LUKA 20

1 Mosi kya bilumbu meni byabina, bwosu kakala longa batu mu nzu ya Nzambi yi kusamuna Musamu wa Bukheti, bambuta ba banganga Nzambi yi balongi ba mitsiku yi bambuta baÌtula hakana 2 amana baÌmuzimbwala: «Tuzimbwala, mu hamu dya nati wubati sadila bwana; nati kena wuna kuheki hamu meni wuna?» 3 Yesu waÌbavutwala: «Meni phi, yiluyufula kyufu kimosi. Nzimbwalenu: 4 Mbotika ya Yowani, ku zilu yaÌtuka ho kwena batu?» 5 Kaasi bawu baÌyandika kudiwinina bawu yi bawu bazimbudi: «Yuka twavutula ni “Ya ku zilu”, kazimbula bwabu: “Biki lwakonda mukwikidila?" 6 Yuka phi twazimbula: “Ya batu”, batu boosu batuhonda ku matadi, mukuma bwa kyedika ni Yowani mbikudi kaÌkala.» 7 Hanga bavutudi: «Tuzayiku keti nati waÌmutuma.» 8 Hanga Yesu wubazimbwadi: «Meni phi yiluÌzimbwlaku keti mu hamu dya nati yisi sadila bwabuna.» 9 Kunima, Yesu waÌyandika kuta kingana kyaki kwena batu: «Yakala mosi waÌkuna kilanga kya vinu, waÌluwisakya kwena batu, amana yandi weÌnda kuma kwa kyana, waÌzingidila kwakuna. 10 Tangwa ha dyalungila, waÌtuma musadi mosi kwena batu bana bakala tala kilanga kya vinu, ndangu bawu bahitika ndambu yandi ya vinu. Kaasi batu bana bakala tala kilanga baÌmubeta musadi wuna amana baÌmuvutula moku ma khatu. 11 WaÌtuma hika musadi mukwawu, kaasi baÌmubeta, baÌmutukwana, kunima baÌmukukwasa moku ma khatu. 12 WaÌtuma hika musadi wa tatu; yana phi baÌmulweka amana baÌmukukwasa. 13 Hanga mukwa kilanga kya vinu wuzimbudi: “Bweti yihanga? YituÌma mwana wama wazolwa; ngatu bamuÌzitisa." 14 Kaasi tangwa baÌmumona, batu babana baÌkala futila mu kilanga, baÌdizonzila: “Tala yandu swana! Tumuhondenu ndangu kuvwa kwakituka kwa betu." 15 Hanga bamulosi ku manima ma kilanga kya vinu amana baÌmuhonda. «Amana bweti kakwisa bahanga mukwa kilanga kya vinu? 16 KakwiÌsa, hanga bahondi batu bana bisi futila mu kilanga kya vinu amana kilanga kahaÌnakya kwena batu bahika.» Buna baÌyuka ndinga zazina, batu baÌzimbula: «Mambu mama fwaniku masalama!» 17 Kaasi Yesu waÌbatala, wubazimbwadi: «Biki disongidila dya ndinga yayi baÌsonika»: “Tadi dina baÌlosa batungi ba nzu dikituki tadi dya mupfundila wa nzu." 18 «Wosu wuna wabwa hana tadi medina, dyamana mutolula; amana wuna dyabwiÌla tadi dina, dyamuÌfukumuna.» 19 Muna tangwa medina, balongi ba mitsiku yi Bambuta ba banganga Nzambi, bakala sanda ni bamukwata Yesu, kaasi baÌyuka bweya bwa batu. BaÌbakula ni bawu kaÌtila kingana kina. 20 BaÌyandika kumukengidila. BaÌtuma batu bana bakala disongila hanga batu basungama. Batu bana bazodi bamuleya Yesu mu kyufu kimosi, ndangu bamulambula kwena bayadi ba kinzunga. 21 BaÌmuhyula: «Mulongi, tuzayi ni wisi zonza, wisi longa phi yi singu. Wisiku hambula mbunzu, kaasi wisi songila mu kyedika nzila ya Nzambi. 