LUKA 6

1 Amana kilumbu kimosi kya sabata, Yesu kakala luta mu bilanga bya ngenza zimosi zenina hanga losu. Balonguki bandi bakala hela misambu, baÌyandika kunika ngenza zandi muna moku yi kudyaka. 2 Ndambu ya Bafwadisi baÌkala hakana hanga bazimbudi: «Kikuma kya biki lubati hangila mambu mafwaniku mu kuhanga, mu kilumbu kya sabata?» 3 Yesu wubavutwadini: «Benu lwaÌtangaku mambu kaÌhanga Tavidi tangwa kaÌyuka nzala yandi yi batu bana baÌkala yi yandi? 4 Kakota mu kikumbu kya Nzambi, wubongi mapha bahana mikhayilu kwena Nzambi, wudima amana wubaheki phi bakwawu bana kaÌkala bawu, mbatanana bizila bizonzi ni, kaka banganga Nzambi batu lwesi bafwani kudya mapha mana bahani kwena Nzambi.» 5 Yesu wubazimbwadi hika: «Mwana wa mutu yandi wenina pfumu wa kilumbu kya sabata.» 6 Kilumbu kikwawu kya sabata, Yesu waÌkota mu nzu ya kimvuka ya Bayuta, waÌyandika kulonga. Mwakala mwamuna yi mutu mosi waÌkala koku dya kitata dyayumuka. 7 Balongi ba mitsiku yi Bafwadisi bakala mulandila Yesu mu kiswiswiswi, batala ho mutu kakhana belula mu kilumbu kya sabata, mukuma phila bakala sanda ya kumufunda. 8 Kaasi Yesu waÌzaya mabanza ma bawu. Hanga wuzimbudi kwena mutu yandu waÌkala koku dyayumuka: «Telama, awisa haha, ha mbasi.» Mutu, kahanga wutelami, wendi kwakuna. 9 Kunima Yesu waÌzimbula: «Yiluhyudibwa ni abweti milombi mitsiku myetu, mu kilumbu kya sabata? Kuhanga bukheti ho mbi? Kuhulula moya wa mutu ho kutotisawa?» 10 Kahanga, batadi boosu, kunima waÌzimbula kwena mutu wuna: «Yuna koku dyaku.» Mutu wuna waÌyuna, koku dimutomini. 11 Kaasi balongi ba mitsiku yi Bafwadisi baÌfunga khabu, bekatendana bawu yi bawu keti bweti bafwana muhanga Yesu. 12 Muna tangwa meni dina, Yesu waÌtombuka ku mongu wumosi kikuma kya kulombila Nzambi, kaÌsala phipha ya muthu, mu kulombila. 13 Kuma ha kwaÌkhya, wubatedi balonguki bandi amana wusodini kumi yi bodi, wubahekini khumbu ni bathumwa. 14 Simoni wuna kaÌheka, yandi, khumbu ya Phetelu yi myaki wandi wa yakala Andele, Zyaki yi Yowani, Fidiphu yi Batolomi, 15 Mathayi yi Tomasi, Zyaki mwana Alufwe yi Simoni wuna waÌkala mu kibuka kya batu bana bakala wila diphanda, 16 Yuta mwana wa Zyaki yi Yutasi Sikadyoti, wuna waÌlambula Yesu. 17 Yesu kaÌkulumuka ku mongu yi bathumwa bandi, hanga wutelami ha musenzi, hana haÌkala kibuka kya balonguki bandi yi mulumba-lumba wa batu baÌtuka ku mulambu wa Yuteya dyosu yi ku Yelusalemi yi ku mahata ma Tidi yi Sitoni; 18 BiÌsa ndangu bamuyuka amana kababuka, bana baÌkala yi bisambu bya maladi. Batu bana bakala yangisa kwena bitembu bya mbi, bawu phi baÌkola. 19 Batu boosu bakala sanda tswetswa ya kumusimba kikuma ngolu zimosi zakala lubuka mu lutu lwandi, zakala babuka boosu. 20 Yesu wubatadini balonguki bandi amana wuzonzi: «Kyesi, kwena benu baphutu, mukuma kipfumu kya Nzambi kyenina kwena benu! 21 Kyesi kwena benu lubati fwa nzala buthwena, mukuma lwavwa madya ma lawu! Kyesi kwena benu lubati dila buthwena, mukuma lwaseÌya!» 22 «Kyesi kwena benu bisi menga, bisi kukwasa, bisi sawula amana bisi kumba khumbu zenu kwena batu kikuma kya Mwana wa mutu! 23 Sangwalenu mu kilumbu kina maluÌngila mambu mana amana kinenu makinu ma muzandu mukuma lufutu lwa mbuta lubati luhingila kuna zilu. Mukuma, bwabuna, bakhaka ba bawu, bakala nyokuna bambikudi.» 24 Kaasi kyadi kwena benu bamvwama, kikuma lutambudi kedi mamboti menu, lwahiÌngilaku hika kima! 25 Kyadi kwena benu ludiyukwatidi kedi, buthwena, kikuma nzala lwayuÌka! Kyadi kwena benu lubati seya, buthwena, mukuma mu khondu yi matsanga lwakaÌla! 26 «Kyadi kwena benu bisi zatula kwena batu mukuma bwabuna bakhaka ba bawu bakala zatula bambikudi ba bukamvi!» 