Mukanda kwena bisi Ngalatiya Ngalatiya 4

1 Amana tala buna nzodi yizimbula: tangwa dyosu dina kenina swana wa khunda, kaswaswaniku yi muhika, mbatanana kenina mukwa byawu byosu. 2 Kafeti lemvuka kwena batu bana bisi mutsasa, babana bisi sweka bima byandi yikuna dyaluÌngila tangwa dina kaÌsya tata wandi. 3 Phila mosi phi yi betu, tangwa twaÌkala bana bakhunda, twaÌkala bahika ba ngolu za bitembu bya tsi . 4 Kaasi ha dyaÌlungila tangwa dina kaÌsya, Nzambi waÌtuma Mwana wandi: kaÌbutuka kwena mukhetu mosi amana kakala phi mu sina dya mitsiku mya Bayuta, 5 ndangu kalenga balubula babana baÌkala mu luyalu lwa mitsiku, twalenga bongila tsatsudi ya kukala bana ba Nzambi. 6 Amana mu kusongila ni mukyedika bana bandi lwenina; Nzambi waÌhitika muna mbundu yetu Kitembu wa Mwana wandi, wuna wisi kalunga: «Aba! Tata!» 7 Yihana ni weku hika muhika kaasi mwana; amana yuka ni mwana wenina, wenina phi swana, mu mana matadidini Nzambi. 8 Mu tangwa dya khulu lwaÌmuzayaku Nzambi, amana lwaÌkala bahika ba bitembu bina byaÌkalaku banzambi, kinga mu kyedika, beku banzambi. 9 Kaasi buthwena lumuzayini Nzambi, -kondilo, luzayakani kwena Nzambi- , Abweti hika lwavuÌtwakila bitembu bina byakonda ngolu, byakonda kala mupfunu? Luzodi phi ni lwakituka bahika ba byawu? 10 Lwisi simbulula mboti-mboti bilumbu, ngonda, tsungi yi mvula! 11 Bweya yenina bwawu mu kudiheka phasi za phamba kikuma kya benu. 12 Kalenu hanga meni, kikuma meni phi yiÌkituka hanga benu. Yilubokwadidibwa, baphangi bama. LwaÌphangaku keti mbi yimosi. 13 Luzayibwa ni kikuma kya kimbefu yiÌlulongila Musamu wa Bukheti mbala ya theti. 14 Mbatanana kimbefu kya lutu lwama, benu lwaÌmbengaku, lwaÌmbwisaku phi, kaasi lwaÌngyamba hanga wanzyo mosi wa Nzambi, holo hanga Yesu Kidisitu. 15 Amana ku biki lwasya kyesi kyenu kina? Mukuma ha mbati luheka kimbangi kyaki ni wadi bwalendakana, wadi lwakhana katula mesu menu ndangu lwaphekama! 16 Amana buthwena, khituki mbeni wenu kikuma kya buna yiluzimbwadini kyedika? 17 Tsambu ya batu babana yeku ya bukheti kikuma kya benu; bazodi lwesi ni baluhambula yi meni ndangu lwadihomba kwena bawu. 18 Bulungi ni lwabasa yi tsambu za bukheti mu matangwa moosu, ka kikuma ku lwesi kya buna yisi kala yi benu. 19 Bana bama, benu yisi yukila hika misongu mya kubuta, mina myatuÌla yi kuna lwakiÌtukila hanga Kidisitu. 20 Nzodi buthwena yikala ha kati dya benu ndangu yilenga luzonzila mu mutindu wahika. Mukuma, mboniku buna yihaÌnga kikuma kya benu. 21 Nzimbwalenuti, benu lwisi tonda kukala ku sina dya mitsiku: lwisiku yuka buna mibati zimbula mitsiku meni mina? 22 Kikuma, bwabu baÌzimbula ni Bulahami kaÌbuta bana boodi, mosi yi muhika, Akadi, mukwawu, kwena mukhetu wandi wa longu, Sala. 23 Kaasi mwana wuna kaÌbuta yi muhika kaÌbutuka bwosu buna bwisi butuka mwana wosu; kaasi wuna kaÌbuta yi mukhetu wandi wa longu kaÌbutuka mu kilangi kya Nzambi. 24 Mbandu za mbuta zenina muna mambu mana: mukuma bakhetu meni babana babati songila bulunda bwodi. Bumosi, bwabuna bwa ha mongu wa Sinayi yi Akadi; hanga wubuti lwesi bana ba kihika. 25 Kinga Akadi, yandi mongu wa Sinayi kuna Alabiya; amana lelu, wufwanakani yi mbanza ya Yelusalemi, mukuma mu kihika yenina yi bana bandi boosu. 26 Kaasi Yelusalemi dina dya ku zilu dyeku mu kihika, amana phi yandi ngudi wetu. 27 Kikuma masonuku mazimbudi bwabu: «Zatuka, ngeyi mukhetu yandu wakonda buta! Sika biyekiyeki, ngeyi wakonda yuka misongu mya kubutila! Mukuma, bana ba mukhetu wuna baÌlosila bahitakani lawu kuluta babana ba mukhetu wuna wenina yi yakala dyandi.» 28 Kwena benu, baphangi bama, lwenina bana ba kilangi kya Nzambi hanga Yizaki. 29 Kaasi bwosu bwaÌkala mbala yikwawu, mwana wuna waÌbutukila bwosu bwisi butuka mwana wosu kakala yangisa wuna waÌbutukila bwosu kyenina Kitembu kya Nzambi. Bwabuna bubati salama phi buthwena. 30 Kaasi biki mazonzi Masonuku? Bwabu: «Mukula muhika yi mwana wandi; mukuma, mwana muhika kalungiku mu kukala swana hakimosi yi mwana wa mukhetu wa longu.» 31 Yibwana, baphangi bama, betu thweku bana ba muhika, kaasi bana ba mukhetu wa longu.