MATEEO 15

1 Junak intoko, waate jume’ paiseom teame intok jume’ Moiseejtuka’uta betana nesaurim yee majtame, Jesujtau ruktek. Inime’e, bwe’u jo’ara Jerusalen tea’a betana ama yajilamtakai, intok inime’e inen au nattemaek: 2 âJaisaaka jume’ em majtim, waka’a bat naataka itom yo’owasuka’um betana ta’eewaka joowamta ka junuen a’ bo’o jooria. Bwe’ituk inime’e, emo tu’utewakai, kee ji’ibwakai, mam bajimawamta ka a’ jooa. 3 Taa ju’u Jesus inimmeu nattemaek: âJaisaakai ket eme’e, juka’ Liojta nesaurita ka a’ jooa, junuen juka’ inim enchim ta’aaka au joiwalaa’uta enchim a’ joobae’ betchi’bo. 4 Bwe’ituk ju’u Lios inen a’ nesawek: “Juka’ em achaita intok em malata yo’oreka am aniane. Intok ket, ju’u, a’ achaiwata oo a’ aewata, ka tu’ik ameu aune’eti jiaka ka tu’isi ameu nokame, ini’i me’etune." 5 Taa eme’e intok inen jiia: “Seenuk, a’ achaibeu oo a’ aebeu: Kannee a enchi ania, bwe’ituk si’imeta juka’ in jipue’uta, Liojtau bicha nee a’ na’ikiala, ti a’ jiune’eti jiia, 6 intok jabeta juni’i, a junuen jiamta, inika’a, juka’ a’ achaiwata oo a’ aewata ka a’ aniane”, ti jiia eme’e. Junuen san eme’e juka’ Liojta nesauri, tua kaita a’ teuwa’a benasi a’ tawaalam, junuen juka’ inim enchim ta’aaka, au joiwalaa’uta, junaka’a enchim joobae’ betchi’bo. 7 Ka tu’i yoememtaka emo tu’u joame, tu’isi jiiak wa’a bat naataka Liojta betana ju’uneetuawaka yeteu nonokame, Isa’iajtuka’u, emot nokaka, junak inen a’ ji’ojtekai: 8 Ini’i yoemra nee emo yo’ore’eti jiaka, a’ teuwaa. Taa bem jiapsim ka neu bicha waateka june’ela. 9 Kaita’po taawa bem nau eaka nee yo’oree’u. Bwe’ituk ju’u bem yee majta’u, wepulsi inim watem betana nesau teuwaari ausu’li. 10 Junak intoko ju’u yoemratau ama anemtau chaaek: âAet mammateka nee aet jikkajine âti ameu jiiakâ. 11 Ju’u senuk bwa’anee’u, ka ini’i senuk ka tu’isi tawaane. Ala ju’u senuk teuwaanee’u aet yeu weyeme su, junuen Liojta bichapo ka tu’isi a’ tatawaa âti ameu jiiakai. 12 Junak intoko jume’ a’ majtim Jesujtau ruktekan intok: âJaisa empo jume’ paiseom teame empo mammatek ja’ani. Em teuwaaka’uta jikkajaka ka bem emo alleetuaka’po âti au jiiak. 13 Taa aapo, essoi nokpo inen am yoopnak: âJu’u juya, jitataka juni’i, juka’ in achai, teekau katekamta ka a’ echiako, chikti nawammak popontune âti jiakaiâ. 14 Kia beja em am bicha. Bwe’ituk inime’e, ka bibichaka, watem ka bibichame weiyaame benasi maachi. Intok seenuk ka bichaka, senuk ket ka bichamta weiya’ateko, jak juni’i, wojo’oku a nau ko’om wattine. 15 Junak intok ju’u Peeo, ju’u Jesujtau: âInika’a em ta’abwikut nokaka em teuwaaka’uta, ju’unakkiachisia itou a’ teuwaane âti au jiiak. 16 Ju’u Jesus inimmeu: âJaisa eme’e ket ka a’ mammate ja’ani âti jiiakâ. 17 Jaisa eme’e ka aet ju’unea ja’ani, si’imeta juka’ senuk bwa’anee’uta, to’onau bicha a’ weye’po, chukula intok ket, inika’a, takaapo yeu a’ weenee’uta. 18 Taa ju’u, senuk teuwaanee’u aet yeu weeneme, jiapsiu yeu weye, intok ini’i juna’a ju’u, ka tu’isi a’ tatawaame. 19 Bwe’ituk jiapsi betana inen ju’u ka nanau machika ka tu’i eeri yeu weama, yee su’apeewame, jamutta ka a’ jubeka juni’i, aamak emo tu’uriwame oo ju’u si’ime tiusi machika ka tu’ik joowame. Jita etbwawame. Ju’u aa noki’ichia intoko ka lutu’uriata yetet nok sasakawame, Liojta beje’eka, ka tu’ik teuwaawame. 