Mukanda kwena bisi Efesu Efesu 4

1 Kikesa mbati luheka, meni mutu wa boloku kikuma kya Pfumu: benu kaÌtela, dyatilenu mu mutindu wuna wufwanakani yi mbila meni yayina. 2 Kalenu yi mbundu ya dikulumuna, ya talala yi sipha dya mbundu. Ditambwasenu benu yi benu bwosu lulombini lungongu. 3 Sandakenu mu kubatila kithwadi kina kisi hana Kitembu mu nzila ya ngemba yina yisi lukasa benu yi benu. 4 Lutu lumosi lwenina yi Kitembu mosi, bwosu buna kivuvu kyenina kimosi kina kaÌlutedila Nzambi. 5 Pfumu mosi kenina, lukwikilu lumosi, mbotika yimosi; 6 Nzambi mosi, wuna wenina Tata wa batu boosu, wuna wisi yala ha thandu ya byosu, kisi sala mwena byosu yi muna boosu. 7 Kaasi kosu mutu hana kati dya betu waÌbonga khenda muna kitesu kya kabu dya Kidisitu. 8 Kikuma kya bwabuna baÌsonikina: «WaÌtombuka muna malondi, waÌbanata batu bana bakala mu boloku; waÌhana makabu kwena batu .» 9 Kinga, biki disongidila dya mambu mama: «waÌtombuka»? Disongidila ni waÌkulumuka phi muna milambu mya mabanda mya ha tsi? 10 Wuna waÌkulumuka yawuna phi waÌtombuka mu mazilu ndangu kabasisa tsi yosu. 11 Yandi phi waÌhana makabu kwena batu boosu: bahika bathumwa, kwena bambikudi, bakwawu hika, bamwangi ba Musamu wa Bukheti, bakwawu hanga bamvungi holo balongi . 12 Bwosu bwabuna, ndangu kayidika bakwikidi kikuma kya muhangu wa kisyelu kyandi, mu kukodisa lutu lwa Kidisitu, 13 yi kuna twakiÌtwakila betu boosu mutu mosi muna lukwikilu yi muna mazaya ma Mwana wa Nzambi. Bwabuna twakiÌtukila batu bana bakodi kedi, mu kubakila phi mutela wa kyedika wa Kidisitu. 14 Muna bwabuna, twakaÌlaku hika bana ba khunda. TwafwaÌnanaku hika hanga koma ka masuwa kana bisi nata masambwa moosu kwena muphephi wa yanga dya mbuta, mu malongi ma mbi ma mutindu yi mutindu. Batu batuÌhunaku hika yi bukamvi bwa bawu bwa kutotisila bakwenu. 15 Kaasi mu kuzimbulaka kyedika mu lungongu, twakoÌla mu mambu moosu yikuna kwena mutu wuna wenina mutwa, Kidisitu. 16 Mwena yandi, lutu lwisi kitukila kima kya ngolu, kya kukhundikisa mu ndambu zoosu yi ngolu zina zifwani. Yi hana ni yuka kosu kitini kyasalaka buna bufwani, lutu lwosu lwisi kola phi mu lungongu. 17 Tala buna nzimbudini yi mana thambwasini kwena Pfumu: khadidi yenu yaswaswana yi yina ya bana bakondi kala bakwikidi, bana bisi dyatila mu mabanza ma bawu mana misiku nata kima. 18 Benina yi ngangu za kaphindi, benina banzenza ku luzingu lwa Nzambi, kikuma kya kukonda kwa mbakisilu ya bawu yi mbundu ya bawu ya tototo. 19 BaÌtotisa mambu mosu mana ma bukheti amana badihana mu mbongi, ndangu bahangaka mambu ma mvindu ma mutindu yi mutindu yi lukusu lwosu. 20 Kaasi benu, kabwaku buna lwaÌyuka kikuma kya Kidisitu! 21 Khwikidi mboti ni lwaÌyuka kwenu mambu moosu mana matadidini yandi, amana baÌlulonga mambu mandi mu kyedika kina kyenina mwena Yesu. 22 Yihana, lufweti yambula kimutu kyenu kya khulu kina lwakala kyawu theti, kina kyakala yi nzoluka za bukamvi zisi bebisa. 23 Yambulenu kitembu kyenu yi ngangu zenu byakituka bya pha. 24 Amana lwavwata mutu wa pha, wuna waÌhangama mu phila ya Nzambi , muna masonga yi kutoma kuna kwisi tuka mu nzila ya kyedika. 25 Yihana ni, yambulenu bukamvi! Amana kosu mutu kazonza yi kyedika kwena khunda wandi, mukuma betu boosu thwenina bitini bya lutu lumosi. 26 Ho lwakala mu khabu, lusumukaku; lunimbaku yi khabu. 27 Lumuhekaku kizika kiphidi-mutu. 28 Mwifi kayibaku hika, kaasi kadihana mu kusala yandi-meni yi moku mandi; ndangu kamona kima kina kasadisila wuna wenina mu phasi. 29 Ka ndinga yimosi ku ya mbi yalubuka muna munwa myenu, kaasi zonzakenu lwesi ndinga za bukheti, zina zisi tunga amana zisi hana khenda kwena babana babati yuka. 30 Lumuyukisaku kyadi Kitembu Kyatoma wuna kalunamika Nzambi hanga kidimbu kikuma kya kilumbu kya luhulusu lwa tsuka. 31 Katulenu mambu moosu ma khadi mana baÌluhanga, nganzi, khabu, bikalu, ngusi yi mbi za phila yosu. 32 Kalenu bukheti benu yi benu, kalenu yi mbundu ya kyadi; amana dilolulenu benu yi benu bwosu kaÌlulolula Nzambi mwena Kidisitu.