LUKA 23

1 BaÌtelama boosu ha kimosi amana baÌmunata ku thwala Philatu. 2 BaÌyandika kumufunda mu kuzimbula: «Tumuwani mutu yandu, kabati hukumuna batu ba betu; kabati bazimbwala ni bafutaku phaku kwena pfumu wa mbuta Khayisala, wudikitudi yandi meni Masiya, thotila.» 3 Philatu wumuyufudi: «Ngeyi, pfumu wa Bayuta wenina?» Yesu wumuvutwadi: «Ngeyi meni wuzimbudibwa.» 4 Hanga Philatu wuzimbudi kwena bambuta ba banganga Nzambi yi milumba-lumba mya batu: «Mboniku kima kya muzengila ndola mutu yandu.» 5 Kaasi bawu balaphikisi ndinga, bazimbudi phi: «Khabu kabati heka batu mu kulonga mu Yuteya dyosu, tuka ku Ngadidi, kuna kaÌyandikila, yi kwaku.» 6 Tangwa kaÌyuka Philatu mambu mana, wuhyudi: «Mutu yandu, mwisi Ngadidi kenina?» 7 Buna kaÌyuka ni Yesu ku kinzunga kina kakala yala Eloti kaÌtuka, kahanga wumuhitiki kwena yandi, mukuma ku Yelusalemi kaÌkala muna bilumbu meni bina. 8 Amana Eloti buna kaÌmona Yesu hanga kyesi kimukwati lawu. Kikuma, kakala sanda ni kamumona tuka thama; mukuma kaÌzola kamumona kikuma kya mambu mana kakala yuka kuzonzila kikuma kya yandi, amana kaÌkala yi kivuvu kya kumumona kusala ndambu ya biphadi. 9 Kahanga wumuhyudi byufu bya lawu kaasi Yesu kaÌmuvutwalaku keti kima. 10 Bambuta ba banganga Nzambi yi balongi ba mitsiku hana baÌkala amana bakala mufunda ngolu. 11 Hanga Eloti yi batsinzidi bandi, wuyandiki kumulewula. Amana kunima kumuseya yi kumuvwatisa muledi wumosi wa kitoku, hanga wumuhitiki hika kwena Philatu. 12 Muna kilumbu meni kina, Eloti yi Philatu bakiÌtuka banduku, bawu batekila kala bambeni. 13 Philatu waÌkhokisa bambuta ba banganga Nzambi, bathwadisi yi batu bahika, 14 hanga wubazimbwadi: «Benu lwisi ndatina mutu yandu, mu kuzonza ni batu kabati hukumuna. Kinga meni yimuhyudi ku thwala benu boosu kaasi mboniku kima mwena yandi kifwani muzengila ndola, ka kikuma ku muna mamana lubati mufundila. 15 Eloti phi, lo kwandi, mukuma wutulambwadi yandi hika. Kahangiku kima kifwani bamuhondila. 16 Yimusula, kunima dya kumubetisa fimbu.» 17 [Kosu mukinzi wa Phaki, Philatu kafwana kubalubwala mutu mosi mu boloku.] 18 Kaasi baÌyandika kukalunga boosu: «Muhonda mutu yandu, tulubwala Balabasi!» 19 Balabasi, baÌmusila mu boloku kikuma kya mvwalangani yina baÌbusila bisi Loma, yina yaÌluta mu mbanza yi buna kaÌhonda mutu. 20 Hanga Philatu waÌzonza hika mbala yikwawu, mukuma kaÌzola kalubula Yesu. 21 Kaasi bawu bakala kalunga: «Mukhoka ha kitakani! Mukhoka ha kitakani!» 22 Philatu wubazimbwadi mu mbala ya tatu: «Khi mbi kasadi mutu yandu? Mboniku kima mwena yandi kilungi kumunatina lufwa. Yimusula, ku nima dya kumubetisa fimbu.» 23 Kaasi bakalungi hika ngolu, mu kulomba ni Yesu kakhokama ha kitakani. Hanga malokosi ma bawu maÌbanungisa. 24 Philatu wubongi lukanu lwa kubasadila bwosu buna bakala lomba. 25 Wuyambwadidi wuna baÌkwata mu boloku kikuma kya mvwalangani yi buna kaÌhonda mutu, wuna bakala lomba. Wubalambwadi Yesu ndangu bamuhanga buna baÌzola. 26 Bwosu bakala munata Yesu, bakwati mutu mosi zina dyandi Simoni, mwisi Sileni, waÌtuka ku bilanga. Hanga bamukwati ndangu kamunatisa Yesu kitakani kuna manima. 27 Mulumba-lumba wa batu wakala mulanda yi bakhetu mu bidilu yi miyananu mya lawu kikuma kya yandi. 