20 Ini’i weyeme juna’a junuen ju’u senuk ka tu’isi tatawaame. Taa ju’u, kee ji’ibwaka, emo te’ochiaka mam bajimawamta ka a’ joowame, ka ini’i juna’a, ju’u senuk ka tu’isi tatawaame. 21 Junama’a yeu sikaa, ju’u Jesus bwiaara Tiiro’otea’u intok Siron tea’u bicha siika. 22 Intok senu jamut, bwiaraa Kananea’ tea’po jometa, ini’i junama’a bwiaraa jo’aaka, Jesujtau yepsak: âIn yo’owa, Labiituka’utat yeu simria, nee jiokole’e âti au chaaekâ. Bwe’ituk ju’u in jamut asoa, bebeje’eri ka tu’i jiapsi aet aane intok tua jiokot maisi au bicha âti au jiakai. 23 Taa ju’u Jesus inika’a kaita a’ yoopnak. Junak intok jume’ a’ majtim au yajaka intok inen au ujbwanak: âA’ simne’ betchi’bo au nooka achai. Bwe’ituk itot cha’aka weyeka, jiba chai sime âti au jiakai. 24 Junak intok ju’u Jesus, ju’u jamuttau: âJu’u Lios, jume’ bwalam chiktulame bebenammeu Ijra’el yoemratau jiba nee bittuari âti au jiiak. 25 Taa ju’u jamut au rukteka intok au tonommea kikteka: âIn yo’owa, nee ania’e âti au jiiak. 26 Ju’u Jesus intok: âKa tu’ine, jume’ paanim usim bwaa’ea’um, am u’aaka intok jume’ chu’um am mikpo âti au jiiak. 27 Taa junuentaka juni’i, aapo ju’u jamut: âJeewi in yo’owa, taa kia jume’ chu’um juni’i, bem teekom ji’ibwaa’po, jume’ reebeim ko’om watteme bwabwa’ee âti au jiiak. 28 Junak intok ju’u Jesus, iniau: âJeewi, tua empo Liojta a suale, em ea’po aman eu chupne âti au jiiak. Intok jiba junama naateka ju’u a’ jamut asoawa, yuma’isi au ine’etek. 29 Ju’u Jesus junama’a yeu sika intok Kalilea’ tea’po, bwe’u bau ba’a bwikola weyen. Chukula ili kawiu jikau sikaa, intok junama’a yejtek. 30 Yoemra, juebenaka jum a’ ane’epo au yajak. Intok inime’e, jume’ ka rejteme, jume’ ka bibichame, jume’ ka nokame, jume’ ka emo mam yekame intok waate juebenam ko’okoeme amemak weiyaakai, inime’e ju’u Jesujta bichapo nau tojiwak. Aapo intoko emo am ine’etetuak. 31 Junuen san beja ju’u ama aneme yoemra a’ uttiaka a’ suum eiyaak. Jume’ ka a nokame, noktuawame, jume’ mam lolo’im tu’ureame intok jume’ lolo’im am rejte’epo intok jume’ ka bibichame am bittuawame, inime’e bichakai. Intok juka’ bem yo’owata, Ijra’el tuka’uta a’ achai Liojta a’ yo’ori japtek. 32 Junak intoko ju’u Jesus, jume’ a’ majtimmeu chaaeka intok: âInika’a yoemrata ne tu’isi jiokole bwe’ituk jaibu baji ta’apo inim nemak aane. Intok inime’e bem bwa’anee’uta kaita nunu’ubwa. Kanne junuen, ka ji’ibwakame, bem jo’au bicha am saka’atuabae, junuen ka inime’e jum bo’ot bem tebae wattine’ betchi’bo âti ameu jiiak. 33 Jume’ a’ majtim junak: âJaksa itepo, si’ime inia yoemratau yuma’ik bwa’awamta nu’unee inimi’i kaabeta jo’aaka’po âti au nattemaek. 34 Ju’u Jesus inimmeu: âJaiki paanimsa eme’e nunu’ubwa âti ameu nattemaek. Bempo intok: âWoo busani, intok wate ili kuchum âti jiaka a’ yoopnak. 35 Junak aapo, juka’ yoemrata ama anemta, bwiapo am jote’esaek. 36 Jume’ woo busan paanim intok jume’ kuchum am nu’uka, intok Liojta a’ baisae’uta teuwaak. Chukula am rebektaka intok jume’ a’ majtimmeu bicha am bwisek. Inime’e intoko ju’u ama yoemratat am na’ikimtek. 37 Si’ime inime’e ji’ibwak intok yuma’isi jat teaka taawak. Chukula ketun jume’ reebeim yeu be’eekammea woo busan waarim tapuniawak. 38 Junama’a ji’ibwakame, ju’u o’ouraa, naiki miil tukan. Ketun jume’ jaamuchim intok jume’ illitchim ka na’ikiatakai. 39 Chukula ju’u Jesus juka’ yoemrata saka’atuako aapo kuta kanoau ja’amuka intok jum bwiaraa Maklaala’ tea’u bicha siika.