MALAKU 13

1 Bwana kakala lubuka Yesu mu nzu ya Nzambi, mosi wa balonguki bandi waÌmuzimbwala: «Mulongi! Talandi, khi mutindu wa matadi, khi thungidi!» 2 Yesu waÌmuvutwala: «Wumoni thungidi zazi za mbuta? KwasaÌlaku keti tadi dimosi hana thandu ya tadi dikwawu dyakonda wulumuka.» 3 Buna kaÌkala wazakala kuna mongu wa Olive, kuna thwala ya nzu ya Nzambi, Phetelu, Zyaki, Yowani yi Andele baÌmuhyula mu kingenga: 4 «Tuzimbwala, khi tangwa masaÌlama mambu mama, khi kyawu kidimbu kyasoÌngila tsuka ya mambu mana moosu?.» 5 Hanga Yesu wuyandiki mu kubazimbwala: «Kebenu, mutu kaluhukumunaku. 6 Lawu bakwiÌsa mu khumbu ya meni, mu kuzimbula: “Meni yenina Kidisitu” amana batu balawu babaÌhukumuna. 7 Tangwa lwayuÌka kuzonzila mvita yi pfweta-pfweta za mvita: luvumukaku mbundu; bulungi ni mambu mana masalama, kaasi yakaÌlaku kedi tsuka. 8 Mukuma kanda dimosi dyanwaÌnisa kanda dikwawu, amana luyalu lumosi lwanwaÌnisa luyalu lukwawu; amana kunikana kwa mafu yi nzala byakaÌla muma mwahika. LwakaÌla luyandiku lwa misongu. 9 Dikengenu benu-benu; baluÌlambula mu nganda amana baluÌbeta muna nzu za kimvuka za Bayuta; lwateÌlama kuna thwala ya bapfumu ba mbanza yi bakyamvu kikuma kya meni, kyakaÌla kimbangi kikuma kya bawu. 10 Bulungi theti Musamu wa Bukheti basamunawa kwena makanda moosu. 11 Tangwa baluÌnata mu kululambula, lutekilaku diyangisa kikuma kya mana lwaziÌmbula, kaasi zimbulenu mana baluÌheka muna tangwa meni dina, mukuma ka benu ku lwazoÌnza, Kitembu Kyatoma. 12 Phangi kalaÌmbula phangi wandi ku lufwa, amana tata kalaÌmbula mwana wandi; bana babaÌthutukila bibuti bya bawu amana babaÌhondisa. 13 BaluÌmenga kwena mutu wosu kikuma kya khumbu yama. Kaasi wuna wakwaÌmina tii yi kuna tsuka, yandi kahuÌluka.» 14 «Buna lwamoÌna muzangi wanzanzi wakutelamisa muna kafwaniku kukala, mutu wuna wubati tanga kabakula! Hanga, bana bakaÌla mu Yuteya batiÌna mu myongu; 15 wuna wakaÌla ha mudilu katulukahoku, kavutukaku kikuma kya kutambula kima ku nzu yandi; 16 amana wuna wakaÌla ku bilanga kavutukaku ku manima kikuma kya kutambula muledi wandi. 17 Khi phasi kikuma kya bakhetu bana bakaÌla ku bifundu yi kwena bana bakaÌla mu kuyemika muna bilumbu meni bina! 18 Lombilenu ni mambu mama mabwaku mu tangwa dya kyosi kya lawu! 19 Mukuma, bilumbu meni bina byakaÌla bilumbu bya kiwayi kya lawu, kiwayi kimosi, hanga kina kyakonda kedi kala tukidila ku luyandiku lwa phangamu yina kaÌhangila Nzambi tsi yi buthwena bwabu, amana zakaÌlamwoku hika buna kuluta. 20 Wadi ni Pfumu kaÌkufikisaku bilumbu bina, wadi keti mutu kakhanaku zinga hika, kaasi kaÌkufikisilabya kikuma kya bana baÌsolama. 21 Amana ho mutu kaluzimbwala: “Kidisitu haha kenina!” Holo: “kuna kenina!” Lumukwikilaku. 22 Mukuma bamasiya ba bukamvi yi bambikudi ba bukamvi baluÌbuka; basoÌngila biphadi yi mambu ma kuyituka kikuma kya kuhukumuna, yuka bwaleÌndakana, bana kaÌsola Nzambi. 23 Kebenu kwenu! Thekidi luzimbwala moosu.» 24 «Kaasi muna bilumbu bina, kunima dya kiwayi meni kina, tangwa kaphiÌnda, ngondi kaseÌngulaku myesi myandi, 25 bathetimbwa babwa tukidila ku zilu, amana ngolu za mazilu zaniÌkana. 26 Hanga bamoni Mwana wa mutu buna kakwiÌsa muna matuti yi ngolu za lawu, yi khembu. 27 Hanga wutumi banzyo amana bakuÌtikisa batu ba tselu ya bana kaÌsola, tukidila tselu ya tsi yi kuna tselu ya ku zilu.» 28 «Mbandu ya kingana kya mufiki yaluheka dilongi: buna lwamoÌna ni miti wusawakidini, lwisi zaya ni tsungi ya pha yibwesukini. 29 Phila mosi yi kwena benu, tangwa lwamoÌna bima bina byosu, zayenu ni Mwana wa mutu wekina bela-bela, muna mwelu. 30 Mu kyedika, yiluzimbwadibwa: mbandu ya batu baba, yahiÌtaku kedi yi kuna masaÌlamina mambu mana moosu. 31 Zilu yi tsi byatoÌta, kaasi ndinga zama zalendaku tota.» 32 «Kikuma kya mana matadidini kilumbu yi tangwa, ka mutu ku wuzayibya, keti banzyo muna zilu, keti Mwana; kaasi Tata yandi lwesi. 33 Kebenu, temunenu mesu, mukuma luzayiku mu khi tangwa mabwa. 34 DyakaÌla hanga mutu mosi weÌnda mu kitambu: wusisini nzu yandi, wuhanini kiyeka kwena basadi bandi; kosu mutu yi kisalu kyandi, amana waÌsenda kwena tsinzidi kakala watemuna. 35 Disongidila, kalenu batemuna, mukuma luzayiku keti khi tangwa kakwiÌsa mukwa nzu: mu masikidika, ho mu kati kya kisuku, ho mu khoku wa theti, ho mu suka. 36 Kalenu mu bweya kinga katula mu kithulumukina amana kisa luwana banimba. 37 Mana mbati luzimbwala, nzimbudima kwena batu boosu: “Kalenu batemuna!»