1 Kódin 5

1 A tpêee yoo, kópu nmyi pêuu mukîdî nyêoo. Nmyi vyêo pini ngmê ngê pyââ ti u kópu ndîî ngmê dêuu ngê. Yintoo kópu mgîdî u yoo knî yêoo doongmê dêuu ngópu. Lukwe dîyêo Yesu u yoo vyêo pini ngmê ngê yi kópu dêuu ngê. Lukwe dîyêo u mî u kpâm kuwó pyââni têâmo ngê. Apuu! 2 Lukwe dîyêo u kwo dpîpêe kwódu ngópu. Lukwe dîyêo nmyinê mbodo ndîî mbodo ndîî té. U mywene nmye wo ghê wo, nmyi yoo kuwa wêee kaa ngópu. 3 Kêomo tpile nmyi vyêo dênînê kwo, ngmênê a nuwêo nmyi vyêo yiwunê kwo. A nuwêo kêoo yi pini wunê kîdî kóté kwolo. 4 Nipi dpo wó yó, a nuwêo nmyi vyêo adînêaa kwo, nmî Lémi Yesu u wêdêwêdê mbêmê yi pini kuwa anmî kââ. 5 Setan kóó kêoo anmî kââ, yi pini too pee yinê paa dyênê ngê, mu kópu u dîyêo nmî Lémi wéni nêii ngê wa a diyé, yi pini u ghê dmi mêpaa ngee ngê. 6 Lukwe dîyêo nmyinê mbodo ndîî mbodo ndîî té. Nmyi lama ka tóó, yis knî tpêoo daa ndîî anyinê ngî, kpo ndîî u mênê anyi yé, anyi pwiyé, kpo yintómu dpî mbwó. Dononi nmyi mênê a tóó, mye yinté, wa kêaa. 7 Yi dono a ngî tóó, dnyêii dyêee tóó, yedêoo mbêaambêaa ngê u ngwo anmyi pyaa dmi. Yesu ngê kamî ngê ntee a pyódu nmyoo, yinté amêii pyaa dmi. Nmyi lama ka tóó, nmo Nju tpémi, Tpêee Kaa Wêêêwêêê u Naa u dye ghi ngê, nmî ngomo knî yi kêoo yis daa ya yédi, nmo kéké ngê, mbîdédi pywápê ngmê wop nmo pîpî ngê. Nmî knêââ knî yêoo sipi tpêoo ntee a vya tumo, Chóó Lémi ngê yi tpêee mââ kaa a wêêê too, daa vya too, Yesu Kédisu yinté mye pwene, ndê ka wêêê nmoo. 8 Yesu u yoo vyêo nmyi kêii nipi nmo wee, yis ntee dono nmî mênê kîngmê ya, pi dódó nmî mênê kîngê ya, dyââpe nmî pêuu myekîngmê ya. 9 Pweepwee pee nêii mwiyé nmye nê dyêââ ngê, munmyenê, Pyââ ti pyu yoo yi kêii yakmaapî ngê kêê nangê têoo. 10 Daa kuwa yéli yi pêuu nmye noo a danêmbum, yélini a pyââ ti nyédi, a ÅuknweÅuknwe nyédi, a kpaa nyédi, yélini knêaa yâpwo knî ye a ngêpê nyédi. Yinté yéli pêaa yintómu a pyede. Doo u ntââ daanmyinê kuwo têoo. 11 Daa kuwa yéli yi pêuu noo a danêmbum, ngmênê Yesu u yoo vyêo yéli yi pêuu noo a danêmbum. Nmyi vyêo pini ngmê ngê yinté kópu ngmadî dêuudêuu, adî pyââ ti, adî ÅuknweÅuknwe, knêaa yâpwo knî ye adî ngêpê, yoo yi pi dmi adî dyede dé, nté ndapî yi mbêaami ngê adî ya ó ndee pyu ndîî ngê adî ya, yinté pini u kêii yakmaapî ngê kêê nangê têoo. 12 Doo u ntââ kuwa yéli daanmo kéé té, Chóó Lémi ngê yinê wa kóté kalê té. Ngmênê yinté dono nmyi vyêo nêii ngê choo dêuudêuu, dmyinê kóté kîgha, nmyi yoo kuwa dmyinê kapî. Yinté kópu puku yedê mye tóó, Pi dono nmyi yoo kuwa dmyinê kapî.