YOWANI 12

1 Bilumbu bisambanu ku thwala mukinzi wa Phaki ya Bayuta, Yesu wiÌsa ku Betaniya, kuna kaÌkala Lasalu wuna kaÌfutumuna ku bafwa. 2 BaÌmuheka madya kwakuna. Malata kakala basadila amana Lasalu kaÌkala mosi wa batu babana baÌkala ku mesa yi Yesu. 3 Hanga Madiya wubongini kati-kati dya mulangi wa mananasi ma mukwandi, mana bisi yidika yi miti wa nadi; waÌsitama kuna bitambi bya Yesu amana waÌmukumuna bitambi yi tsuki zandi. Nzu yosu yaÌkandumuka yi mvumba ya mananasi. 4 Mosi wa balonguki bandi, Yutasi Sikadyoti, wuna wakhana mulambula, hanga wuzimbudini: 5 «Kikuma kya biki bakondi tekisila mananasi mana mu khama tatu za phata , ndangu bahana mbongu kwena baphutu?» 6 Heku ni kikuma kya kiwayi kya baphutu kaÌzimbwala bwabuna, kaasi kikuma mwifi kaÌkala amana bwosu kakala lema waba dya mbongu, kakala loya zina bakalamwa sya. 7 Kaasi Yesu wuzimbudini: «Muyambula! Kikuma kya kilumbu kya kuzikama kwama kaÌswekilama. 8 Kikuma baphutu lwakadiki bawu kosu tangwa, kaasi meni, yikadikiku yenu kosu tangwa.» 9 Mulumba-lumba wa batu wa Bayuta lawu baÌyuka ni Yesu ku Betaniya kaÌkala, biÌsa kwakuna; bendaku lwesi mu kutala Yesu, kaasi benda phi ndangu bamumona phi Lasalu wuna kaÌfutumuna ku bafwa. 10 Hanga bambuta ba banganga Nzambi bayukani ni bamuhondisa phi Lasalu; 11 kikuma Bayuta balawu bakalakwa kwenda kikuma kya yandi Lasalu amana bakala kwikila mwena Yesu. 12 Kilumbu kyaÌlanda, mulumba-lumba wa batu bana biÌsa kikuma kya mukinzi wa Phaki ya Bayuta baÌyuka ni Yesu kabati kwisa ku Yelusalemi. 13 Batu baÌbonga ndala za mbati amana benda mukhikidila, mu kukalunga: «Ozana! kasambuka wuna wisi kwisila mu khumbu ya Pfumu! Kyamvu wa Kiseledi!» 14 Yesu waÌmona mwana wa ane, amana waÌzakala hana thandu, bwosu baÌsonika: 15 «Yukaku bweya, mwana wa ndumba wa Siyoni! Tala, kyamvu waku wisini, wazakala hana thandu ya mwana wa ane .» 16 Balonguki bandi baÌbakulaku theti mambu mana; kaasi tangwa baÌmukembisa Yesu, hanga bayubuki nana ni mamana maÌsonama kikuma kya yandi, amana bahanga bwabuna kikuma kya yandi. 17 Mulumba-lumba wa batu babana baÌkala hakana yi Yesu, ha kaÌmutela Lasalu mu mazyamu kikuma kya kumufutumuna ku bafwa; bakala ta kimbangi. 18 Yihana mulumba-lumba wa batu bisa mukhikidila, mukuma baÌyuka ni yandi waÌhanga kiphadi kina. 19 Bafwadisi bakala dizimbwala bawu yi bawu: «Lumoni ni lubatiku lenda kwenu kima; taleti tsi yosu yendi mulanda!» 20 Hana kati dya batu babana baÌtombuka ku Yelusalemi mu kufukamina Nzambi mu tangwa dya mukinzi, haÌkala yi ndambu ya Bangeleki. 21 Buna baÌbwesuka kwena Fidiphu, mwisi Betisayita dya kinzunga kya Ngadidi, bamuhyudini: «A Pfumu, tubati zola ni twamona Yesu.» 22 Fidiphu wendi zimbula kwena Andele; bawu boodi bendabwa zimbula kwena Yesu. 23 Yesu wubavutwadini: «Tangwa dilungidini ndangu bamukembisa Mwana wa mutu. 24 Mu kyedika, mbati luzimbwala: yuka ni ngenza ya bule yibwiku mu mafu amana yivundiku; yanaÌnga yawu buhika. Kaasi yuka ni yavunda, yisi buta hika ngenza za lawu . 25 Wuna wisi zola luzingu lwandi, katoÌtisalwa, kaasi wuna wisi menga luzingu lwandi ha tsi yayi, kataÌmbula luzingu lwa mvula yi mvula. 26 Yuka ni mutu wuzodi ni kasadila meni, kandanda, amana hana yikaÌla meni, hahana phi kakaÌla musadi wama. Yuka ni mutu kasadila meni, Tata wama wamuÌzatula.» 