Mukanda kwena bisi Ngalatiya Ngalatiya 1

1 Pholu, thumwa wuna baÌtuma, ka kwa batu ku, keti kwena mutu mosi, kaasi kwena Yesu Kidisitu yi kwena Nzambi Tata wuna waÌmutokamisa ha kati dya bafwa. 2 Yi baphangi boosu babana benina hakimosi yi meni, kwena Mabundu ma Ngalatiya, yi kubazimbwala: 3 Yambula Nzambi Tata wetu yi Pfumu Yesu Kidisitu baluheka khenda yi ngemba. 4 Kidisitu waÌditambika yandi-meni kikuma kya masumu metu, ndangu katutabula mu mambu ma mbi ma tsi yayi, bwosu lwenina luzolu lwa Nzambi, Tata wetu. 5 Kwena yandi yakala khembu, mvula muna mvula! Abwabuna. 6 Mbati yituka kikuma kya phila yina lumubalwakidini yi tswatsu, wuna waÌlutela mu khenda za Kidisitu, mu kuluhitisa ku Musamu wa Bukheti wa hika. 7 Kinga kweku Musamu wa Bukheti wa hika; henina yi batu bisi luvwadingisa mabanza, bisi zola phi ni basobisa Musamu wa Bukheti wa Kidisitu. 8 Kaasi yuka mutu mosi, ata betu-meni, holo wanzyo wa ku zilu kaÌlulonga Musamu wumosi wa Bukheti wuna wufwanakaniku yi wuna twalulonga, kakala wa kusinga! 9 Bwosu twatekidibwa luzimbwala kedi, amana mvutwakidibwa buthwena bwabu: Ho mutu kalusamwana Musamu wumosi wa Bukheti wuna wufwanakaniku yi wuna lwaÌtambwasa, kakala wa kusinga! 10 Amana buthwena, lubanzi ni mbati sanda bathambwasa kwena batu ho kwena Nzambi? Yisi sanda mu kusephidisa batu? Ho ni yisandaka mu kusephidisa batu, yikalaku hika musadi wa Kidisitu. 11 Baphangi, yiluzimbwadi bwabu: Musamu wa Bukheti wawu yilusamwanini, wutukiku kwandi kwena mutu. 12 Mukuma meni-meni yiÌtambulawoku kwena mutu; yiÌlongukawoku phi kwena mutu kaasi mu tsengumuka ya Yesu Kidisitu. 13 LwaÌyuka kuzonzila phila yina byaÌkala bikalulu byama tangwa yiÌkala landa khadidi ya Bayuta; Yikala nyokunaka lawu Dibundu dya Nzambi amana yikala sanda mu kuzangadya. 14 Muna kimvuka kya Bayuta, yikala hyoka batu balawu ba makula mama, amana yikala zakama muna phila ya kuzitisa mikuku mya batata bama. 15 Kaasi tangwa bwaÌhana tsambu kwena Nzambi, yandi wuna waÌtsola tukidila mu kifundu kya ngudi wama, waÌthela muna khenda zandi. 16 Ndangu kamvumbula meni Mwana wandi yilenga samuna hanga Musamu wa Bukheti kwena babana bakondi kala Bayuta; muna bwabuna, yendaku lomba ndongisila kwena mutu wenina yi musuni yi menga; 17 konda kutombuka ku Yelusalemi ndangu yenda mona bana batekila dikitwakila bathumwa ku thwala ya meni; kaasi hanga yendi ku Alabiya, kunima mvutuki ku Tamasi. 18 Kunima dya mvula tatu yiÌtombuka ku Yelusalemi ndangu yitundakana yi Sefwasi ; hanga ndangi kuna nzu yandi bilumbu kumi yi bitanu. 19 Amana yiÌmonaku keti thumwa wahika, Zyaki lwesi, phangi wa Pfumu. 20 Mambu mana yiÌlusonikina menina ma kyedika; thambwasima ku thwala ya Nzambi ni mbatiku huna. 21 Kunima, yendi mu binzunga bya Sidiya yi Sidisi. 22 Kaasi kikuma kya Mabundu ma ku Yuteya mana menina mwena Kidisitu baÌnzayaku, khaniku bambona ku mesu. 23 BaÌyuka lwesi kuzimbula: «Wuna wakala tunyokuna matangwa mahika, buthwena kabati longa Musamu wa Bukheti wa lukwikilu luna kakala zola kuzanga.» 24 Amana bakala zatula Nzambi kikuma kya mambu matadidi meni.