MIHANGU 22

1 «Baphangi bama yi batata bama, yukenu buthwena mana yenina mawu mu kuluzimbwala kikuma kya kudikutumuna kwama.» 2 Buna baÌyuka ni kakala bazonzila mu ndinga ya Bayuta, talala dyekina hika dya lawu. Pholu wuzimbudini: 3 «Meni, yenina Muyuta. YiÌbutwakila ku Talasi muna kinzunga kya Sidisi; kaasi muna mbanza meni yayi tsatsukidini, ndongwakidi phi, muna malu ma Ngamadyedi, yandi wuna waÌndonga mboti-mboti mitsiku mya batata betu. YiÌkala mutu wabasa yi tsambu yiluti kitesu kikuma kya Nzambi, bwosu lweninabwa benu boosu lelu. 4 YiÌnyokuna yi kuna lufwa bana bakala landa Nzila yayi, mu kukwatisaka bakhetu yi bayakala yi kubakotisa mu boloku. 5 Keti mbuta wa banganga Nzambi yi kibuka kya mbuta kya malemba bafwani mu kuta kimbangi kyama. YiÌtambula phi kuna moku ma bawu mikanda mya nzila kikuma kya baphangi ba bayuta bana bisi landa Nzila yayi kuna Tamasi. Yenda kwakuna ndangu yikwata bana baÌkala kuna amana yibanata ku Yelusalemi ndangu babaheka ndola.» 6 «Mu nzila yiÌkala amana yikala bwesuka ku Tamasi, muna mbala mosi, muna mwinyakati, mitsyenzya mya lawu myaÌtuka kuna zilu, myaÌkyenzula homa hosu hana yiÌkala. 7 Hanga mbwini ha tsi amana ngyuki ndinga yimosi yakala nzimbwala: “Sawulu, Sawulu, kikuma kya biki wubati ndyokwanina?" 8 Hanga mvutudini: “Nati wenina ngeyi Pfumu?” Yandi wunzimbwadini: “Meni, yenina Yesu mwisi Nazaleti, wuna wubati nyokuna ngeyi." 9 Bana baÌkala yi meni baÌmona mitsyenzya, kaasi baÌbakulayoku ndinga ya wuna wakala nzonzisa. 10 Hanga nzimbudini: “Biki pfwani mu kuhanga, Pfumu?” Pfumu wunzimbwadini: “Telama, ndawenda kuna Tamasi, amana kwakuna bakuÌzimbwala moosu mana wufwana mu kuhanga." 11 Bwosu yikalaku mona hika, kikuma kya khembu ya mitsyenzya mina, bana baÌkala kumosi yi meni baÌtsimba kuna koku mu kundatisa, amana yiÌtula ku Tamasi. 12 «Kinga haÌkala yi mutu mosi khumbu yandi Ananiya, mutu wakwikama mu mitsiku, wuna bakala hanina kimbangi kya mboti kwena Bayuta boosu bana bisi zingila kwakuna, 13 wiÌsa kwena meni amana wunzimbwadi: “Sawulu, phangi wama, mona hika!” Muna tangwa medina, ngyandiki kumona hika, amana yimumoni. 14 Amana wunzimbwadi hika: “Nzambi wa batata betu waÌkusola mu kuzaya luzolu lwandi, ndangu wamona mutu wa Masonga amana wayuka ndinga yandi. 15 Mukuma wakaÌla mbangi kikuma kya yandi, ku thwala boosu, muna mambu mana wumonini yi mana wuyukini. 16 Amana buthwena, biki wahaÌnga? Telama, tambula mbotika, tumbula zina dya Pfumu ndangu wasukuka mu masumu maku."» 17 «Mu kuvutuka ku Yelusalemi, tangwa yikala lombila muna nzu ya Nzambi, mboni mbona mesu. 18 Amana yimumoni Pfumu, wuna waÌnzimbwala: “Hanga tswatsu, katuka tswatsu ku Yelusalemi, mukuma batu bana bataÌmbwasakyoku kimbangi kyaki wathiÌla." 19 Meni mvutudini: “Pfumu, bazayi mboti ni yikala kwenda muna kosu nzu za kimvuka za Bayuta mu kusya yi kubetisa bana bisi kwikila mwena ngeyi. 20 Amana tangwa baÌnokisa menga ma mbangi waku Kitsyeni, hana yiÌkala meni-meni, yiÌbatambwasa, yikala simba miledi mya batu bana baÌmuhonda ." 21 Hanga wunzimbwadini: «Ndawenda, meni yikuÌtuma kwena baphani!"» 22 BaÌmuhyinikina tii yi kuna ndinga yayi; kaasi hanga bathuti ndinga amana bazimbudi: «Kafwa! Ka mboti ku mu kusisa mutu wa mutindu wawu ni kazinga mu tsi yayi!» 23 Bakala kalunga, kulosa miledi mya bawu yi kutimbulaka mufututu muna zilu. 24 Tudibeni waÌsenda ni bamukotisa mu kaa dya baphumbulu amana bamubeta kikuma kya kumuzonzisa, ndangu bazaya kikuma kina bakala mukalwangina bwabuna kikuma kya yandi. 25 Bwosu bakala mukasa yi tsibu, Pholu waÌzimbula kwena satudiyoni wuna waÌkala hana: «benu, lufwani kubetisa fimbu mwisi mbedi ya Loma yandu bakondi sambisa ?» 26 Tangwa kaÌyuka bwabuna, satudiyoni wenda menika kwena tudibeni, wumuzimbwadi: «Biki wahaÌnga? Mudyambu mutu yandu kenina mwisi Loma!» 27 Tudibeni wiÌsa kwena Pholu amana wumuzimbwadi: «Nzimbwala, ngeyi, mwisi Loma wenina?» «Eeh», wuvutudi bwabuna. 28 Tudibeni wuvutwakidi hika: «Meni, mu mbongu za lawu yiÌbongila muswa wawu!» Pholu wuvutudini: «Meni, tukidila lubutuku lwama. » 29 Muna tangwa medina, batu bana baÌzola mu kumuzonzisa, baÌhaluka kyana; amana tudibeni waÌyuka bweya, kikuma kya buna kaÌbakula ni mwisi Loma wuna kakasisikini. 30 Kilumbu kyalanda, mu kusanda kazaya kyedika kina bakala mufundila, Pholu, kwena Bayuta, waÌmukutwamisa misinga amana waÌsenda kwena bambuta ba banganga Nzambi yi kimvuka kyosu mu kukutakana; kunima, waÌmukulumuna Pholu amana waÌmusya kuna thwala ya bawu.