MATHAYI 14

1 Muna tangwa meni dina, waÌyuka Eloti, wuna waÌkala mosi wa bakyamvu baya, kuzonzila Yesu; 2 amana waÌzimbula kwena basadi bandi: «Yandu-yandu kenina Yowani Mubotiki: yandi wufutumuki ku bafwa! Amana kikuma kya bwabuna kenina yi hamu dya kusadila biphadi.» 3 Mukuma Eloti waÌmukwatisa Yowani, waÌmukasisa mu miyololu amana waÌmukotisa mu boloku, kikuma kya Elodyadi mukhetu wa Fidiphu phangi wandi. 4 Kikuma Yowani kakala muzimbwala: «Weku yi muswa wa kumubonga hanga mukhetu waku.» 5 Amana bwosu kaÌzola kumuhondisa, waÌyuka bweya bwa mulumba-lumba wa batu, mukuma bakala mumona Yowani hanga mbikudi. 6 Kinga, kuna mukinzi wa lubutuku lwa Eloti, mwana wa mukhetu wa Elodyadi waÌkina hana kati dya batu amana waÌmusephidisa lawu Eloti; 7 Hanga mu kudya ndefi, waÌbonga lukanu lwa kumuheka kina kaÌmulomba. 8 Amana mwana wa mukhetu baÌmukoma kwena ngudi wandi, wumuzimbudi: «Pheka hakaka, mutwa wa Yowani Mubotiki, ha dilonga!» 9 Amana kyamvu mu kiwayi, kikuma kya ndefi yina kadya ku thwala ya babana kaÌtedisa, waÌhana muswa bamuhekawa. 10 Amana waÌtuma kubukuna mutwa wa Yowani muna boloku. 11 Amana baÌnata mutwa wandi hana dilonga, baÌhanawa kwena mwana wa mukhetu, amana yandi waÌnatawa kwena ngudi wandi. 12 Amana balonguki bandi bisa bonga mvumbi yandi, baÌmuzika; buna bisa, baÌsamunabwa kwena Yesu. 13 Buna kaÌyuka musamu wuna, Yesu waÌkatuka hana, waÌbonga mudimba wumosi ndangu kendila mu nganga ku phungamu; amana buna baÌyuka milumba-lumba mya batu, baÌmulanda mu malu, tuka ku mbanza. 14 Amana buna kaÌlubuka mu mudimba, waÌmona mulumba-lumba mosi wa batu, waÌyuka kyadi kikuma kya bawu amana waÌbuka bambefu ba bawu. 15 Buna maÌbwa masikidika, balonguki baÌbwesuka kwena yandi, bazimbudini: «Homa thwenina ha tseki, tangwa phi diluti. Sula milumba-lumba mya batu, ndangu benda mu mahata, badisumbila bima bya kudya.» 16 Kaasi Yesu wubazimbwadi: «Beku yi mupfunu wa kukwenda; bahekenu benu-benu bima bya kudya.» 17 Kaasi bamuzimbwadini: «Thwenina lwesi haha yi mapha matanu yi batsema bodi!» 18 Amana yandi wuzimbudi: «Ndatinenubya kwaku.» 19 Amana wuhani muswa kwena milumba-lumba mya batu bazakala muna mwangu, buna kaÌtambula mapha mana matanu yi batsema bodi, wusekudi mesu ku zilu, wuvutudi matondu kwena Nzambi, wubukuni mapha amana wuhanibya kwena balonguki; bawu baÌkabisibya kwena milumba-lumba mya batu. 20 Boosu baÌdya amana baÌyukuta. BaÌnata bitunga kumi yi byodi bya kabasi yi bitini bina byaÌlutuka . 21 Batu bana badya, baÌkala kitesu kya mafunda matanu ma bayakala, konda kutanga bakhetu yi bana. 22 Amana buna baÌmanisa batu, waÌsenda kwena balonguki mu kukota mu masuwa, baÌmutekila kuna sambwa dina dikwawu, kithama kina kasudila yandi meni milumba-lumba mya batu. 23 Kunima dya kusula milumba-lumba mya batu, waÌtombuka ku mongu kikuma kya kulombila ku phungamu; amana ha kwaÌyila kuma, yandi buhika kaÌkala kwakuna. 24 Amana masuwa mekina kedi kyana kya lawu yi mafu, makaka makala dibunda kuna masuwa mukuma pfunzi yakala tadisa kuna bakala kwisila bawu. 25 Amana muna khoku wa theti, Yesu wiÌsa mu kukangala hana thandu ya yanga, kuna baÌkala bawu. 26 Amana balonguki buna baÌmumona yandi ni ha thandu ya yanga kabati kangala, bweya bwaÌbakwata lawu amana bazimbudi: «Kiphedikisa kina!» Bakalunga kikuma kya bweya. 27 Muna mbala mosi, Yesu waÌbazimbwala: «Kalenu yi kikesa! Meni yandu, luyukaku bweya!» 28 Amana Phetelu wumuvutwadi: «Pfumu, yukani ngeyi wuna; pheka muswa ndangu meni phi yisa kwena ngeyi hana mukanda wa mamba.» 29 Amana yandi wuvutudi: «Awisa!» Buna kaÌtuluka mu mudimba, Phetelu waÌkangala hana mukanda wa mamba mu kukwenda kwena Yesu. 30 Kaasi mu kumona muphephi wuna wa ngolu, waÌyuka bweya. Amana buna kaÌyandika kutika, waÌkalunga: «Pfumu, phulula!» 31 Amana muna mbala mosi, Yesu waÌyuna koku, waÌmusimba wumuzimbwadi: «Mutu wa lukwikilu lwa khunda! Kikuma kya biki wenina yi keti-keti?» 32 Amana baÌkota mu mudimba, pfunzi yaÌlembama. 33 Amana bana baÌkala mu mudimba baÌfukama kuna thwala yandi, baÌzimbula phi: «Kyedika ngeyi wenina Mwana wa Nzambi!» 34 Buna baÌsabuka, baÌtula ku mulambu wa Ngenezaleti . 35 Amana batu ba mulambu meni wuna baÌmubakula, baÌyadingisa phi musamu muna mulambu wuna wosu, amana baÌmunatina bambefu boosu. 36 Amana baÌmubokwadila ni basimba lwesi keti nzenzi ya muledi wandi; amana boosu bana baÌsimbawa, baÌbeluka.