yinté u yi yêe myewunê kwo, Nmî mêuu. 7 A tîdê mbwó yoo, yi kópu u lêêê dîyêo a nuwêo kîmêdêa lêâmo. Kêomo tpile dono vyêo anî kwo, ngmênê dini ghi nêii ngê nmyi kêlîmî pêuu nêaa nuwêo yédi, a gha mbêaambêaa ngê dpî pyódu. 8 Nmî Lémi ka dnyinté anmyi kêlîmî knomomê, ye anî nuwêonuwêo nmyo, a ya dono ngê wa pyódu. 9 Nmyi lêêê dîyêo nmî Yâpwo Chóó Lémi dpodombiyêe nêaa kwunokwuno ngê, mu kópu u dîyêo wêaa ndîî a ka a kpo. 10 Wêêênî mgîdî vyêo dpodombiyêe nêaa ngêpê yédi, u ya a nga a kwo, Nêuu mêuu nmyo. Kópuni knî yi lêêê dîyêo nmyi kêlîmî doo u ntââ ngê da pyaa dmi, u ya a nga a kwo, Ndîî ngê nêuu pyódu té. 11 Nmî Mî Chóó Lémi ka nmo ngêpê nyédi, myenté nmî Lémi Yesu ka myeno ngêpê nyédi, nmî maa yêoo wa yé ngmê, nmye u ngwo anmo lee dmi. 12 Nmyi lêêê dîyêo myeno ngêpê nyédi. U yi nmo a kwo, Nmî Lémi ngê nmyi pi ka vyuwo ndîî ngê a pyódu ngê. Nmyi nuu ghi dmi ntee nmî nódo wunê tóó, yoo yi nuu ghi dmi yinté nmyi nódo myechoo a ya, myenté nmyi nuu ghi dmi numo nódo ntênê dnyêoo ya. 13 U yi nmo a kwo, Nmî Lémi Yesu ngê a wêdêwêdê kalê nmyine. Wéni nêii ngê wa a diyé, u yoo wa danê té, nmî Mî Chóó Lémi ngîma nipi wamî kaa nmo. U yi nmo a kwo, Yi ngwo dyââpe nmyi pêuu daapêdê pywêee ngê.