MIHANGU 4

1 Tangwa bakala zonza, Phetelu yi Yowani, kwena batu, banganga Nzambi yi kaphita wa batsinzidi ba nzu ya Nzambi yi Basadise baÌtula. 2 BaÌsidika mu kubamona, bathumwa bawu bodi, mu kulonga kwena batu yi mu kubasamwana kikuma kya Yesu, lufutumuku lwandi ha kati dya bafwa, mu kusongila ni kilumbu kimosi batu bafuÌtumuka. 3 Hanga babakwati, babakotisi phi mu boloku muna phipa meni yana yi kuna kilumbu kyalanda, mukuma kuma kwayila kwaÌkala . 4 Amana batu lawu hana kati dya bana bayuka malongi, hanga bakituki bakwikidi; amana thalu ya bayakala yaÌtombuka bela-bela yi mafunda ma tanu. 5 Amana kilumbu kyalanda, bapfumu ba bawu yi bathwadisi ba nzu ya Nzambi yi balongi ba mitsiku baÌkutakana kuna Yelusalemi. 6 HaÌkala hika yi nganga Nzambi wa mbuta Ana yi Khayifu yi Yowani yi Lekizandi yi boosu bana baÌkala mu kikanda kya bambuta ba banganga Nzambi. 7 Amana buna baÌbanata Phetelu yi Yowani ku thwala ya bawu, baÌbahyula phi bwabu: «Mu ngolu za nati yi mu khumbu ya nati wuluhangidi bwabuna?» 8 Hanga Phetelu, wabasa yi Kitembu Kyatoma, wubazimbwadi: «Balemba yi bathwadisi ba nzu ya Nzambi: 9 batufundisidi lelu kikuma kya dyambu dya mboti dimosi tusadi kwena mukwa khonzu yi buna kabelukidi. 10 Zayenubwoku mboti, benu boosu, yi bisi Kiseledi ni mu khumbu ya Yesu Kidisitu mwisi Nazaleti, wuna lwaÌkhoka ha kitakani, amana Nzambi waÌmufutumuna ha kati dya bafwa, mwena yandi katelamini mutu yandu yi lutu lwa kitoku ku thwala ya benu.» 11 «Yandi: “Yi tadi dina lwaÌlosa benu batungi ba nzu, amana dyaÌkituka tadi dya sina dya mupfundila ."» 12 «Luhulusu lweku mwena mutu wahika yuka ka mwena Yandi ku, mukuma mweku khumbu ya hika, mu sina dya zilu, yina bahana kwena batu yina tufwani twahulukila.» 13 Mu kumona kikumbwala kya Phetelu yi Yowani, baÌyituka lawu, mukuma bakala bazayila ni bawu batu bakonda longuka, baÌbakula phi ni babana baÌzinga yi Yesu. 14 Kaasi bwosu bakala mona, hana kabeta ka bawu, mutu wuna waÌbeluka, wutelamiki, baÌmonaku hika kima kya kuzonza. 15 BaÌbasenda batelama ha mbasi, amana baÌyandika kutendana bawu yi bawu, 16 yi kuzimbulaka: «Biki twabaÌhanga batu baba? Kikuma, batu boosu ba Yelusalemi bazayi ni kiphadi kyaki kya mbuta, mu nzila ya bawu kisalamini amana twalendakyoku mu kutuna. 17 Kaasi tubakandisenu ndangu dyambu dina diyalanganaku lawu ha kati dya batu, bazonziladyoku keti kwena mutu mosi mu khumbu yina.» 18 Amana baÌbatela, baÌbakandisa phi mu kuzonzila keti kulonga hika mu khumbu ya Yesu. 19 Kaasi Phetelu yi Yowani babavutwadi: «Bwalunga bwenina ku mesu ma Nzambi yukani twalemvukila benu hana tufwani kulemvukila Nzambi? Zengenu benu-benu. 20 Mukuma betu, tufwaniku kubusa kuzonzila mambu mana twaÌmona yi mana twaÌyuka.» 21 Malemba baÌbayangisa hika kunima baÌbayambwadila, baÌmonaku phila ya kubahekila ndola; kikuma batu boosu Nzambi bakala zatula mu kumona mambu mana maÌluta. 22 Mukuma mutu wuna waÌbeluka mu kiphadi kina kaÌkala yi mvula ziluti makumaya. 23 Kunima dya kubasula, Phetelu yi Yowani benda menika kwena banduku ba bawu mambu mana moosu baÌbazimbwala kwena malemba yi banganga Nzambi. 24 Buna baÌyuka bwabuna, boosu baÌthuta ndinga mu kimosi, kwena Nzambi amana baÌzimbula: «Mulongi, ngeyi waÌhanga tsi yi zilu yi mayanga yi bina byosu byenamwa. 25 Ngeyi waÌzonza, mu ngolu za Kitembu Kyatoma, mu munwa wa khaka wetu Tavidi musadi waku: “Kikuma kya biki bibati vwalanganina bikanda byosu? Amana kikuma kya biki batu bakasi mafwongu makonda kima? 26 Bakyamvu ba tsi batelami, amana bapfumu phi bakutakani kikuma kya kunwanisa Pfumu yi Kidisitu wandi." 27 Mukuma, mu kyedika, ni kikuma kya kunwanisa musadi waku watoma wuna waÌyadika Yesu bakasidi fwongu Eloti yi Phosi Philatu mu mbanza yayi, kumosi yi makanda yi batu ba Kiseledi. 28 Kikuma kya kulungisa lwesi byosu bina waÌtekila zola mu ngolu zaku. 29 Amana buthwena, Pfumu, tala tsokisila za bawu amana hana ngolu kwena basadi baku mu kulonga malongi maku yi kikumbwala. 30 Lambula koku dyaku ndangu kubeluka kwakala, bidimbu bya khumbwa yi biphadi bya phila yi phila byamoÌnika mu khumbu ya musadi waku watoma Yesu.» 31 Tangwa baÌlombila, homa hana baÌkala, haÌningana. Boosu baÌbasa yi Kitembu kyatoma, bakala longa phi ndinga ya Nzambi yi kikumbwala. 32 Kibuka kya batu bana baÌkwikila kyaÌkala yi mbundu mosi yi moya mosi. HaÌkalaku mutu wakala zimbula ni bima byandi kikuma kya yandi buhika; kaasi kosu kima kyaÌkala mu kimvuka. 33 Amana yi ngolu za lawu, bathumwa, bakala ta kimbangi kya lufutumuku lwa Pfumu Yesu; amana phi khenda za lawu zaÌkala bawu boosu. 34 Amana ha kati dya bawu, ka mutu ku waÌkala yi mupfunu wa kima. Mukuma boosu bana baÌkala yi bilanga holo yi nzu, bakalabya tekisa, banati thalu yina baÌtekisila, 35 bazesibya muna malu ma bathumwa; amana bawu bakala kabisa kwena kosu mutu, bwosu bwaÌkala mupfunu wandi. 36 Bwabuna Yozefu, wuna bakala tela Balanabasi kwena bathumwa, disongidila: «Mutu wisi hana kikesa», mulefi, mwisi Siphe, 37 waÌtekisa mafu mamosi mana kavwa, waÌnata makuta amana waÌsikulama muna malu ma bathumwa.