MATHAYI 25

1 «Kinga Kipfumu kya mazilu kifwanani yi bana ba bandumba kumi baÌbonga mwinda mya bawu, benda tundakana yi yakala dya longu. 2 Batanu, hana kati dya bawu, baÌyilamaku amana batanu bahika baÌyilama. 3 Bana bakonda yilama, buna baÌbonga mwinda mya bawu, baÌnataku masi ma bawu. 4 Kaasi batanu bana bayilama baÌnata masi muna bilekwa yi mwinda mya bawu. 5 Bwosu kaÌzingidila yakala mu kukwisa, boosu bahanga balembwi kwabawu amana baÌnimba. 6 Amana mu kisuku kya phipha, kindanda kiditi: “Talenu yandu yakala, lubukenu, lwenda mutundakana!" 7 Hanga bandumba bana boosu batokami, amana baÌyidika mwinda mya bawu. 8 Hanga bana bakonda yilama bazimbudi kwena bana baÌyilama: “Tuhekenu masi menu, kikuma mwinda mya betu mizimi." 9 Bana ba mayedi bavutudi: “Loni, meku mafwana kikuma kya betu yi benu; mboti lwenda kwena bana bisima tekisa ndangu lwasumba kikuma kya benu." 10 Bwabuna benda bawu mu kusumba, yakala waÌtula. Amana bana bakala bayilama bakota yi yandi muna nzu ya mukinzi wa longu, hanga bayafikidi mwelu. 11 Amana kunima dya tangwa, bisa bandumba bana bakwawu, mu kuzimbula: “Tata, Tata, tuyafwadila!" 12 Kaasi yandi mu kuvutula, wuzimbudi: “Mu kyedika, yiluzimbwadi: Yiluzayiku." 13 Disongidila, kalakenu bayilama, kikuma luzayiku keti kilumbu keti tangwa.» 14 «Kipfumu kya mazilu kifwanakani hanga mutu mosi, mu kukwenda mu kitambu: wateÌla basadi bandi amana waÌbaheka bima byandi. 15 Kwena mosi, mikuta mitanu mya wolu, kwena mukwawu, mikuta myodi mya wolu, amana kwena wuna wa tatu mukuta wumosi, kwena kosu mutu muna ngolu zandi, amana kunima, wenda kwandi mu kitambu. 16 Buna kenda, musadi wuna waÌbonga mikuta mitanu, waÌsadilamya amana waÌlumbula mitanu myahika. 17 Phila mosi yi wuna waÌbonga mikuta myodi, waÌlumbula myodi myahika. 18 Kaasi wuna waÌtambula mukuta wumosi wenda wawu, waÌsima muna mafu amana waÌzikawa mukuta wa wolu wa pfumu wandi. 19 «Amana kunima dya tangwa dya lawu, pfumu wa basadi bana wisa, hanga wubatedi ndangu kazaya mutindu wuna baÌsadiladya wolu. 20 Amana buna kaÌbwesuka wuna waÌtambula mikuta mitanu, wusongidi hika mitanu mikwawu mu kuzimbula: “Pfumu, mikuta mitanu waÌpheka, tala mitanu mikwawu ndumbudi." 21 Pfumu wandi wumuzimbwadi: “Bwa bukheti! Ngeyi wenina musadi wa bukheti yi wa bulemvu. Muna bima bya khunda wukadiki mulemvu, yikuÌyadika ha thandu ya bima bya lawu, kota mu kyesi kya pfumu waku." 22 Buna kaÌbwesuka wuna waÌtambula mikuta myodi wuzimbudi: “Pfumu, mikuta myodi waÌpheka, tala, mikwawu myodi mina ndumbudi!" 23 Pfumu wandi wumuzimbwadi: “Bwa bukheti! Musadi wa bukheti yi wa bulemvu, mu bima bya khunda, wisi dikadila wa bulemvu, yikuÌyadika ha thandu ya bima bya lawu; kota mu kyesi kya pfumu waku. 24 Amana buna kaÌbwesuka wuna waÌtambula mukuta wumosi, wuzimbudi: “Tata, bwosu yikuzaya ni ngeyi mukwa mathata, wisi hela muna wakonda kunina, amana wisi wongika hana wakonda mwanga; 25 amana mu kubanga, yihanga, tswekiwa mukuta waku mu mafu; tala wawu mukuta waku." 26 Amana pfumu wandi wumuvutwadini: “Musadi wambi, mubolu! WaÌzayabwa ni yisi hela muna yikonda kunina, yisi wongika muna yikonda mwanga? 