YOWANI 6

1 Kunima dya bwabuna, Yesu wenda ku sambwa dikwawu dya yanga dya mbuta dya Ngadidi dina bisi tela hika ni yanga dya mbuta dya Tibediyadi. 2 Mulumba-lumba wa batu balawu bakala mulanda, kikuma batu bakala mona bidimbu bya biphadi bina kakala sala kwena bambefu. 3 Yesu waÌtombuka ku mongu amana waÌzakala kwakuna hakimosi yi balonguki bandi. 4 Kinga Phaki, mukinzi wa Bayuta, yaÌbwesuka. 5 Yesu waÌthuta mesu amana wumoni mulumba-lumba wa batu balawu bakala kwisisa kuna kaÌkala yandi; hanga wuhyudi kwena Fidiphu: «Kubiki tufwani kusumbila mapha kikuma kya batu baba ndangu badya?» 6 -KaÌzimbula bwabuna ndangu kamuleya, mukuma yandi-meni waÌzaya kima kaÌfwana mu kahanga. - 7 Fidiphu wumuvutwadini: «Ketibwe tusumbi kwetu mapha ma phata khama zodi, malungilaku ndangu mutu wosu kadya keti koma ka kima.» 8 Mosi wa balonguki bandi, Andele, phangi wa yakala wa Simoni Phetelu, wumuzimbwadini: 9 «Tala mwana yakala mosi wenina yi mapha ma odizi matanu yi batsema bodi. Kaasi biki twahaÌngilama yi lawu dya batu baba?» 10 Yesu wuzimbudini: «Bazakadisenu batu meni babana.» Mwangu walawu waÌkala homa meni hana. Hanga bamani zakala; kitesu kya mafunda matanu ma bayakala. 11 Yesu waÌbonga mapha, waÌvutula matondu kwena Nzambi, amana waÌkabisama kwena babana baÌkala hana; waÌkabisa phi bwabuna batsema, bwosu buna baÌzola. 12 Buna baÌyukuta, Yesu waÌzimbula kwena balonguki bandi: «Tongunenu bitini bina bisadini, ndangu keti kima kizanganaku.» 13 BaÌtongunabya phi; baÌbasisa bitunga kumi yi byodi bya bitini bya mapha matanu ma odizi, bina baÌsisa babana badya. 14 Mu kumona kiphadi kina kaÌhanga, batu bekina zimbula: «Mu kyedika ni yandi kenina Mbikudi wuna wakwiÌsa mu tsi!» 15 Yesu waÌzaya ni bazodi bamukitula kyamvu mu ngolu, kahanga wuyekuki hika ku mongu, yandi hika. 16 Ha mabwa masikidika, balonguki bandi baÌkulunga yi kuna yanga dya mbuta. 17 BaÌkota mu masuwa mamosi ndangu benda ku Kaphedinawumi, kuna sambwa dikwawu dya yanga dya mbuta. Hana phipha yibwi kedi, amana Yesu hana khaku kedi katula kuna baÌkala bawu, 18 amana mamba ma yanga dya mbuta makala ningana lawu, kikuma pfunzi yimosi yakala tukula ngolu. 19 Kunima dya kutika kitesu kya kilometele matanu keti masambanu, bamumoni Yesu kabati kangala hana thandu ya yanga dya mbuta amana waÌbwesuka kuna masuwa; bweya bwaÌbakwata. 20 Kaasi wubazimbwadini: «Meni yandu, luyukaku bweya.» 21 BaÌzola ni bamukotisa mu masuwa, kaasi muna tangwa meni dina, masuwa maÌtula mu mafu ma sabu dina bakala kwendisa. 22 Kilumbu kyaÌlanda, mulumba-lumba wa batu wuna waÌsala ku sambwa dina dikwawu dya yanga dya mbuta, wumoni ni masuwa mamosi lwesi maÌkala hana; amana baÌzaya ni Yesu kaÌkotaku hakimosi yi balonguki bandi, kaasi balonguki benda bawu hika. 23 Kaasi masuwa makwawu ku Tibediyadi maÌtuka, bela-bela yi homa hana baÌdila mapha kunima dya kulombila kwa Pfumu. 