1 Kódin 15

1 A tîdê mbwó yoo, Yesu pêuu kópuni nmye nêuu vyi too, nmye mênînê vyîlîvyîlî té. Yi kópu dyuu nmyi nyêee tumo, ye nmyi kêlîmî mbê dniye, nmyi nuwêo dmi yi pêuu myêee kaa ngópu. 2 Yi kópu dyuu ka ntênê anmyi kêlîmî knomomê, dpodombiyêe anmyi mgîmî knomomê, ye nmî Lémi ngê kóó kêoo wa kaa nmyo. 3 Kópuni nmye nêuu vyi too, ala yi ndîî kópu. Kópuni puku yedê a pyede, Yesu Kédisu ngê yinê ntiye too, nmî dono chedêchedê u lêêê dîyêo pwene. 4 Puku yedê kópu mêuu Yesu ngê mye ntiye ngê, dini ghi nêii ngê kmênê ngópu, wo pyoloni ngê mêdê pii wo. 5 Myenté, Pita ka chóóchóó a kêma ngê, u dyépi yêa mê miyó knî ye chóóchóó myedê kêma ngê. 6 U kuwó dini ghi ngê pêuu ndiye pyu limo yono yêa pwodo knî ye chóóchóó ye a kêma ngê, nipi mêuu ngópu. Yi yéli ka pyede, knî ngmê wunê kî dpî dniye. 7 U kuwó dini ghi ngê u mbwó Njems ka chóóchóó a kêma ngê, u dyépi yintómu knî ye chóóchóó mêdê kêma ngê. 8 Kêomo tpile dêoo u pee pini ngmê, ngmênê kuwókuwó dini ghi ngê chóóchóó a ka myedê kêma ngê. 9 Yesu u dyépi knî yi vyêo kuwó nînê tóó, a pi têdê, doo u ntââ dyépi ngê daapêaa pyodo, mu kópu u dîyêo Yesu u yoo kînoo a vyee dé. 10 Ngmênê Chóó Lémi ngê daa kpada noo, kópu mbêaa a nga yi dêuu ngê, a ngmidi noo, u dyépi ngê a pyódu noo. Daa módó a ngmidi noo, mu kópu u dîyêo dpodombiyêe nêaa dpodo yédi, dyépi yoo nî têee kalê too. Daa a chóó a wêdêwêdê mbêmê nî têee kalê too, Chóó Lémi u wêdêwêdê mbêmê nêaa dpodo yédi. 11 Yi dyépi knî yi kêii kópu mu ngmidi dyuu yino tpapê ngê, vyîlo yi kópu knî ye nmyi kêlîmî mbê dniye. 12 Pi knî ye nmo tpapê ngê, yenmîmo, Yesu ka a pii wo. Lukwe dîyêo nmyi vyêo pi ngmê knî yêoo ala kópu a tpapê ngmê, apu, Pi dpî pwêonu, mêdêuudpo pyidu. 13 Yi kópu wo ndê kópu, ye pyidepyide daapê tóó, Yesu Kédisu myedaapêdê pii wo. 14 Yesu Kédisu wodêpê pii wo, ye u kópu dyuu módó pono tpapê, módó u kwo pêee kêlîmî mbê dniye. 15 Pyidepyide wodaa tóó, ye Chóó Lémi pêuu nmye pono kêêmî kapî té, mu kópu u dîyêo nmyenmîmo, Chóó Lémi ngê Yesu Kédisu kpêênî mêdê pyidu ngê. 16 A tîdê mbwó yoo, pyidepyide wodaa tóó, ye Yesu Kédisu daapêdê pii wo. 17 Myenté, Yesu Kédisu wodêpê pii wo, ye módó u kwo pêee kêlîmî té, nmyi dono daapî chedê too. 18 Yesu u yoo vyêo yélini wunê a dpî dniye, angênté pî pyaa dniye, yi lêâmo dmi pêdê ngêpa wo. 19 Pyidepyide wodaa tóó, ye daapodêo pii dmi, dyámê mbêmê kópu knî yi pêuu pono nuwêo té, dyámê mbêmê tpémi yi dono yilî módó pênmînê vyîmî té, kuwókuwó wéni ngê mbêaambêaa daapodêo pywêoo, ngópuchêanê ndîî ngê pudu pyaa dmi. Dini ghi nêii ngê dyámê mbêmê dono nmînê vyîmî té, nmî nuwêo dmi nmî pyidepyide pêuu a kwo. 20 Ngmênê dpêoo ngópuchêanê yoo, Yesu Kédisu kpêênî mwiyé a pii wo, nmî kada ghê wo, yinté amyino pii dmi. 21 Adam ngê pwopwo u knêââ ntee a chópu, Yesu Kédisu ngê pyidepyide u knêââ yinté