Mukanda kwena bisi Hebelu Hebelu 10

1 Mitsiku mya Moyize myenina lwesi kifwani kya bima bina byakwiÌsa; kaasi myeku kininga kya mukwandi kya mambu meni mamana. Yi hakana milungiku mu kutomisa batu babana bisi bwesuka kwena Nzambi mu nzila ya bimenga meni byabina bisi landulula kosu mvula. 2 Wadi ni babana bisi sambila Nzambi yi kutambikaka bima bya mutindu wuna basemaka muna mbala yimosi lwesi ku mitsoki mya bawu, wadi bisiku kala yi katsasa ka disumu. 3 Kinga, muna bimenga meni byabina, batu bisi yubuka masumu ma bawu mvula muna mvula. 4 Mukuma bwalendakanaku ku menga ma miluma mya bangombi yi ma miluma mya bakhombu mu kukatula masumu. 5 Yi hakana ni Kidisitu, mu kukota muna tsi, kaÌzimbula: «Keti kimenga, keti mulambu, waÌzolabyoku. Kinga waÌngidika lutu. 6 Keti kimenga kya kuyoka kya muthu, keti bimenga kikuma kya ndoluka ya masumu; byosu, waÌzolabyoku. 7 Yihanga nzimbudini: “Awu meni, mukuma, kikuma kya meni baÌsonikina muna mukanda wa kuvunga: yisini, oh Nzambi mu kuhanga luzolu lwaku.» 8 Wuzimbudi theti: «WaÌzolaku keti kimenga kya kuyoka kya muthu, keti milambu mya kuyoka, keti bibulu bya kuyoka ha mutalaka, keti bimenga bya ndoluka ya masumu, keti kimosi waÌsephilaku kyawu muna byosu.» Kinga makabu mamana moosu bisima tambika bwosu buna myenina mitsiku. 9 Hanga wukosikidi: «Awu meni, yisini mu kuhanga luzolu lwaku.» Muna bwabuna, Kidisitu waÌkumuna mutindu wa theti wa kubwesuka kwena Nzambi amana waÌhingisiwa ku mutindu wuna wa zodi. 10 Muna luzolu lwaluna, mwamuna twaÌtomina betu muna nzila ya kimenga kya lutu lwandi luna kaÌtambika mu mbala mosi. 11 Kaasi nganga-Nzambi wosu kosu kilumbu kisi telama kikuma kya kusala kisalu kyandi; kisi tambika kosu tangwa bimenga byabina, bina bifwaniku mu kukatula masumu. 12 Kaasi Kidisitu, yandi, kaÌtambika kimenga kimosi lwesi kikuma kya masumu, amana kuna koku dya kitata dya Nzambi, kisi zakadila mvula muna mvula. 13 Buthwena, kwakuna kabati hingidila ni Nzambi kabakitula bambeni bandi kidyatilu kya yandi. 14 Amana, muna mulambu wumosi lwesi, mwamuna kaÌbalungisila, mvula muna mvula, batu babana kaÌtomisa. 15 Bwabuna Kitembu Kyatoma phi kabati tutila kimbangi. Mukuma, kazimbudi theti: 16 «Talenu bulunda buna yita yi bawu ku manima ma bilumbu byabina, kazimbudini Pfumu: YisoÌnika mitsiku myama muna mbundu ya bawu, yinaÌmikamya muna kitembu kya bawu.» 17 Amana wukosikidini: «YisuÌngulaku hika masumu ma bawu yi mitsoki mya bawu.» 18 Kinga, ho masumu maloluki kedi, kweku hika yi bimenga kikuma kya masumu. 19 Bwabuna, baphangi, thwekina yi muswa wa kukotila muna kizika kyahedila lawu, muna nzila ya menga ma Yesu. 20 Yesu waÌtuyafwadila nzila ya pha yi ya moya; yandi meni waÌtekila lutila mwamuna: muna nzila ya kibwiku kina kya mu nzu ya Nzambi ya Bayuta, disongila muna nzila ya lutu lwa yandi meni. 21 Amana thwenina yi Mbuta-Nganga mosi wuna baÌsikununa mbuta wa nzu ya Nzambi. 22 Disongidila ni tubwesukenu kwena Nzambi yi mbundu ya kyedika yi lukwikilu luna lwa mukwandi, mbundu ya kasemi ku byosu byisi hana katsatsa ka mbi yi lutu lwa kuyebisa yi mamba ma kukenza. 23 Tusimbidilenu ngolu kivuvu kyetu kina thwisi samuna, mukuma Nzambi kisi hwila mwani ku bilangi byandi. 24 Tukalenu yi kitsungila betu yi betu kikuma kya kudihekaka kikesa ku zola yi mihangu mya bukheti. 25 Tutinaku mabundu metu bwosu baÌyikanabwa batu bahika, kaasi tudihekakenu kikesa betu yi betu, bwosu tubati mona kilumbu kya Pfumu kibwesukini. 26 Mukuma ho thwisi hola masumu mu luzolu ku manima ma kubonga nzayilu ya kyedika, kweku hika kimenga kikuma kya masumu. 27 Kaasi henina yi pfundusu ya Nzambi yi ngolu za mbawu yina yayoÌka bandwandwa. 28 Wosu wuna wakuÌlula mitsiku mya Moyize kafwa konda kumuyukila kheni, mu kimbangi kya batu boodi kondi lo batatu. 29 Khi mutindu wa ndola kaboÌnga yanduna waleÌwula Mwana wa Nzambi? Wuna wasaÌwula menga ma bulunda, muna mamana baÌmutomisina? Yi wuna watuÌkwana Kitembu wa khenda? Banzenu khi lawu dya lombu kakuÌkula! 30 Mukuma, tuzayi ni yanduna wuna waÌzimbula: «Meni yivuÌtula mbela, meni yisi futa kwena mutu wosu bwosu byenina bisalu byandi.» Amana kaÌzimbula hika: «Pfumu kafuÌndisa kanda dyandi.» 31 Keba, wakuÌluka, ho ni wabwa mu moku ma Nzambi wa moya! 32 Yubukenuti bilumbu bya theti bina, ku manima ma kubonga mwini wa Nzambi: lwaÌzyandama muzingu wuna wa mbuta yi wa phasi. 33 Matangwa mahika, lwaÌkwatuka tsoni ku ngusi yi minyanga ha mesu ma batu boosu. Matangwa mahika, bakala luwaphama kwena batu bahika babana baÌtekila mona phasi meni zina. 34 LwaÌkota mu boloku hanga lutambwasini yi kyesi kya kulubotula bima, kikuma luzayi ni lwenina yi kuvwa kwa bukheti kuna kwa mvula yi mvula. 35 Kaasi lutotisaku kikumbwala kyenu: kina kyenina yi lufutu lumosi lwa mbuta. 36 Kaasi lwenina yi mupfunu wa kikwamina, ndangu ku nima dya kulungisa luzolu lwa Nzambi, lwabonga kina kaÌsila. 37 Mukuma, bwaÌsonama: «Muna tangwa dya khunda, dya khunda hika, amana yandi wuna wulungini mu kukwisa, kakwiÌsa; amana kazingidilaku. 38 Kinga, Nzambi kazimbudini, mutu wa masonga ku mesu ma meni, mu lukwikilu kaziÌngila, kaasi ho kavutuka ku manima, yikaÌlaku yi tsambu ya yandi.» 39 Betu, thweku batu babana bisi vutuka ku manima balenga ditotisa. Betu thwenina batu ba lukwikilu kikuma kya kuhulula moya myetu.