Yaburin Sora 54

1 Dawudaa fala ɲaxumɛna, bɛti baane kuntigin xa. A xa ba kondenne ra. 2 Dawuda bɛti naxan ba, Sifi kaane to siga Sɔli fɛma e naxa, “Dawuda luxunxi nxu tagi." 3 Ala, n nakisi i sɛnbɛn na. N xun mafala kitin bolon! 4 Ala, n ma maxandi xuiin namɛ. I tuli mati n fala xuine ra! 5 Xɔɲɛne bata keli n xili ma. Gbalotɔne katama n faxa feen na. E mi e mirima Ala ma. Bɛti xuini te. 6 Koni Ala nan n mali muxun na. Marigin nan n niin kantanma. 7 A n yaxune fe ɲaxine raxɛtɛ e ma. E halagi amasɔtɔ i lannayaan nabama. 8 Nayi, n ɲɛnige ma saraxan bama i xa nɛn, n yi i tan Alatala tantun amasɔtɔ i fan. 9 Bayo, i tan nan n baxi n ma tɔrɔne yi, n yi n yaxune biraxin to.