mye chópu. Nmo yintómu anmî pwêoo dmi, mu kópu u dîyêo nmî knêââ mu ngmidi, Adam. Yesu u yoo mye yinté. Yesu Kédisu ngê chóó u kwo a kââdî nmoo, yinê amêdê pyidu nmo. 23 Chóó Lémi ngê kópu yilî yintómu u mâlo dpî dêuu té. Yesu Kédisu mwiyé a pyidu ngê, nmî kada kââ. Dini ghi nêii ngê wa a diyé, yi ngwo wa a pyidu nmo, yélini yi kêii u kwo nmo kêlîmî té. 24 Kuwókuwó wéni ayi dêii, Yesu Kédisu ngê kada pini yoo wa a ghêay té, nkwépi yoo wamyedê ghêay té, pi yintómu adî yêenê dé, u Mî Chóó Lémi u maknopwo wa yé té. 25 Yesu king ngê adî ya, yélini pêuu adnyi lêêê, yu yodo u maknopwo wa yé té. 26 Kuwókuwó dini ghi ngê pwopwo yu yodo u maknopwo wamye yé, yélini pwêoo dniye wa a pyidu té. 27 Puku yedê alanté a tóó, tpile yintómu u maknopwo dnyêoo ya. Nmî lama ka tóó, Chóó Lémi Tpêoo u maknopwo daawa yââ, 28 ngmênê dini ghi nêii ngê Chóó Lémi ngê tpile yintómu Tpêoo yu yodo u maknopwo wa yé té, Tpêoo Chóó Lémi u maknopwo wa yââ, tpile yintómu Chóó Lémi u maknopwo u ngwo adnyi ya. 29 Yélini wunê a pwêoo dniye yi lêêê dîyêo, pi woni knî yêoo mbápitisîm dpo ngee ngmê. Pyidepyide wodaa tóó, ye yinté daapî dêuu ngópu. 30 Pyidepyide wodaa tóó, ye pono nkîngê té, Yesu u pi pi knî ye daapono tpapê. 31 A tîdê mbwó yoo, nmî Lémi Yesu Kédisu ngê a ngee noo, u yoo vyêo nêuu kaa nmyoo. Yi kópu ngê nmye nînê kpaa, dînî kêomodanê, dye ghi yintómu pwopwo u keÅe têâmo nêaa kwo. 32 Layoni ngê pi ntee dpî vyêa, Epeso tpémi mye yinté dé, a vyee u yi yêe a kwo. Pyidepyide wodaa tóó, ye alêii yi vyêo daapînînêaa dpodo. Pyidepyide wodaa tóó, alanté pêoo nuwêo té, pînmî, Nté ndîî yilî ma koo, mbwaa yilî nda koo, mââ mêii anmî pwêoo dmi. 33 A tîdê mbwó yoo, nêii knî yêoo yinté kópu a tpapê tumo, maa dono pêuu kîngê kaa nmyo. Nmyi lama ka tóó, yoo dono yi vyêo pini nêii a kwo yédi, u lêêê ghi dono ngê dpî pyódu. 34 Dono u maa a kuwo yó, mbêaambêaa ngê dmyinê nuwêo. Mywene nmye choo kwo. Nmyi vyêo knî ngmê yi lama Chóó Lémi daa tóó. 35 Nêii pyidepyide ka daa kêlîmî, a ka wa a póó, a ka wo, Pi dpî pwêonu, angênté amêdê pyidu? A ka wo, Doo u ntââ. A ka wo, Ntóó wa mgêeme, yi pini pêuu angênté too amêyi ya. 36 Yi pini mbodo podo. Lêêê yini wêuu ó ló ntini wêuu ngomo kêoo adî ya, doo u ntââ daawa pyidu. Ngmênê têpê mênê anyi ntówo, u ngwo dpî pyidu. Pi mye yinté. Nêii a ya yédi, too yi ngwo dêuudpî ngmêê, ngmênê dpî pwêonu, u kuwó dini ghi ngê kamî ngê moo pyidu. 