Mukanda kwena bisi Hebelu Hebelu 12

1 Kikuma kya betu, baÌtuzyeta kwena mulumba-lumba wa bambangi. Tulosenu kizitu kyosu kya masumu kina kyisi kakidikisa wenzi wetu, amana tutsyakulenu yi kuna tsuka za thinu zazi batusidini. 2 Mesu metu ma kutadisa kwena Yesu, yandi wenina kisina yi tsuka ya lukwikilu lwetu. WaÌtambwasa mu kufwa hana kitakani, konda kutala mutindu wa tsoni za lufwa meni lwaluna, kikuma kaÌkala mona mutindu wa kyesi kina kyaÌtangamina kikuma kya yandi. Amana buthwena kuna koku dya kitata dya kiti kya Nzambi kisi zakadila. 3 Banzenu kwena wuna waÌkwamina ku matendu ma basumuki; ndangu lukatulaku kikesa. 4 Mukuma, muna muzingu wenu wutadidini disumu, khaniku kedi lunwana tii yi kuna lufwa. 5 Luzimbakanaku ndongisila zina kaÌluheka Nzambi hanga kwena bana: «Mwana wama, wulewulaku tsungika ya Pfumu, amana wukatulaku kikesa mu tangwa kabati kukaya. 6 Mukuma Pfumu kisi sungika wuna kisi zola, kisi beta wosu wuna kisi mona hanga mwana wandi.» 7 Tambwasakenu tsungika ya Nzambi, kikuma kisibwa hanga bwosu tata kwena mwana wandi. Khi mwana yandina bisiku beta kwena tata wandi? 8 Ho ni Nzambi kisiku lubeta hanga bana bandi, zonza ni lweku bana bandi ba kubuta, lwenina bana ba makangu. 9 Mukuma thwenina yi batata mu kimutu: bisi tusungika amana twakala balemvukila. Yi hakana twafweti lemvukilaka Tata wetu wa ku zilu, kikuma kya kubonga luzingu kwena yandi. 10 Kaasi batata betu bakala tusungikaka kikuma kya koma ka bilumbu, bwosu buna baÌmoninabwa bukheti. Kaasi Nzambi kisi tusungika kikuma kya bukheti bwetu, ndangu kalenga tuheka kutoma kwandi. 11 Ha batusungikini, muna tangwa meni dyadina, dyisiku kala dyambu dya kyesi kaasi dya kyadi. Kaasi tsuka tsuka, babana babongini milongi myamina myisi banatina ngemba yi luzingu lwa masonga. 12 Yi hakana ni thutenu moku mamana mazokini, amana zyamisenu makungulu menu mamana mabati tekita! 13 Yidikenu nzila zasungama kikuma kya bitambi byenu, ndangu batu babana bisi tinguna badibunda-bundaku mu bikhosu, kaasi bakola. 14 Sandakenu lwakalaka mu ngemba yi mutu wosu yi mu kudisemisaka; mukuma, konda bwabuna, ka mutu ku wamoÌna Pfumu. 15 Kebenu ni ka mutu ku kakonda mu kubonga khenda za Nzambi amana ka musodi wumosi ku wa khadi wamena, hanga wadikila nana batu ba lawu. 16 Kebenu mu kusya ni hakalaku yi bita-mbongi hana kati dya benu, zitisenu bima byahedila; luhangabwoku hanga buna kaÌhanga Kizawu, kikuma kya ndya yimosi, waÌsumbisa kimbuta kyandi kya butuka. 17 Mukuma, luzayibwa ni ku manima, tangwa kaÌzola mu kubonga lusakumunu lwa tata wandi, baÌmulosila. KaÌmonaku keti phila ya kusobila mambu, mbatanana nyengi dyandi yi matsanga mandi. 18 Benu tangwa lwaÌbwesuka kwena Nzambi, lwaÌbwesukaku ku mongu wumosi bafwanini mu kusimba, wuna wakala lema mbawu; lwaÌbwesukaku keti ku mudima, keti ku phipha, keti ku pfunzi, 19 keti muhungu wa phungi, keti khololu ya ndinga. Bisi Kiseledi ha baÌyukaya ndinga meni yayina, baÌbusa mu kuyuka keti ndinga yimosi hana thandu. 20 Mukuma, baÌlendaku mu kusipha mulongi meni wawuna: «Yanduna wasiÌmba mongu, keti abweti kenina mbisi, bamuÌhonda mu kumutimbwala kwa matadi.» 21 BwaÌkala bweya bwa lawu mu kumona dyambu meni dyadina kaÌzimbula Moyize: «Mbundu yimvumukini yi tsula!» 22 Kaasi benu lwaÌbwesuka ku mongu wa Siyoni yi ku mbanza ya Nzambi wa Moya, Yelusalemi dya ku zilu, mafunda yi mafunda ma banzyo bandi kwakuna benina mu mukinzi. 23 Amana kuna dingumba dya bana batsomi ba Nzambi lwaÌkokuluka, babana baÌsonama mazina ma bawu muna mazilu. Benu lwaÌkokuluka kwena Nzambi zusi wa batu boosu, amana lwaÌkokuluka ku bitembu bya batu basungama babana baÌkituka batu balunga. 24 Kwena Yesu hika lwaÌkokuluka benu, yandi wenina mukhundingisi wa bulunda bwa pha buna kata Nzambi yi betu, amana menga mandi mana maÌtekuka misi zonza buna bufwani kuhita menga ma Abelu. 25 Kebenu! Lubusaku mu kuyuka yanduna wisi luzonzisa. Bawu baÌbusa mu kuyuka wuna wakala baheka ndongisila ha tsi, baÌhengaku ku ndola ya Nzambi. TwaleÌndaku mu kuhengaya ho ni betu twaÌmufila kunda yanduna wisi zonza kwena betu muna mazilu. 26 Ndinga yina kaÌtekila zonza Nzambi yaÌtekitisa mafu; kaasi buthwena Nzambi wutusidi hika kilangi kyakina: «YiteÌkitisaya hika, ka tsi ku lwesi, kaasi yi zilu phi.» 27 Mihowu myami «mbala yayi hika» mibati songila ni bima bina byaÌhangama byaniÌngana amana byaziÌluka, ndangu byananga lwesi bima bina byisiku ningana. 28 Tukalenu kabanzi, kikuma tubongi luyalu lumosi luna lwisiku ningana. Tusongilenu kabanzi meni kakana mu kusadilaka Nzambi muna mutindu wuna wisi muhekila tsambu, mu luzitu yi kubanga. 29 Mukuma, Nzambi wetu kenina mbawu yina yisi vukula.