27 «Buthwena mbundu yama yivwalangani. Amana biki yizoÌnza? Yizimbula: Tata, Phulula mu tangwa dyadi? Loni. Kaasi kikuma kya bwabuna thudidini ku tangwa dyadi. 28 Tata, kembisa khumbu yaku.» Amana ndinga mosi yaÌyukalakana kuna zilu: «Khembisiya kedi, yikeÌmbisaya hika.» 29 Mulumba-lumba wa batu babana baÌkala hana, baÌyuka phi ndinga yina, bakala zimbula: «Mukumini wa mvula wuna.» Bahika bakala zimbula: «Wanzyo mosi wumuzonzisini.» 30 Kaasi Yesu waÌvutwakila hika: «Ndinga yina yiyukalakaniku kikuma kya meni, kaasi kikuma kya benu. 31 Buthwena bwabu yenina pfundusu ya tsi yayi; buthwena meni bwabu bamuÌlubula ku phenza pfumu wa tsi yayi. 32 Amana meni, tangwa bathoÌmbula ha thandu ya tsi, yibaÌhungula batu boosu kwena meni.» 33 KaÌzonzila bwabuna mu kusongila phila ya lufwa luna kafwana mu kufwila. 34 Mulumba-lumba wa batu wumuvutwadini: «Mitsiku myetu mizonzini ni Kidisitu kanaÌnga mu kimakulu. Abweti ngeyi wubati zimbwala hika ni bulungi Mwana wa mutu bamutombula? Nati kenina Mwana wa mutu meni wawuna?» 35 Yesu wubazimbwadini: «Mwini wenina kedi hana kati dya benu, mu tangwa dya khunda; kangalakenu buna kwenina mwini, ndangu phipha yilubwilaku; mukuma, wuna wisi kangala mu phipha kisiku zaya kuna kisi kwenda. 36 Buna lwenina yi mwini, kwikilenu mwena wuna wisi hana mwini, ndangu lwakituka bana ba mwini.» Bayuta balawu bisiku kwikila mwena Yesu Kunima dya kuzimbula bwabuna, Yesu wenda amana waÌswama kyana yi bawu. 37 Mbatanana bidimbu bya biphadi byalawu bina kaÌsala mu mesu ma bawu, bawu bakalaku mukwikila, 38 ndangu yalungila ndinga ya mbikudi Yesaya, yina kaÌzimbula: «Pfumu, nati wukwikidikini mu malongi metu? Amana kwena nati baÌsongilaza ngolu za Pfumu?» 39 Kikuma kya bwabuna, baÌlendaku mu kukwikila, kikuma Yesaya kaÌzimbula hika: 40 «Nzambi wufidingima mesu ma bawu, amana wuzitikini mbundu ya bawu, ndangu bamonaku yi mesu ma bawu, babakulaku yi mbundu ya bawu amana bavutukisaku wadi yikhana babelula.» 41 Bwabuna kaÌzimbula Yesaya, kikuma waÌmona khembu yandi amana waÌmuzonzila phi. 42 Kinga, keti hana kati dya bapfumu, balawu baÌkwikila mwena yandi, kaasi bakalabwoku zonzila ha mesu mathona, kikuma kya bafwadisi, ndangu babakukwasa nana ku nzu ya kimvuka ya Bayuta. 43 Mukuma bakala zola khembu ya batu kuluta khembu ya Nzambi. 44 Yesu waÌzonza mu ndinga ya ngolu amana wuzimbudini: «Wuna wisi kwikila mwena meni, kisiku kwikila mwena meni, kaasi mwena wuna waÌthuma. 45 Amana wuna wumbonini, wumoni phi wuna waÌthuma. 46 Meni, mwini, yisa ha tsi, ndangu wuna wakwiÌkila mwena meni kanangaku mu phipha. 47 Yuka ni mutu wuyuki ndinga zama amana kalundizoku, ka meni ku yimufundisini; mukuma yisilaku kikuma kya kufundisa tsi, kaasi kikuma kya kuhulula tsi. 48 Mutu wuna wundosidini, wukondi phi tambwasa ndinga zama kenina yi zusi mosi. Ndinga meni yina nzimbudini, yawu yamuÌfundisa mu kilumbu kya tsuka. 49 Mukuma meni, yiÌzonzilaku mu mabanza mama, Tata wuna waÌthuma, yandi-meni waÌtsenda mu kuhanga buna pfwani mu kuzimbula yi buna pfwani mu kuzonza. 50 Amana nzayi ni buna kisi senda yandi bwisi hana luzingu lwa mvula yi mvula. Yihana ni, mambu mana yisi zonza meni, yisima zonza bwosu buna kaÌtsendabwa Tata.»