22 Tufwani kufuta phaku ya Khayisala ho loni?» 23 Amana bwosu kaÌbakula mabanza ma bawu ma mbi, waÌbavutwala: 24 «Tsongilenu fwalanga dimosi. Mbunzu yi khumbu yayi baÌsonika haka, bya nati?» Bawu baÌvutula: «Bya Khayisala.» 25 Amana Yesu waÌbazimbwala: «Ho yi bwabuna, hanenu kwena Khayisala bina byena bya yandi amana kwena Nzambi bina byena bya Nzambi.» 26 Balendaku kumukwata keti mu ndinga yandi mosi ku thwala batu. Kaasi mvutu yandi yaÌbayitwakisa amana baÌdibata. 27 Ndambu ya Basadise bana bisi kwikila ni kweku lufutumuku, hanga bisi muhyula: 28 Bazonzi: «Mulongi, Moyize kaÌtuheka mutsiku wawu baÌsonika: “Yukani yakala mosi, wena yi myaki wandi honi kafwa amana kasisa mukhetu kaasi konda kubuta mwana yi yandi, bulungi kakwela mufwidi wuna ndangu kabuta bana ba thayi wandi." 29 Kinga, kwaÌkala yi baphangi ba bayakala tsambwadi. Watheti waÌkwela mukhetu, waÌfwa konda mwana. 30 Wazodi, 31 kunima, wuna wa tatu waÌkwela mukhetu; bwaÌsalama phila mosi kwena bawu tsambwadi, baÌfwa konda kusisa bana. 32 Kunima, mukhetu phi waÌfwa. 33 Kilumbu kya lufutumuku, mukhetu wuna wa nati kakaÌla? Mukuma boosu tsambwadi, baÌmukwela hanga mukhetu wa bawu!» 34 Yesu waÌbavutwala: «Mu bulunda bwabu, bakhetu yi bayakala bisi dikwela; 35 kaasi bana baÌzengila ni bafwana kukota mu bulunda buna yi ku lufutumuku lwa bafwa, bawu, badiÌkwelaku hika. 36 BafwaÌnaku hika mu kufwa, kikuma bafwanani yi banzyo amana bekina bana ba Nzambi, hanga bana ba lufutumuku. 37 Bafwa bafuÌtumuka, bwosu katekila zimbula Moyize kikuma kya zanga dya mbawu dyaÌkala mu miti, tangwa kaÌmutela Pfumu: “Nzambi wa Bulahami, Nzambi wa Kizaki yi Nzambi wa Yakobi." 38 Kinga keku Nzambi wa batu bafwa, kaasi wa batu bana bena mu luzingu, mukuma boosu bisi zinga kikuma kya yandi.» 39 Ndambu ya balongi ba mitsiku bahika baÌvutula: «Mulongi, mboti wuzonzi.» 40 Amana baÌmekaku hika kumuhyula keti kyufu kimosi. 41 Yesu waÌbazimbwala: «Abweti bafwani kuzimbula ni Kidisitu kenina mwana wa Tavidi? 42 Mukuma yandi meni Tavidi, bwabu kaÌsonika muna mukanda wa mikunga»: “Pfumu kaÌzimbula kwena Pfumu wama: “Sikuka ku kitata kyama; 43 Yikuna yikiÌtwala bambeni baku, kidyatilu kyaku." 44 «Amana Tavidi kisi mutela ni “Pfumu”; amana abweti kafwani kukala hika mwana wandi?» 45 Buna bakala muyuka batu boosu, Yesu waÌzimbula kwena Balonguki bandi: 46 «Kebenu yi balongi ba mitsiku. Bazodi kukangala yi malophu ma kaleyi. Bisi zola ni batu babahekaka mboti mu mazandu. Bisi zola kuzakala ha bifulu bya theti mu nzu za kimvuka za Bayuta, bazodi phi bifulu bya lukumu mu mafeti. 47 Bisi botula bima mu nzu za bafwidi, bisi samba malombilu ma kaleyi kikuma kya kudimonikisa. Bawu bataÌmbula pfundusu yina yaluÌta kitesu.»