1 Kódin 12

1 A tîdê mbwó yoo, kópuni yilî yi lêêê dîyêo Chóó Lémi u Ghê Dmi ngê u ntââ ngê dpî pyódu nmo, u kakêmê mbêaambêaa ngê nmye nînê chámêchámê, u ya a nga a kwo, Ntênê nmyi lama a yaa dniye. 2 Nmyi lama kîyedê tóó, Yesu u yoo vyêo wunê ghêlî dpîpêe ghê dniye, Setan ngê nmyi nuwêo dmi kêomo yâpwo knî yi pêuu a kaa too, kêomo yâpwo knî ye nmyimo a ngêpê, ngmênê yi yâpwo ntóó dé, dnye yi mênê daa tóó. 3 Ala ngwo pi knî yêoo Chóó Lémi u komo nmye wumê kapî ngópu, ngmênê woni yoo myewumê kêomodanê nyédi, woni knî yêoo ndêndê ngê nmye wumê kapî ngópu. Ala kópu mbêmê dmyinê myeme dé. Chóó Lémi u Ghê Dmi ngê pini nêii a mbêpê kîgha ngê, doo u ntââ Yesu u pi daawa dyênê, myenté Chóó Lémi u Ghê Dmi ngê pini nêii a mbêpê kîgha ngê, vyîlo yi pini ngê Yesu ntênê a chââchââ ngê, knêaa pini doo u ntââ. Daawa vyi, Yesu nmî Lémi ndêndê. 4 Dpodo daa ngmidi yi lêêê dîyêo Chóó Lémi u Ghê Dmi ngê u ntââ ngê dpo pyódu nmo. Yi Ghéni Dmi mu ngmidi u wêdêwêdê mbêmê nmo dpodo nyédi, daa knêaa ghéni dmi u wêdêwêdê mbêmê yi dpodo nmo dódó too. 5 Kêomo tpile nmî Lémi pêuu daa dpodo ngmidi nmo dódó ngê, ngmênê nmî Lémi mu ngmidi pêuu nmo dpodo nyédi. 6 Kêomo tpile daa dpodo ngmidi yi pêuu Chóó Lémi ngê u ntââ ngê dpo pyódu nmo, ngmênê Chóó Lémi mu ngmidi pêuu nmo dpodo nyédi. 7 Nmo ngmêngmênté nmî dpodo têdê dpodo têdê Chóó Lémi u Ghê Dmi ngê u ntââ ngê dpo pyódu nmo, mu kópu u dîyêo u yi u ngwo a kwo, Nmî Lémi u yoo yintómu wêdêwêdê ngê paa pyaa dniye. 8 Dye ghi knî ngmê ngê yi Ghéni Dmi ngê pi knî ngmê u ntââ ngê dpo pyódu té, nmî Lémi u nuwêo ndîî mbêmê pi knî ye u ngwo a mbumu nyédi. Dye ghi knî ngmê ngê yi Ghéni Dmi ngê pi woni knî ye tumu kópu dé dpo kêma té, yi yéli yêoo yi kópu dyuu pi knî ye u nkwo dpî vyi têoo. 9 Yi Ghéni Dmi ngê pi knî ngmê yi kêlîmî ndîî ngê dpo pyódu, pi woni knî u ntââ ngê dpo pyódu té, yoo u ngwo a pyipyi tumo. 10 Yi Ghéni Dmi ngê pi knî mêuu u ntââ ngê dpo pyódu té, mbwudu u ngwo dpî chaa têoo. Pi knî mêuu u ntââ ngê dpo pyódu té, Chóó Lémi u komo pi knî ye u ngwo a kapî ngópu. Pi knî mêuu u ntââ ngê dpo pyódu té, ghê dmi yinê dpî mya têoo. Péntikos u wo ngê kópuni yêe pyodo, Chóó Lémi u Ghê Dmi ngê yinté kópu ala ngwo mye dêuudêuu ngê, yoo woni u ntââ ngê yinê dpo pyódu té, knêaa dyámê dnye ngê daa yi lama pi knî ye a mbumu nyédi. Pi knî mêuu u ntââ ngê dpo pyódu té, yi kópu dyuu dpo wêee têoo, pi knî ye yi kakêmê moo chámê têoo. 11 Vyîlo yi Ghéni Dmi ngê nmo ngmêngmênté dpodo yilî yi lêêê dîyêo u ntââ ngê dpo pyódu nmo. Daa nmî chóó nmî nuwêo knî yi mbêmê dpo ngmidi nmo, ngmênê chóó u pono a vyápê yédi, nmî dpodo Åedê dpodo Åedê u ngwo dpî kaa nmo. 12 Pi pêuu tpile yilî ntee a pyodopyodo, nmî Lémi Yesu Kédisu u yoo mye yinté, u yoo vyêo pi dyêêdî yilî a kwo, nmî dpodo Åedê dpodo Åedê kaa nmoo. 13 Chóó Lémi ngê u Ghê Dmi ngê mbápitisîm kalê nmoo, Yesu u yoo vyêo u ngwo nmî ghê dniye. Ala ngwo ngmidi ngê nmo pyede, ngmênê mwiyé u mo mo nmee a ya. Nmo knî ngmê Nju tpémi, knî ngmê daa Nju tpémi, knî ngmê yi pi dmi ndîî dé, knî ngmê yi pi dmi têdê