MIHANGU 24

1 Kunima bilumbu bitanu, nganga Nzambi wa mbuta Ananiya waÌkulumuka ku Sezale ha kimosi yi ndambu ya malemba yi nganzi mosi, khumbu yandi Teditulusi. BaÌmufunda Pholu kwena pfumu wa kinzunga Fidikisi . 2 BaÌmutedisa Pholu amana Teditulusi waÌyandika mu kumufunda bwabu: «Pfumu, kikuma kya kisalu kyaku yi buna wubati yidikila mambu ma tsi yayi, hahana thwenina yi ngemba ya singu yayi. 3 Thwisibya zaya kosu tangwa yi muma mwosu yi mbundu yimosi, pfumu wambuta Fidikisi. 4 Kaasi, mukusya ni yikuhitisaku tangwa ngeyi, yikubokwadidi ni watambwasa mu kutuhinikina yi kyesi kyosu muna koma ka tangwa. 5 Kikuma tumoniki ni, mutu yandu kenina mvwanzi. Ngyuma kisi sanda hana kati dya Bayuta boosu, hana tsi yina bisi zingila; kenina mutwadisi wa dingumba dya bisi Nazaleti . 6 KaÌzodiki phi ni kasumuna nzu ya Nzambi, hahana twaÌmukwatidini. [Tuzodiki ni twamufungwasa bwosu mibati lombila mitsiku myetu, 7 kaasi Dizyasi pfumu wa baphumbulu wisi yakidila amana wumubotudi mu moku ma betu, 8 hangi tutumi thwisa mufunda ku thwala ya ngeyi .] Wufwani kumuhyula ngemeni, ndangu wazikisa moosu mana tubati mufundila.» 9 Bayuta boosu baÌtambwasa hanga mbedi ni bwa bukheti bwaÌkala bwabuna. 10 Kunima dya kumusongila mu kidimbu ndangu kazonza kwena pfumu wa kinzunga, Pholu waÌtambula ndinga, wuzimbudini: «Nzayibwa ni tukidila ndambu ya mvula za lawu wenina zusi wa tsi yayi, yi kivuvu kyosu yisaÌmbila ku mesu ma ngeyi. 11 Bwosu wufwani wazikisabwa ngeyi-meni, khaku kedi hahita bilumbu kumi yi byodi, tukidila buna yitombukidi ku Yelusalemi mu kufukamina Nzambi. 12 BaÌngwanaku keti muna nzu ya Nzambi, keti muna nzu za kimvuka za Bayuta, keti muna mbanza ni mbati finda phaka yi mutu kondilo kulundika mulumba-lumba wa batu. 13 BaleÌndaku, buthwena bwabu, mu kukusongila kima kina babati pfundila. 14 Kaasi, nzayibwa ku thwala ya ngeyi ni muna Nzila meni yayina, babati tela bawu ni yambi, mwamuna phi yisi sambidila Nzambi wa batata betu; yisi kwikila phi muna mambu mana baÌsonika mu Mitsiku yi Bambikudi. 15 Yenina yi kivuvu mwena Nzambi, bawu meni phi bazayibwa ni lufutumuku lwakaÌla kikuma kya batu ba masonga yi batu ba mbi. 16 Yihakana, meni phi, yisi sila ngolu ni yikala yi katsatsa ka bukheti, ku mesu ma Nzambi keti kwena batu. 17 «Kunima mvula za lawu yiÌsa ku Yelusalemi mu kuhana mulambu wa khenda kikuma kya batu ba tsi yama yi kutambika makabu kwena Nzambi. 18 Hahana baÌngwana mu nzu ya Nzambi. Wakasemi, konda kulumbika batu keti mvwalangani. 19 Kaasi ndambu ya Bayuta lwesi baÌtuka ku Aziya baÌkala hana, bawu bafwaniki kwisa telama ku thwala ngeyi mu kupfunda, yukani kima benina kyawu kitadidi meni. 20 Kondilo, baba bazimbula keti khi kifu bakhwatiki kyawu tangwa batsambisiki ku thwala ya kibuka kyambuta. 21 Akolu yakala ndinga yina yiÌthuta, wa mutendendi kuna thwala bawu: “Kikuma kya lufutumuku lwa bafwa, meni, tsambidi lelu, ku thwala ya benu!"» 22 Fidikisi, yandi, waÌtekila dizayila mambu mana matadidi Nzila, waÌvutulakya kinzonzi mu kilumbu kyahika. Wubazimbwadi: «Tangwa kakwiÌsa tudibeni Dizyasi, hanana yiÌtaladya dyambu dya benu.» 23 KaÌsenda kwena satudiyoni ni kamutalaka amana kamusisila ndambu ya tangwa dya kusala luzolu lwandi, konda kukandikisa ni bakwawu khunda bamusadisa. 24 Kunima dya ndambu ya bilumbu, Fidikisi wiÌsa yi mukhetu wandi Thusila , wuna waÌkala muyuta. Amana waÌtuma ni benda mubonga Pholu. WaÌmuhinikina buna kakala zonzila mambu matadidini lukwikilu mwena Yesu Kidisitu. 25 Kaasi bwosu kakala zonzila, pholu, mu mambu matadidi khadidi ya masonga yi kusipha kwa mbundu yi pfundusu yina yakwiÌsa, Fidikisi, bweya bwaÌmukwata, wumuzimbwadi: «Buthwena, awenda kwaku; Ha yimoÌna tangwa, yikuÌtedisa.» 26 Kakala yi kivuvu ni ngatu Pholu makuta kamuheka; yihana kakala muzyetisila ndangu basolulaka yi yandi. 27 Mvula zodi zaÌhita bwabuna, kunima Fidikisi baÌmuhingana kwena Phokuyusi Fesitusi. Bwosu kaÌzola ni kabasephidisa Bayuta, Fidikisi waÌmusisa Pholu muna boloku.