MATHAYI 28

1 Kunima dya sabata, muna suka-suka dya kilumbu kya theti kya phosa, Madiya mwisi Makatala yi Madiya wuna mukwawu benda tala mazyamu. 2 Kutala mafu manikani ngolu; mukuma wanzyo mosi wa Pfumu waÌkulumuka ku zilu, wisa bundumuna tadi amana kaÌkala wazakala hana thandu ya dyawu. 3 Kifwani kyandi kyakala kedyamina hanga mitsyenzya, miledi myandi myaÌkala mya phembi ya lawu. 4 Kikuma kya bwabuna, batsinzidi baÌyuka bweya bwa lawu. Bakala tekita amana baÌkituka hanga batu bafwa. 5 Mu kutambula ndinga, wanzyo waÌzimbula kwena bakhetu: «Lukalaku yi bweya, benu, mukuma nzayi ni Yesu wuna baÌkhoka ha kitakani lubati sanda; 6 keku haha, wufutumukini bwosu kaÌzimbula. Alwisa, talenu homa hana kakadikini walandalala. 7 Alwenda tswatsu, zimbulenu kwena balonguki bandi: “Wufutumuki ha kati dya bafwa, amana tala wulutekididi kedi mu Ngadidi; kwakuna lwaÌmumona.” Tala, mana khaÌdiki mawu mu kuluzimbwala.» 8 Amana baÌkatuka tswatsu ku mazyamu, baÌkala bazakama yi kitswi yi kyesi kya lawu amana bakhetu benda thinu kusamuna kwena balonguki bandi. 9 Kutala, Yesu wisi batundakana mu kuzimbula: «Kimboti kyenu!» Bawu baÌbwesuka, baÌmubumbakana muna malu mu kumufukamina. 10 Hanga Yesu wubazimbwadi: «Lukalaku yi bweya. Alwenda, samunenu kwena baphangi bama ni benda kuna Ngadidi: amana bangwaÌna kwakuna.» 11 Tangwa bakala mu nzila, ndambu ya batshinzidi ba mazyamu, bisa mu mbanza, basamuni kwena bambuta ba banganga Nzambi moosu mosu mana maÌluta. 12 Buna baÌkutakana yi bambuta ba Bayuta, lukutakanu lwaÌsalama: baÌbonga lukanu, amana bahana mbongu za lawu kwena baphumbulu 13 mu kuzimbula: «Zimbulenu: “Balonguki bandi bisi muyibaka muna phipha, bwosu tukadiki betu banimba." 14 Amana yuka ni kilolu mwisi Loma kayukabwa, betu twamuÌlembika, ndangu benu baluyangisaku.» 15 Batsinzidi baÌtambula mbongu, baÌhanga bwosu baÌbazimbwala. Amana ndinga yayi yaÌmwangana kwena Bayuta tii yi kuna lelu dyadi. 16 Balonguki kumi yi mosi benda ku Ngadidi, kuna mongu wuna kaÌbazimbwala Yesu ni benda . 17 Tangwa baÌmumona, baÌfukama, kaasi bahika baÌkala yi keti-keti. 18 Yesu waÌbwesuka, wuzimbudi kwena bawu: «Kipfumu kyosu baÌphekakya muna zilu yi ha tsi. 19 Disongidila alwendenu, kitulenu batu ba makanda moosu balonguki bama; babotikenu mu khumbu ya Tata yi ya Mwana yi Kitembu Kyatoma; 20 balongenu mu kusadila moosu mana yilulongikidi. zayenubwoku, meni yenina yi benu bilumbu byosu tii yi kuna tsuka ya tsi.»