dé, ngmênê Chóó Lémi u Ghê Dmi ngê ngmidi ngê a pyódu nmoo, Yesu Kédisu kóó kpâlî ntee tpile ngê pyódu nmoo, yinê a mbêpê kîgha nmoo. 14 Pi pêuu tpile yilî ntee a pyodopyodo, nmî Lémi u yoo mye yinté, nmo yintómu nmî dpodo daa ngmidi, nmyi kêii nmî dpodo Åedê dpodo Åedê a kaa nmoo. 15 Yi dpodo knî yi pêuu dyimê pywuu nmye ngmênînê kuwo. Pi yu wo pi, daapaa vyi, Dêaa pi kóó, u lêêê dîyêo pi pêuu dînî kwo. Kêle, pi yu pi pêuu a kwo. 16 Pi ngwene myenté, wo pi, daapaa vyi, Dêaa pi ngwolo, u lêêê dîyêo pi pêuu dînî kwo. Kêle, pi ngwene pi pêuu a kwo. 17 Pi dêudêumbiyêe ngwolo ngê wo tóó, ye dnye angênté pî nyêmî. Myenté, pi dêudêumbiyêe ngwene ngê wo tóó, ye tpile tuu angênté pî nyêmî. 18 Ngmênê Chóó Lémi chóó doo nuwêo, pi pêuu tpile yilî u ngwo lêâmo ngê, kóó yu kaa too, ngwolo dê kaa doo, ngwene dê kaa doo, Åupu dê têee doo. 19 Yi tpile knî pi pêuu wodaa kaa too, ye pi daa pi ngê yipî tóó, yi pââ ntee tpile ngê pî tóó. 20 Ngmênê pi alanté a tóó, tpileni yilî pêuu a pyodopyodo, yi dpodo yi dpodo a tóó. Yesu u yoo mye yinté, nmî dpodo Åedê dpodo Åedê a kaa nmoo. 21 Yi kópu u lêêê dîyêo, pi ngwolo wo pi, kóó dê ye daapaa vyi, Dpî dpodo daa tóó, mwada yêi lee cho. Kêle, doo u ntââ. Yi ngwolo ngê dpodo angênté pî dódó. Myenté, pi mbodo wo pi, yu dê ye daapaa vyi, Dpî dpodo daa tóó, mwada yêi lee cho. Kêle, doo u ntââ. Yi mbodo angênté pî paa. Nmo mye yinté, nmî vyêo woni ngwolo ntee tpile dé, woni kóó kpâlî ntee tpile dé. 22 Nmî pêuu tpileni daa dpodo u ntââ dé, doo u ntââ daanmî kéé té. 23 Nmî pêuu tpileni yi pi dmi têdê dé, mbêaambêaa ngê ye nmo vyuwo nyédi. Tpile nêii dê pi ngê dêuudpî mêuu dê, mbêaambêaa ngê nmo wópuwópu doo, 24 ngmênê nmî pêuu ghê tpile woni pi daa wópuwópu too. Chóó Lémi ngê yinté lêâmo nmoo, nmî pêuu tpileni yi pi dmi daa ndîî dé, mbêaambêaa ngê ye nmo vyuwo nyédi. 25 Doo u ntââ nmî pêuu ghê tpile woni daanmî kéé té, mu kópu u dîyêo ghi ngmidi a wee, numo ka a vyuwo nyédi. 26 Pi pêuu ghi ngmidi adî dpududpudu, ye pââ pêuu ghi yintómu mye dpududpudu yédi. Dpodoni pi ngê kîlî dpî dóó anyi chaa kwolo, ye u gha mbêaambêaa ngê dpî pyódu, u pââ pêuu tpile yilî mbêaambêaa ngê moo pyódu. 27 Nmo yintómu Yesu Kédisu pêuu nmo pyede, nmo kóó kpâlî dé. 28 Yesu u yoo vyêo Chóó Lémi ngê u dpodo Åedê dpodo Åedê a kaa nmoo, mwiyémwiyé yéli, dyépi yoo, myomoni yoo, komo kapî pyu yoo, pyoloni yoo, dêêpî pyu yoo, podoni yoo, nêii knî yêoo Chóó Lémi u wêdêwêdê mbêmê mbwudu dpî chaa têoo, limoni yoo, pi pyipyi pyu yoo, wononi yoo, pi ka vyuwo pyu yoo, piini yoo, dyêoo pyu yoo, woloni yoo, yélini knêaa dyámê dnye ngê daa yi lama a mbumu nyédi. 29 Yesu u yoo vyêo pi pyile njini dyépi yoo, daa yilî komo kapî pyu yoo, daa yintómu dêêpî pyu yoo. Daa pi yintómu knî yêoo mbwudu a chapî tumo, 30 daa pi yintómu a pi pyipyi nyédi, daa pi yintómu knêaa dyámê dnye ngê a mbumu nyédi, daa pi yintómu yinté kópu u kakêmê chámêchámê u ntââ ngê a pyede. 31 Dpodoni yi pi dmi ndîî dé yi yi dmi nmye dnyêoo kwo, ngmênê kópuni u pi dêudêumbiyêe ndîî, u kakêmê nmye nînê chámêchámê.