37 Myenté, têpê mênê daa yi ayi ntówo, ngmênê wêuu ayi ntówo, witi wêuu ó ló ntini wêuu. Wêuu têpê mênê ntee anyi ntówo, yinté dêuudpî kêaa, ngmênê yi ngê dpî pyódu, yââ nkwodo yilî dpî ghê. 38 Chóó Lémi ngê dpo pyidu, yi ngê dpî pyódu. Ntee doo a nuwêo, yinté dêuu ngê. Yi yintómu yi dyêêdî dyêêdî a tóó, yi wêuu u mo u mo dé. 39 Tpileni yi ghê a pyede, mye yinté dé, yi dyêêdî dyêêdî a tóó. Pi too u mo, tpile tpêoo too u mo, Åmê too u mo, te too u mo. 40 Tpileni mbóó dyámê yi mbêmê a pyede, mye yinté. Woni knî yi wuu ndîî, woni knî yi wuu daa ndîî. 41 Kââdî u wuu ndîî, dêââ u wuu pee tpêoo, pudu knî yi wuu têdê. Myenté pudu woni knî yi wuu ndîî dé, woni knî yi wuu têdê dé. 42 Pyidepyide mye yinté. Pini nêii dpî pwêonu, yinté mêdaawa a pyidu. Pini nêii dpî pwêonu, têpê ngê dpî ma, chedê ngê dpî pyódu. Dini ghi nêii ngê Chóó Lémi ngê wa a pyidu nmo, mêdaanmî pwêoo dmi, chedê ngê daanmî pyaa dmi. 43 Pini nêii dpî pwêonu, u wêdêwêdê chedê ngê dpî pyódu, u pi dpo ghay. Dini ghi nêii ngê Chóó Lémi ngê wa a pyidu nmo, nmî pi dmi ndîî ngê wa pyódu té, nmî wêdêwêdê ndîî ngê wamye pyódu té. 44 Ala ngwo nmî nuwêo knî yêoo yinê a mbêpê kîgha nmoo, ngmênê dini ghi nêii ngê Chóó Lémi ngê wa a pyidu nmo, nmî ghê dmi knî yêoo yêoo adnyi mbêpê kîgha nmo. Ala ngwo nmî pââ dmi ntee a pyede, mu dini ghi ngê nmî ghê dmi knî yi pââ dmi amyednyinêaa ya. 45 Yinté kópu puku yedê alanté mye tóó. Mwiyémwiyé pini, Adam, pi ngê pyodo, ghê u mênê yaa wo. Adam nmî knêââ ngê ntee pyodo, Yesu ghê kamî u knêââ ngê yinté mye pyodo. 46 Too pee u kópu dé mwiyé pyaa dniye, ghê kamî u kópu dé kuwó pyaa dniye. 47 Chóó Lémi ngê mwiyémwiyé pini têpê ngê lêâmo ngê, myomoni mbóó pêuu a ndê wo. 48 Pini nêii têpê ngê lêâmo ngê, ntee doo ya, yinté myeno pyede, u ntêanê nmî yaa dniye. Pini nêii mbóó pêuu a ndê wo, u yoo mye yinté dé, ntee a tóó, yinté wa pyódu nmo. 50 A tîdê mbwó yoo, ntee nmo pyede, doo u ntââ Chóó Lémi kóó kêoo yinté daanmêuu ghê dmi. Mbyuu too nêii nmî pêuu a têa mo, nmî pêuu daadpî ya, chedê ngê wa pyaa knî. 51 Tumu kópu ngma ala, pêuu dmyinê nuwêo. Yesu u yoo vyêo yéli knî ngmê ghêlî daawa pwêoo dmi, Yesu u ngwo wa a diyé. Dini ghi nêii ngê wa a diyé, nkéli dpuwo u dnye anmî nyêoo. Enjel knî yêoo mêdaamuwa wêê ngmê. Yélini mwiyé a pwêoo dniye, yi ngwo wa a pyidu té, mêdaawa pwêoo dmi. Lîmîlîmî ngê yi ngwo amye ngmêê nmo, kamî ngê wa pyódu nmo. 53 Ala ngwo nêii dpî pwêonu, mbyuu too dpî mgêeme knî. Yi ngwo doo u ntââ mêdaanmêuu pwêoo dmi, myedaanmêuu mgêeme dmi. 54 Mbu ntee dpî kyopwo, dînê dpo kuwo, kamî ngê dpî pyódu, dini ghi nêii ngê nmî Lémi wa a diyé, yinté kamî ngê wa pyódu nmo. Kópuni puku yedê a tóó, nmî Lémi ngê wa ntiye, pwopwo wa a pwêono, dêudêumbiyêe wa chedê. 55 Kópuni puku yedê a tóó, nmo tpapê ngê, nmîmo, Pwopwo wa dîpî, daawa têee kalê nmo, nmî némi dmi daawa dyênê. 56 Nêii ngê Chóó Lémi u dêêpî kópu dyuu dêuudpî châpu, dono dpî dêuu, dêudêumbiyêe dpî pwêonu. 57 Ngmênê nmî yikî dmi Yesu Kédisu u pwo ghay wo, pwopwo ka wêêê nmoo, kwunokwuno koo, Chóó Lémi mye kwunokwuno koo. 58 A tîdê mbwó yoo, nangmê kede, nmî Lémi pêuu dpodoni nmye dódó ngmê, dpodombiyêe pêuu dmyinê dpodo, mu kópu u dîyêo yinê a ngêêpî nmyo, doo u ntââ daanmyi dêê dmi.