24 Mulumba-lumba wa batu, tangwa baÌmona ni keti Yesu, keti balonguki bandi baÌkalahoku, batu baÌkota bawu-meni mu masuwa amana benda ku Kaphedinawumi mu kusanda Yesu. 25 BaÌmuwana Yesu kuna sambwa dikwawu dya yanga dya mbuta amana bamuzimbwadini: «Mulongi, khi tangwa wutudini kwaku?» 26 Yesu waÌbavutwala: «Mu kyedika, yiluzimbwadini, lubati tsanda, heku ni kikuma kya bidimbu bya biphadi bina lumonikini, kaasi kikuma kya mapha mana ludikini yi buna luyukutikini. 27 Lusalakaku kikuma kya madya mana misi vunda, kaasi kikuma kya madya mana misi nanga kikuma kya luzingu lwa mvula yi mvula. Mana kaluÌheka Mwana wa mutu, mukuma yandi wuna basya kidimbu kya kipfumu kwena Tata Nzambi.» 28 Bawu bamuzimbwadini: «Biki tufwani mu kuhanga ndangu twalungisa mihangu mya Nzambi?» 29 Yesu waÌbavutwala: «Muhangu wa Nzambi wulombini ni lwasya lukwikilu lwenu mwena wuna kaÌtuma yandi meni.» 30 Hanga bamuzimbwadi hika: «Amana ngeyi, khi kyawu kidimbu kya kiphadi kina wusadini, ndangu twamona amana twakukwikila? Khi muhangu wuhangini? 31 Batata betu badya maana muna nganga, bwosu buna baÌsonika: “WaÌbaheka madya mana maÌtuka ku zilu."» 32 Yesu waÌbazimbwala: «Mu kyedika, kyedika, yibati luzimbwala, heku ni Moyize waÌluheka dipha dyaÌtuka ku zilu; Tata wama wuna wisi luheka dipha dya kyedika dyaÌtuka ku zilu. 33 Mukuma, dipha dya Nzambi dyenina dina ditukini ku zilu kikuma kya kuhana luzingu mu tsi.» 34 BaÌmuzimbwala: «Pfumu, tuhekaka dipha meni dina kosu tangwa.» 35 Yesu waÌbazimbwala: «Meni yenina dipha dya luzingu. Wuna wisini kwena meni, kayuÌkaku hika nzala, amana wuna wukwikidini mwena meni kayuÌkaku hika kihwinya keti mbala mosi. 36 Kaasi yiluzimbwadikibwa: lumbonikini, amana lwisiku kwikila kwenu. 37 Kosu mutu wuna kaphekini Tata wama, kakwiÌsa kwena meni. Amana wuna wisini kwena meni, yilendaku mukukwasa ku phenza keti mbala mosi; 38 mukuma ku zilu thukini, heku ni kikuma kya kusala luzolu lwama, kaasi luzolu lwa wuna waÌthuma. 39 Kinga, luzolu lwa wuna waÌthuma lwenina ni thotisaku keti mosi muna boosu bana kaÌpheka, kaasi yibafutumuna mu kilumbu kya tsuka. 40 Kikuma luzolu lwa Tata wama lwenina ni wosu wuna wumoni Mwana amana wusini lukwikilu lwandi mwena yandi, katambula luzingu lwa mvula yi mvula; amana meni yimuÌfutumuna mu kilumbu kya tsuka.» 41 Hanga Bayuta bekabokuta kikuma kya yandi, kikuma waÌzonza bwabu: «Meni yenina dipha dyaÌtuka ku zilu.» 42 Bakala zimbula: «Ka yandi ku, Yesu, mwana wa Yozefu, yandu tuzayini tata yi ngudi wandi? Abweti kafwani kuzimbula buthwena ni ku zilu kaÌtuka?» 43 Yesu waÌbavutwala: «Lubokutaku benu yi benu. 44 Heku mutu wufwani mu kukwisa kwena meni yuka ni Tata wuna waÌthuma kamunatiku, amana meni yimuÌfutumuna mu kilumbu kya tsuka. 