27 Wadi wakala kwenda sikula mukuta wa wolu dyama kwena bana bisi sala ku banki, amana mu kuvutuka kwama, khadi tambula bina byenina bya meni yi muluta. 28 Disongidila ni mutambulenu mukuta wuna wa wolu amana hanenu kwena wuna wenina myawu kumi. 29 Mukuma bahaÌna kwena wuna wenina kyawu, ndangu kakala yi bima bya lawu, kaasi kwena wuna wukondi kima, bamuÌtambula keti kina kenina kyawu. 30 Amana musadi wuna wakonda mupfunu, mulosenu ku phenza, muna phipha ya ku phenza; kwakuna kwakala bidilu yi makwenzi."» 31 «Tangwa kakwiÌsa Mwana wa mutu mu khembu yandi yi banzyo boosu ha kimosi yi yandi, hanga wuzakadi hana kiti kyandi kya khembu. 32 Makanda moosu makhuÌndakana kuna thwala ya yandi, amana kabaÌhambula bamosi yi bakwawu, bwosu kisi hambula kalema mikoku yi bakhombu: 33 hanga wulongiki mikoku kuna koku dyandi dya kitata, amana bakhombu kuna koku dyandi dya kimama. 34 Hanga kyamvu wuzimbudi kwena bana bakaÌla ku koku dyandi dya kitata: “Alwisa, benu kaÌsambula Tata wama, tambulenu Kipfumu kya mazilu kina baÌluyidikila tukila buna kaÌhanga tsi. 35 Mukuma, yiÌkala yi nzala, benu lwaÌpheka bya kudya; yiÌkala yi kihwinya, benu lwaÌpheka bya kunwa; yiÌkala munzenza amana benu lwaÌngyamba; 36 yiÌkala khonga, benu lwaÌmvwatisa; yikala bela, benu lwaÌtsadisa; yiÌkala mu boloku, amana lwisa thala." 37 Amana batu ba masonga bamuÌvutwala mu kuzimbula: “Pfumu, khi tangwa twaÌkumona ngeyi waÌkala yi nzala, amana twaÌkuheka bya kudya, holo waÌkala yi kihwinya, twaÌkuheka bya kunwa? 38 Khi tangwa twaÌkumona, waÌkala munzenza amana twaÌkuyamba, holo waÌkala khonga amana twaÌkuvwatisa? 39 Amana khi tangwa twaÌkumona wakala bela holo mu boloku, amana thwisa kutala?" 40 Kyamvu kabaÌvutwala: “Mu kyedika yiluzimbwadi: mbala zoosu zina lwaÌsalabwa kwena mosi wa baphangi bama baba benina bakhunda, kwena meni lwaÌsalabwa!" 41 «Hanga wuzimbudi hika kwena bana bakala ku koku dyandi dya kimama: “Katukenu haha, batu basingama! Alwenda kuna mbawu ya mvula yi mvula yina baÌyidika kikuma kya kiphidi-mutu yi banzyo bandi. 42 Mukuma, yiÌkala yi nzala kaasi lwaÌphekaku bya kudya, yiÌkala yi kihwinya kaasi lwaÌphekaku bya kunwa; 43 yiÌkala munzenza kaasi lwaÌngyambaku; yiÌkala khonga kaasi lwaÌmvwatisaku; yiÌkala wabela yi mu boloku kaasi lwaÌthalaku." 44 Hanga bawu phi bavutudi mu kuzimbula: “Pfumu, khi tangwa si twaÌkumona ngeyi waÌkala yi nzala holo waÌkala yi kihwinya, holo munzenza, holo kikhonga, holo wabela, holo mu boloku amana twakonda kusadisa?" 45 Hanga wubavutwadi mu kuzonza: “Mu kyedika, yiluzimbwadibwa, mbala zoosu zina lwaÌsadilabwoku kwena mosi wa baleki baba, lwaÌsalabwoku phi kwena meni." 46 Amana baba baÌkwenda ku ndola ya mvula yi mvula, kaasi batu ba masonga, mu luzingu lwa mvula yi mvula.»