LUKA 4

1 Yesu, ha kaÌlubuka mu nzadi Yolutani, wubasi yi Kitembu kyatoma, yandi wumunatisi mu nganga. 2 Kwakuna, kasala bilumbu makumaya, Satana wendi ndangu kamuhukumuna. Kakalaku dya keti kima, bilumbu meni byabina byosu, amana kunima nzala yimukwati. 3 Hanga kiphidi-mutu wumuzimbwadi: «Kamba ngeyi Mwana Nzambi wena, zimbula kwena tadi dyadi dyakituka dipha!» 4 Yesu wumuvutwadi: «BaÌsonika mu mukanda wa Nzambi: “Mutu kazingilaku lwesi mu mapha."» 5 Kiphidi-mutu wumunati ha tunda, mu tangwa dimosi, wumusongidi bipfumu bya tsi byosu, 6 amana kiphidi-mutu wumuzimbwadi: «Yikuheka ngolu zoosu yi khembu ya luyalu lwa tsi yayi. Mu kyedika, meni baÌheka kiyeka kya bima bina byosu, yihaÌnabya phi kwena mutu wuna thondi meni-meni. 7 Honi wapfukamina, byabi byosu bya ngeyi byakituka.» 8 Yesu wumuvutwadi: «BaÌsonika mu mukanda wa Nzambi: “Fukamina lwesi Pfumu Nzambi waku, yandi, yandi mosi lwesi wasadila."» 9 Kiphidi-mutu wumunati hika ku Yelusalemi, wumunenginiki kuna kisoka kya mudilu wa nzu ya Nzambi amana wumuzimbwadi: «Honi ngeyi, wu Mwana wa Nzambi, ditsusula tuka haha yi hana tsi; 10 Mukuma baÌsonika mu mukanda wa Nzambi: “Nzambi kahaÌna muswa kwena banzyo bandi ndangu bisa kulema." 11 Amana phi “bakulela muna moku ma bawu ndangu kulu dyaku didikhukulaku ku tadi dimosi."» 12 Yesu wumuvutwadi: «BaÌsonika mu mukanda wa Nzambi: “Wamekaku Pfumu Nzambi waku."» 13 Ha kaÌsanda kuhukumuna Yesu, mitindu myosu, kunima, kiphidi-mutu wumusisi kikuma kya tangwa dya hika. 14 Yesu, wabasa yi ngolu za Kitembu Kyatoma, waÌvutuka ku Ngadidi. Khululuka ya khumbu ya Yesu, yaÌyalangana muna mulambu wa Ngadidi wosu. 15 Kwakuna, kakala longa mu nzu za kimvuka za Bayuta amana mutu wosu kakala muzatula. 16 Yesu weÌnda ku Nazaleti, kuna kaÌtsatsukila. Kilumbu kya sabata, waÌkota mu nzu ya kimvuka ya Bayuta bwosu kyaÌkala kikalulu kyandi. Telami kikuma kya kutanga masonuku 17 amana bamuheki mukanda wa kuvunga kaÌsonika mbikudi Yesaya. Hanga vungumuniwa, wumoni homa hana baÌsonika: 18 “Kitembu kya Pfumu kyenina ha thandu ya meni, waÌtsita masi ndangu yinata Musamu wa Bukheti kwena baphutu. WaÌthuma ndangu yisamuna kwena batu ba boloku ni lulubuki, kwena baphofu, ni bamoÌna hika wanga, kiphwanza kwena batu bena mu kihika, 19 kikuma yisamuna mvula ya mamboti ma Pfumu kwena batu." 20 Kunima Yesu waÌvungawa mukanda, wuhekiwa kwena musadi amana wuzakadi. Batu boosu bakala mu nzu ya kimvuka ya Bayuta, bahungudi mesu kwena yandi. 21 Hanga wuyandiki kubasamwana: «Masonuku mama, tutangi mu kitini kyaki, kwena benu, lelu malungidi.» 22 Boosu baÌyandika kuta kimbangi kya bawu kikuma kya Yesu amana baÌyandika kuyituka ku mambu ma bukheti kakala zonza. Bakala zonza: «Yandu, ka mwana Yozefu ku?» 23 Yesu wubazimbwadi: «Mu kyedika, kilumbu, lwathiÌla kingana kyaki: “Munganga, dibuka ngemeni.” LwanziÌmbwala hika: “TwaÌyuka mambu moosu waÌhanga ku Kaphedinawuma, hangeti mambu mana, buthwena, mu mbanza ya ngemeni yayi."» 24 Kunima, wukosikidini: «Mu kyedika yiluzimbwadi ni kweku mbikudi wisi lumina mu tsi yandi. 