45 Muna mikanda mya bambikudi, baÌsonika bwabu: “Boosu babaÌlonga kwena Nzambi.” Wosu wuna waÌyuka malongi ma Tata wisi kwena meni. 46 Heku mutu waÌmumona kedi Tata; yuka ni ka wuna ku waÌtuka kwena Nzambi; yandi waÌmumona Tata. 47 Mu kyedika, kyedika, yiluzimbwadini: wuna wisi kwikila, kenina yi luzingu lwa mvula yi mvula. 48 Meni yenina dipha dya luzingu. 49 Batata benu badya maana muna nganga, amana bafwa. 50 Kaasi dipha dyadi, dyadina ditukini ku zilu, ndangu wuna wisidya dya kafwaÌku. 51 Meni yenina dipha dya luzingu dina dyaÌtuka ku zilu. Yuka ni mutu kadya dipha meni dina, kaziÌnga mvula yi mvula. Dipha dina yihaÌna meni, dyenina lutu lwama, kikuma kya luzingu lwa ha tsi.» 52 Bayuta bakala tendana bawu yi bawu yi kuzimbulaka: «Abweti mutu yandu kafwani ni katuheka lutu lwandi mu kudya?» 53 Yesu wubazimbwadini: «Kyedika, kyedika, yibati luzimbwala, yuka ni ludiku lutu lwa Mwana wa mutu, lunwiku phi menga mandi, lweku yi luzingu mwena benu. 54 Wuna wisi dya lutu lwama amana kisi nwa phi menga mama, kenina yi luzingu lwa mvula yi mvula amana meni yimuÌfutumuna mu kilumbu kya tsuka. 55 Mukuma lutu lwama lwenina madya ma kyedika; menga mama phi menina malafu ma kyedika. 56 Wuna wisi dya lutu lwama, wisi nwa phi menga mama kisi zingila mwena meni, meni phi mwena yandi. 57 Bwosu kenina mu luzingu Tata wuna waÌthuma; amana bwosu buna yisi zingila meni mwena Tata, bwabuna phi wuna wisi ndya, kaziÌngila mwena meni. 58 Dyadi yi dipha dina ditukini ku zilu. Dyeku hanga dina badya batata; boosu bafwa. Wuna wisi dya dipha dyadi kaziÌnga mvula yi mvula.» 59 Tala mana kaÌzimbula muna nzu ya kimvuka ya Bayuta, tangwa kakala longa kuna Kafadinawumi. 60 Kunima dya kuyuka malongi ma Yesu, balonguki bandi lawu bazimbudini: «Ndinga yina ngolu yenina; nani wufwani mu kumuyukila?» 61 Yesu bwosu kaÌzaya ni balonguki bandi baÌkala bokuta kikuma kya mambu mana, hanga wuzimbudini: «Mambu mama mekina kisinza kikuma kya benu? 62 Amana yuka ni lwamona Mwana wa mutu kutombuka kuna kaÌkala theti? 63 Kitembu wisi hana luzingu. Lutu lwisiku hanga kima. Ndinga zina yiluzimbwadini meni zenina Kitembu yi luzingu. 64 Kaasi hana kati dya benu henina yi ndambu ya batu bana bakondi kwikila.» Mukuma, tukidila ku luyandiku, Yesu waÌzaya banati bakala bana bakalaku kwikila yi wuna wakhana mulambula. 65 Amana kakala zimbula: «Yihahana yiluzimbwadiki ni heku mutu fwani kisa kwena meni, yuka ni Tata kamusendibwoku.» 66 Tukila bwabuna, balonguki bandi, balawu baÌvutuka kwabawu; bakalaku mulanda hika. 67 Amana Yesu wuzimbudini kwena bawu kumi yi bodi: «Benu phi luzodi ni lwenda?» 68 Simoni Phetelu wumuvutwadini: «Pfumu, kwena nani twakwenda? Ngeyi wenina yi ndaka za luzingu lwa mvula yi mvula. 69 Buthwena tukwikidini, tuzayi ni ngeyi wenina Watoma wa Nzambi.» 70 Yesu waÌbavutwala: «Ka meni ku yiÌlusola benu kumi yi bodi? Kinga mosi wa benu kiphidi-mutu kenina!» 71 Yutasi, kakala zonzila, mwana wa Simoni Sikadyoti, mukuma yandi wakwisa mulambula, yandi mosi wa bawu kumi yi bodi.