LUKA 16

1 Yesu kakala zimbula hika kwena balonguki: «Mutu mosi wa mvwama waÌkala yi kalema mosi; wuna baÌtungulula, wakala fwasa bima byandi. 2 Hanga mvwama wumutedi amana wumuzimbwadi: “Biki mbati yuka kuzonzila kikuma kya ngeyi? Tsongila phila yina wukasadilaka kisalu kyaku; mukuma wufwaniku hika kukala kalema ka meni." 3 Kaphita wudizonzidi yandi meni: “Biki yihaÌnga, kikuma pfumu wama mbotudikya kisalu kya kalema? Kusala bilanga? Yeku yi ngolu za kudima. Kulomba-lomba? YiyuÌka tsoni." 4 Nzayi buna yihaÌnga, ndangu kwakala batu bana bangyaÌmba, kwena bawu, tangwa bakhaÌtula mu kisalu kyama kya kalema!" 5 Hanga wutedisi kosu mutu wuna waÌkala yi pfuka ya pfumu wandi. Wuhyudi kwena watheti: “Thalu kwa wufwani kufuta kwena pfumu wama?" 6 Yandi waÌvutula: “Mindungu khama mya masi.” Amana Kalema waÌmuzimbwala: “Bonga mukanda waku wa pfuka; zakala tswasu, sonika: makumatanu." 7 Kunima waÌhyula kwena mukwawu wahika: “Amana ngeyi thalu kwa wufwani kufuta?” Yandi waÌvutula: “Tsaki khama za bule.” Kalema waÌmuzimbwala: “Bonga mukanda waku wa pfuka sonika: makumi nana. 8 Amana pfumu waÌmuzatula kalema wuna wa bikwaki kikuma kaÌsala mambu hanga mutu wadimuka mukuma batu ba tangwa dyadi, benina badimuka lawu mu mambu ma batu bana bafwanana bawu, kuluta bana benina mu mwini.» 9 Yesu waÌyika: «Amana meni yiluzimbwadi: lakamenu kikhunda yi bimvwama bya mbi bya tsi yayi, ndangu tangwa byafwa, baluyamba mu bifulu bya luzingu lwakonda tsuka. 10 Wuna wena mwani mu bima bya khunda, kakaÌla phi mwani mu bima bya mbuta. Amana wuna wukondi masonga mu bima bya khunda, keku phi yi masonga mu bima bya mbuta. 11 Yuka ni lwakaÌlaku masonga mu kimvwama kya mwani kya tsi yayi, nati waluÌheka bimvwama bya kyedika? 12 Amana yukani lweku yi mwani ku kima kya mukwenu, nati waluÌheka kima kya benu-benu? 13 «Ka musadi mosi ku wufwani kakala muhika wa bapfumu bodi: holo kameÌnga mosi amana katoÌnda mukwawu; kondilo kadiÌnama yi mosi amana wumumengi mukwawu. Lufwaniku kusadila Nzambi yi mbongu.» 14 Bafwadisi, baÌzoluka mbongu, bakala yuka mambu mana mosu amana baÌyandika kuseya Yesu. 15 Yesu waÌbazimbwala: «Benu lwisi dimonikisa batu ba bukheti, ku thwala batu, kaasi Nzambi wuzayi mbundu zenu. Mukuma, mambu mana menina ma mbuta ku mesu ma batu, mena nzanzi ku mesu ma Nzambi. 16 «Yi kuna tangwa dya Yowani, mitsiku yi Bambikudi kwaÌkala. Tuka buna, Kipfumu kya Nzambi baÌsamunakya hanga Musamu wa Bukheti; amana kosu mutu kisi sya ngolu mu kukotamwa. 17 Kinga bweku phasi kikuma kya zilu yi tsi mu kuhyoka, kuluta kwa kisona kimosi kya mitsiku mu kubwa. 18 «Wosu wuna wukatudi mukhetu wandi, amana kakwela wahika, mbongi kati. Amana wuna wukwedi mukhetu wuna baÌkatula ku longu kwena yakala dyandi, mbongi kati.» 19 «HaÌkala yi mutu mosi wa mvwama; wakala vwata miledi mya bukheti yi mya thalu kuluta; amana wakala ta kizamba yi kunata luzingu lwa khembu. 20 Phutu mosi waÌkala lutu yi bitoni-bitoni, khumbu yandi Lasalu, kaÌkala wanimba muna mwelu wa yandi. 21 Kakala zola kuyukuta bizotu bina byaÌkala bwa mu tsi ya mesa ma mvwama. Bambwa bakala henda bitoni byandi. 22 Phutu waÌfwa amana baÌmunata kwena banzyo bela-bela yi Bulahami. Mvwama phi waÌfwa amana baÌmuzika. 23 Muna kalunga, kaÌvumbula mesu, yi minyanga myandi, waÌmona kuna kyana Bulahami yi Lasalu hana kabeta ka yandi. 24 Hanga wubekitidi: “Tata Bulahami, ngyukila kyadi! Mutuma Lasalu kavundika tsongi ya mulembu wandi muna mamba, ndangu kandokisina ha lulaka mukuma mbati nyokuka mu mbawu yayi." 25 Kaasi Bulahami waÌmuvutwala: “Mwana wama, bambuketi ni ngeyi waÌtambula mboti yaku mu luzingu lwaku, kaasi Lasalu, yandi, munyanga kaÌvwa. Buthwena bwabu, kwaku, yandi kena walembwa, kaasi ngeyi wubati nyokuka. 26 Amana mu byana byosu, mbenga mosi ya mbuta basya ha kati dya betu yi benu, ndangu bana bazoÌla kuluta tuka kwaku yi kuna lwena benu, balendaku salabwa; amana ni balaÌbukaku phi tuka kuna lwena benu yi kwena betu." 27 Mvwama waÌzimbula: “Yikubokwadidi ngeyi tata mu kutuma Lasalu muna nzu ya tata wama; 28 mukuma yena yi baphangi batanu. Kenda banatina kimbangi kyandi ndangu bisaku, bawu phi, kuma kwaku kwena yi minyanga." 29 Kaasi Bulahami kaÌzimbula: “Bena yi Moyize yi Bambikudi: babayukila!" 30 Mvwama wulanduludini: “Loni, tata Bulahami. Kaasi yuka ni mutu mosi wa ku bafwa kenda kwena bawu, babaÌlumuna mbundu." 31 Kaasi Bulahami waÌmuzimbwala: “Yukani bayukidiku Moyize yi Bambikudi, bakwiÌkilaku, keti mwena mutu wafuÌtumuka ha kati dya bafwa."»