Mukanda kwena bisi Kholosayi Kholosayi 2

1 Kikuma nzodini lwazaya ni muzingu wa mbuta mbati nwana kikuma kya benu, kikuma kya bakidisitu ba ku Lawodise yi kikuma kya bahika babana khaku kedi bambona mu kimwesa mutu. 2 Ndangu babaheka kikesa, bakala kithwadi muna lungongu. Amana bakala boosu babasa mu ngangu, kikuma kya kuzaya diswekamu dya Nzambi, disongidila ni yandi-meni Kidisitu. 3 Mwena yandi mwaswamana bima bya thalu byosu bya mudimu yi bya mazaya. 4 Nzimbudini bwabuna mu kusya ni baluhunaku kwena mutu mosi mu lengu ndinga. 5 Mukuma, ho kyana yenina mu kimutu, mu kitembu, ha kimosi yenina yenu. Mu kyesi yenina, mu kumona ni, kwena benu moosu misi hitila mu ndonga; amana lukwikilu lwenu kwena Kidisitu, lwenina lwazyama ngolu. 6 Kikuma, bwosu lutambudini Kidisitu Yesu, Pfumu, dyatilenu mwena yandi. 7 Zikenu misodi mwena yandi, amana tungenu luzingu lwenu hana thandu ya yandi. Disyamisakenu muna lukwikilu, muna mutindu wa mamana baÌlulonga, amana vutulakenu matondu ma lawu kwena Nzambi kosu tangwa. 8 Dikengenu, ka mutu ku kalukwata ha mutambu ku nduka za mbi, amana za phamba. Bwenina bukamvi kwandi, bwisi zyamina ku mikuku mya batu, bwosu zenina ngolu za bitembu bya tsi , kaasi bweku mutindu mosi yi mana kazodini Kidisitu. 9 Mukuma, mwena Kidisitu mwisi zingila lutu lwa bunzambi bwandi bwosu. 10 Amana benu lwenina babasa mwena Kidisitu, yandi wenina mutwa wa kipfumu kyosu yi luyalu lwosu. 11 Mwena Kidisitu lwaÌkotila benu phi mukhanda wuna waÌkonda hangamina ku moku ma batu. Kaasi mukhanda meni wuna mu nzila ya Kidisitu waÌhangamina, amana wawuna wulukutumunini benu mu kihika kya lutu lwa masumu. 12 BaÌluzika yi Kidisitu muna nzila ya mbotika, lwaÌfutumuka phi ha kimosi mwena yandi, muna lukwikilu lwa ngolu zoosu za Nzambi wuna waÌmufutumuna ha kati dya bafwa . 13 Amana benu lwaÌkala bafwa kikuma kya mitsoki myenu, yi kikuma kya bungulungwa bwa lutu lwenu, Nzambi waÌlufutumuna ha kimosi yi Kidisitu, mu kulolula mitsoki myetu myosu. 14 WaÌyatawa mukanda wuna wakala tufundaka yi mikuku mya wawu, amana waÌkatulawa mu kukhokawa hana kitakani. 15 Nzambi waÌwongumuna bipfumu bya bitembu yi luyalu; waÌlubulabya ha tseki amana waÌbulumunabya hanga bakwatami muna kinunga kya Mwana wandi. 16 Yi hakana ni, ka mutu ku kalufundisa ku kina lwisi dya yi kina lwisi nwa, kondi loni kikuma kya kyufu kitadidini mukinzi wa ngonda ya pha kondi loni yi mukinzi wa Sabata. 17 Byosu bina byenina kininga kya mana menina mu kukwisa, kaasi kyedika kya mawu kibati monikina muna lutu lwa Kidisitu. 18 Luyambwadilaku ni balufundisa kwena batu bana bisi sanda mu kudikulumuna mu mambu mana misi monika amana bisi sambila banzyo. Bisi dihana ku ndosi za bawu. Amana mabanza ma bawu ma kimutu misi babasisa mu kimvunya kya phamba; 19 amana bisiku simbidila kwena Kidisitu yandi wenina mutwa. Tuka kwena yandi, lutu lwosu lwaÌkhundakanina bwa bukheti muna bikhosu yi muna misuni myisi dikwatila ha kimosi. Nzambi wisi kodisa lutu lwaluna. 20 Ho ni lwaÌfwa kedi yi Kidisitu mu mambu ma bitembu bya tsi, kikuma kya biki lubati zingila hangambedi ni ku moku ma tsi hika lwenina, mu kutambwasaka ni baluhekaka mitsiku mya mutindu wawuna : 21 «Wubongaku kyaki», «Wuyedikakyoku», «Wusimbaku kina». 22 Bima bina byosu byaÌtangamina mu kuzangana ku manima ma tsadidi ya byawu. Byenina bizila yi malongi ma kimutu. 23 Mukyedika, bizila bya mutindu meni wuna, byisi monika hangambedi ni bya kabasi yi mudimu. Mukuma, bulombini ni batu basambila muna mutindu wuna bazodini bawu meni, bakala yi kudikulumuna kwa luvunu; amana badihekaka phasi muna lutu. Kaasi, bizila byabina byeku keti mupfunu, kaka kikuma kya kusephidisaka lwesi tsambu za lutu.