27 «Kaasi nzimbudi kwena benu lubati ngyuka ni tondenu bambeni benu, hangenu bukheti kwena batu bana bisi lumenga, 28 sambulenu batu bana bisi lusinga amana lombilenu kikuma kya batu bana bisi lunyokuna. 29 Honi mutu kakuta mbata ku tama dimosi, musila hika dikwawu; honi mutu katambula muzaka waku, muyambula katambula hika kikutu kyaku. 30 Wosu wuna wakulomba kima, muheka. Futisaku kima kwena mutu wuna wukubwotudikya. 31 Hangenu kwena bakwenu bwosu lwisi tya benu phi baluhangila. 32 Honi lwatondaka lwesi batu bana bisi lutonda, biki hika lwataÌnikina kwena Nzambi? Phila mosi yi basumuki bana bisi tonda batu bana bisi batya bawu phi. 33 Amana yuka ni lwahangaka bukheti lwesi kwena batu bana bisi luhanga mboti, biki hika lwataÌnikina kwena Nzambi? Phila mosi yi basumuki bana bisibwa hanga! 34 Amana ho ni lwalefisaka lwesi kwena batu bana lwisi sya mbundu ni baluvutwala, biki hika lwatanikina kwena Nzambi? Phila mosi yi basumuki bisi dilefisa bawu yi bawu amana badivutwadi! 35 Kaasi benu, tondenu bambeni benu, bahangilenu bukheti, balefisenu phi konda kusya mbundu ni kima baluÌvutwala. Amana lufutu lwenu lwaÌkala lwa mbuta, benu lwakaÌla phi bana ba Nzambi wa Phungu, mukuma yandi wamboti kikuma kya bakonda-kabanzi yi bakholwa. 36 Kalenu babasa yi khenda bwosu kaÌbasa tata wenu yi khenda. 37 «Lufundisaku amana benu phi baluÌfundisaku; luzengilaku bakwenu ndola amana benu phi baluÌzengilaku ndola; lolulenu bakwenu, bawu phi baluÌlolula. 38 Kabilenu bakwenu amana Nzambi kaluÌkabila benu phi: kabaÌsisa mawaba menu yi kuvwa kwa lawu. KasoÌmama, wuningisima ndangu masomama yi hana thandu. Nzambi kateÌsa makabu menu bwosu lwisi tesila benu phi bakwenu.» 39 Yesu wubazonzidi hika mu kingana: «Phofu kafwaniku kusongila mukwawu phofu nzila, Kondilo, babwa mu dibulu babodi. Kabwaku? 40 Kweku mulonguki wuluti mulongi wandi; kaasi mulonguki wuna baswaniki bwa bukheti, kafwaÌnana hanga mulongi wandi. 41 Kikuma kya biki wisi tadila kitswala kyenina mu disu dya phangi waku amana wubatiku mona mudikita miti wenina mu disu dyaku? 42 Abweti walenda zimbula kwena phangi waku: “Mukwetu, yambula yikukatula kitswala kyaki kyenina mu disu”, ngeyi wusiku mona mudikita miti wenina mu disu dya ngeyi meni? Kavungalosi, katula theti miti wena mu disu dyaku amana wamona wanga mu kukatula kitswala kyenina mu disu dya phangi waku.» 43 «Miti wamboti wisiku ha bibundu bya mbi, mutindu mosi yi miti wambi, wisiku ha bibundu bya mboti. 44 Miti wosu bisiwa zayila ku bibundu byandi: kibundu kya fiki bisiku helakya mu minzumbila amana phi bisiku hela kibundu kya vinu mu miti mya tsaku. 45 Mutu wamboti kisi hola mambu mamboti mu kimvwama kya bukheti kina kyenina mu mbundu yandi; mutu wambi phi kisi hola mambu mambi mu kimvwama kya mbi kina kyenina mu mbundu yandi; mukuma mutu wosu kisi lubula mu munwa, mambu moosu mana mabasa muna fuka dya mbundu yandi.» 46 Kikuma kya biki lwisi thedila: «Pfumu, Pfumu, kaasi lwisiku hanga mambu mana yisiluzimbwala? 47 YiluÌsongila yi nati kafwanani mutu yandu wisi kwena meni, wuyuki ndinga za meni amana wusiza mu bisalu: 48 yandi kenina hanga mutu mosi waÌtunga nzu; kahanga simi lawu mumbulu-mbulu amana wutungi mupfundila hana thandu ya tadi. Ha kisa dinata kizalu, mamba ma nzadi maditi kuna nzu kaasi konda kunikana kikuma kitoku baÌtungaya. 49 Kaasi wosu wuna wuyuki ndinga za meni, kalundizoku phi, fwanani yi mutu wuna mukwawu waÌtunga nzu yandi ha thandu ya fusyangeni, yakonda mupfundila. Ha miÌsa mamba ma nzadi, maditi kuna nzu, yosu yiwulumukini: yimwangani.»