25 Mu kyedika, yiluzimbwadi ni mu tangwa dya mbikudi Diya, bafwidi lawu baÌkala mu Kiseledi; zilu dyaÌnokisaku mvula, mu mvula tatu yi ngonda sambanu, nzala lawu yaÌkota muna mulambu wosu. 26 Kinga, Nzambi, kaÌmutumaku Diya kwena mosi wa bawu, kaasi kwena mufwidi mosi lwesi wuna wakala zingila ku hata dya Salepita, mu kinzunga kya Sitoni. 27 KwaÌkala phi yi bakwa bwasi balawu mu tangwa dya mbikudi Disa, mu Kiseledi; kinga keti mosi wa bawu kaÌsemaku lutu, kaasi Namani, lwesi, mwisi Sidya waÌsema lutu.» 28 Ha baÌyuka ndinga meni zina, boosu baÌkala muna nzu ya kimvuka ya Bayuta, bahanga, bamingi. 29 BaÌtelema, bamulubudi, Yesu, kufula dya mbanza amana bamunati ku londi dya mongu wuna baÌtunga Nazaleti, ndangu bamununguna ha tsi. 30 Kaasi wubalwetuki hana kati wenda kwandi. 31 Hanga, Yesu weÌnda ku Kaphedinawuma, mbanza ya Ngadidi; kakala longa malongi mandi mu kilumbu kya sabata. 32 Batu bakala yituka mu phila kulonga kwandi, kikuma kakala zonza yi hamu. 33 Mu nzu ya kimvuka ya Bayuta, mwaÌkala yi mutu mosi bakala yangisa kwena kitembu kya mbi. Wakala kalunga: 34 «Ah! Yesu mwisi Nazaleti! Khi mambu ngeyi yi betu? Wisi ndangu watuzanga? Nzayi mboti keti nani wenina ngeyi: Watoma baÌtuma kwena Nzambi!» 35 Yesu waÌkayakya kitembu kina yi ngolu. Wuzonzi: «Dibata! Lubuka phi mwena mutu yandu!» Kitembu kya mbi kimubwisi ha tsi mutu wuna ku mesu ma batu boosu, amana kilubuki kwena yandi, konda kumuhanga kima kya mbi. 36 Amana batu boosu baÌkala hana baÌyituka lawu bekadihyula bawu yi bawu: «Khi mutindu wa ndinga yana? Mutu yandu kabati hana muswa yi ngolu yi hamu amana bitembu bya mbi bilubuki!» 37 Amana khululuka ya Yesu yaÌmwangana muna mulambu meni wawuna wosu. 38 Yesu wulubuki muna nzu ya kimvuka ya Bayuta, wendi ku nzu ya Simoni. Buko bwa mukhetu wa Simoni kaÌkala wabela yi kikhafuma amana balombi kwena Yesu ndangu kahanga dyambu kikuma kya yandi. 39 Wuzenzamini kwena mukhetu wuna, amana muna ndinga ya ngolu, wukayikya kikhafuma kina. Muna mbala mosi, kimukatukini, wutelamini wuyandikini phi kubaheka madya. 40 Ha kwaÌyila kuma, boosu bana baÌkala yi bambefu ba bawu bana baÌkala yi makhasi ma mutindu yi mutindu, babanati kwena Yesu, yandi weka bathetika moku amana wubabuki. 41 Amana bitembu bya mbi bilubuki kwena bambefu balawu, mu kukalunga: «Ngeyi wenina Mwana wa Nzambi!» Kaasi Yesu waÌyandika kukayabya yi kukandikisabya ndangu bizonzaku hika, mukuma byawu phi byazaya ni Yesu, Masiya kaÌkala. 42 Buna kwaÌkhya kuma, Yesu waÌlubuka mu mbanza, wenda hunga mu tseki. Mulumba-lumba wa batu waÌyandika kumusosa; ha baÌmumona, baÌzola kazakala yi bawu. 43 Kaasi Yesu kaÌbazimbwala: «Bufwani kwena meni yenda samuna Musamu wa Bukheti wa kipfumu kya Nzambi ku mbanza za hika, kikuma kya bwabuna baÌthumina.» 44 Amana Yesu kakala longa mu nzu za kimvuka za Bayuta za Yuteya.