28 Hanga Yesu wubaluki kwena bakhetu wubazimbwadi: «Bakhetu ba ku Yelusalemi, ludilaku kikuma kya meni! Kaasi dilenu kikuma kya benu-benu yi kikuma kya bana benu! 29 Mukuma bilumbu byakwiÌsa, bina baziÌmbula: “Kyesi kwena bakhobu, kyesi kwena makundu mana maÌbutaku yi mayeni mana maÌyemikaku!" 30 Hanga batu baÌyandika kuzimbula kwena mongu mya mbuta: “Tubwilenu” yi kwena mina mya khunda: “Tufidingenu!" 31 Mukuma, yukani bahanga bwabu kwena miti wa tsi amana miti waloka abweti bahaÌngawa?» 32 Bakala nata muna tangwa medina bayakala bodi bahika baÌkala bandwandwa ndangu babahonda ha kimosi yi yandi. 33 Buna baÌtula homa hana bisi tela: «Kibelengenzi kya mutwa», bamukhoki Yesu ha kitakani; phila mosi yi bandwandwa bana, mosi ku koku dya kitata, mukwawu, ku koku dya kimama. 34 [Yesu kakala zimbula: «Tata, balolula mukuma bazayimoku mana babati sala.»] Basanzani miledi myandi mu kubetilamya phi zeki. 35 Batu batelamiki hakana yi kutalaka mambu buna makala luta. Bapfumu ba Bayuta baÌyandika kumuseya, mu kuzimbula: «Batu bahika kakala hulula, kadihulula phi yandi meni yuka yandi kena Masiya wa Nzambi, wuna kaÌsola!» 36 Basuta phi bakala museya; babwesuki, bamunwisi phi vinu dya ngani, 37 yi kuzimbulaka: «Yukani ngeyi pfumu wa Bayuta wena, dihulula ngeyi meni!» 38 Ha thandu ya mutwa wandi haÌkala yi bisona byabi: «Yandu kenina pfumu wa Bayuta.» 39 Mosi wa bandwandwa bana baÌkala ha kitakani, hanga wumutukwani mu kuzimbula: «Ka ngeyi ku Masiya? Dihulula ngeyi meni, amana watuhulula betu!» 40 Kaasi mukwawu, wumusongisi, mu kuzimbula: «Weku yi bweya bwa Nzambi? Ngeyi wubongi ndola mosi yi yandi? 41 Betu, ndola yayi yifwanani yi mbi yina twasadi kaasi yandu kasadiku kima kya mbi.» 42 Amana kakala zimbula: «Yesu, ngyubuka bawu tangwa wakwiÌsa mu Kipfumu kyaku.» 43 Yesu wumuvutwadi: «Yikuzimbwadibwa, mu kyedika: lelu dyadi, wakaÌla yi meni muna Phaladisu.» 44 Amana tangwa ha kaÌtula ha kisosi, kuma kwabwa phipha mu mulambu wosu yi kuna tangwa dya tatu dya masikidika. 45 Tangwa waÌtota. Muledi wa kikumbu kya nzu ya Nzambi waÌyatuka ha kati. 46 Yesu waÌkalunga: «Tata, mvutudi moya wama mu moku maku.» Kunima kuzonza bwabuna, wutabudi. 47 Mu kumona mana maluta, hanga satudiyoni waÌzatula Nzambi mu kuzimbula: «Mu kyedika, mutu yandu kaÌkadiki mutu wasungama!» 48 Amana milumba-lumba mya batu bakala hana, bisa tala mambu buna maÌhitila, ku nima kumona mana maÌhita, baÌvutuka yi kudibundaka thulu kikuma kya kiwayi. 49 Boosu bana baÌmuzaya, yi bakhetu bana bisa musindikila tuka ku Ngadidi, baÌtelama muna kyana ndangu bamona mambu buna makala luta. 50 HaÌkala yi mutu mosi wa kimvuka kya bukheti, khumbu yandi Yozefu, mutu wa mboti yi wasungama. 51 Yandi kaÌtambwasalwoku lukanu luna baÌtambula mu kimvuka yi bakwawu, kaÌkala mwisi Adimate mbanza ya Bayuta, amana kakala hingila Kipfumu kya Nzambi. 52 Kahanga wenda kwena Philatu amana waÌlomba lutu lwa Yesu. 53 Wutuludilwa ha kitakani, wuvungilwa ha muledi, wusikudilwa phi mu mazyamu ma kitadi mana bakonda zika kedi mutu. 54 KyaÌkala kilumbu kya kuyilama, amana sabata dyaÌzola kuyandika. 55 Bakhetu bana meni baÌmusindikila tuka ku Ngadidi, bakala landila, baÌmona mazyamu yi phila yina baÌsikula lutu lwa Yesu. 56 Amana kunima, baÌvutuka mu kuyidika masi yi mananasi kikuma kya mvumbi. Amana mu kilumbu kya Sabata, baÌlembwa bwosu buna wakala lomba mutsiku.