MIHANGU 10

1 KwaÌkala kuna mbanza ya Sezale, yi mutu mosi khumbu yandi Kodineyi, satudiyoni , muna kibuka kina bakala tela: «baphumbulu ba Kitadi.» 2 Mutu meni wuna kaÌkala mutu wakwikama. Yandi yi nzu yandi yosu kakala zitisa Nzambi. Kakala hana makabu ma kihomba lawu kikuma kya batu yi kulombilaka Nzambi kosu tangwa. 3 Kilumbu kimosi, muna tangwa dya tatu dya masikidika, hanga mu mbona mesu, kaÌmona wengele. Wanzyo mosi wa Nzambi waÌkota muna nzu yandi amana wumuzimbwadi: «Kodineyi!» 4 Yandi wumutadi swii yi kadingu-dingu kamukwati amana wumuzimbwadi: «Biki, Pfumu?» Wanzyo wumuvutwadi: «Nzambi wutambudi bisambu byaku yi makabu maku ma kihomba kwena baphutu amana kakuzimbakaniku. 5 Buthwena bwabu, tuma bayakala kuna Zophe amana mutedisa mutu mosi, Simoni, bisi tela: Phetelu. 6 Yandi kuna nzu ya Simoni mukwawu, muyidiki wa mikanda mya bambisi, kisi nimba, nzu yandi yenina ku kabeta ka yanga.» 7 Buna kenda wanzyo wuna waÌmuzonzisa, Kodineyi waÌtuma basadi bandi bodi yi phumbulu mosi wuna wakakala zitisa Nzambi hana kati dya baphumbulu bana bakala bela-bela yi yandi. 8 Buna kaÌbamenika moosu, waÌbatuma ku Zophe. 9 Kilumbu kyalanda, bwosu baÌkala muna nzila amana baÌtula bela-bela yi mbanza, Phetelu waÌzanza hana mudilu wa nzu, mu kati kya mwini, kikuma kya kulombila. 10 WaÌyuka nzala amana waÌsanda kadya. Buna bakala mulambila bima, waÌmona mbona mesu. 11 KaÌmona zilu dyakanguka amana kima kimosi hanga kitemba kyambuta kya muledi, kyakala tuluka, baÌzitikila mu tsongi ya, amana kyaÌthetama yi hana tsi. 12 Amana mwamuna, mwaÌkala yi bambisi ba malu maya boosu, yi bina bisi landanda mu mafu yi banuni ba ku zilu. 13 Ndinga mosi yimuzimbwadi: «Telama, Phetelu, honda amana wadya!» 14 Amana Phetelu wuzimbudi: «Loni, Pfumu, khaku kedi ndya kima kya khengu, keti kya mukuku.» 15 Ndinga yaÌyukalakana hika mu mbala ya zodi: «Kina kasemisi Nzambi, ngeyi wumonakyoku mvindu.» 16 Bwabuna bwaÌsalama mbala tatu, kunima kitemba kyaÌtombuka ku zilu. 17 Phetelu, mabanza maÌmuvwalangana, waÌyandika mu kudihyula keti biki disongidila dya mbona mesu yina kaÌmona. Kutala, batu bana baÌtuma kwena Kodineyi, bakala hyula nzu ya Simoni, baÌtula muna mwelu. 18 Hanga baÌtela amana baÌhyula: «Kwaku kisi nimba, Simoni wuna bisi tela Phetelu» 19 Phetelu buna kakala banza hika mbona mesu yina, Kitembu Kyatoma waÌmuzimbwala: «Tala batu batatu babati kusanda. 20 Telama, tuluka amana awenda yi bawu konda keti-keti, mukuma meni yibatumi.» 21 Phetelu waÌtuluka amana waÌbazimbwala batu bana: «Meni yandu lubati sanda. Biki lwisidi haka?» 22 BaÌvutula: «Satudiyo Kodineyi, wututumi. Mutu walungila, kisi zitisa Nzambi. Amana kanda dyosu dya Bayuta dyisi mutambwasa. Wanzyo mosi watoma kaÌmuzimbwadiki ni kakutedisa kuna nzu yandi ndangu kayuka buna wenina bwawu mu kumuzimbwala.» 23 Phetelu waÌbakotisa amana waÌbayamba phipha meni yana. Kilumbu kyalanda, waÌsimba nzila amana wenda hakimosi yi bawu. Baphangi bahika ba ku Zophe benda basindikila. 24 Kilumbu kyalanda, Phetelu waÌtula ku Sezale. Kodineyi kakala bahingila amana waÌtedisa kuna nzu yandi biwutu byandi yi banduku bandi. 25 Buna kaÌtula Phetelu, Kodineyi wenda mukhikila, waÌbwa muna malu mandi amana waÌmufukamina. 26 Kaasi Phetelu kaÌmutelamisa, mu kuzimbula: «Telama, mukuma meni phi mutu yenina hanga ngeyi.» 27 Kuna yi kuyambilaka yi yandi, waÌkota amana kaÌwana lawu dya batu bana bisa khokana. 28 KaÌbazimbwala: «Luzayi ni mitsiku myetu myisiku tambwasa ni Muyuta mosi kadikasa yi munzenza kondilo kukota mu nzu yandi. Kaasi Nzambi kaÌtsongidiki ni pfwaniku yimona mutu hanga wuna wakonda lunga kondilo wakuhunga. 29 Yihana ni tangwa lutumiki mutu mu kuthela, yisiki konda tendu. Nzodi yizaya keti kikuma kya biki luthedisidiki.» 30 Kodineyi wuzimbudi: «Bilumbu bitatu kedi bilutini tukidila buna yikala lombila kuna nzu yama, muna tangwa dya tatu dya masikidika, muna mbala mosi, kutala mutu mosi yi miledi mya katoki myakala kedyamina, wuthelamini kuna thwala, 31 amana wunzimbwadini: “Kodineyi, Nzambi wutambudi lombilu lwaku yi makabu maku ma kihomba kwena baphutu. 32 Tuma mutu kuna Zophe mu kutedisa Simoni wuna bisi tela Phetelu. Yandi kisi nimba muna nzu ya Simoni, muyidiki wa mikanda mya bambisi, kuna kabeta ka yanga dya mbuta." 33 Muna mbala mosi, yikutumini bayakala bamosi, amana wutambwasi mu kukwisa. Buthwena bwabu, ku thwala ya Nzambi thwenina betu boosu, kikuma kya kuyuka moosu mamana kakulongikidi Pfumu mu kutuzimbwala.» 34 Phetelu waÌtambula ndinga amana wuzimbudi: «Mu kyedika, mbakudi ni Nzambi kisiku yekula. 35 Kaasi muna kanda dyosu, wuna wisi muzitisa yi kusadila masonga, kisi mutambwasa. 36 KaÌhitika ndinga kwena bisi Kiseledi, mu kubasamwana Musamu wa Bukheti wa ngemba mu nzila ya Yesu Kidisitu, yandi wenina Pfumu wa boosu. 37 Benu, luzayi mana maÌbwa mu Yuteya dyosu, tukidila ku luyandiku muna Ngadidi, kunima mbotika yina kaÌsamuna Yowani. 38 Luzayi buna kaÌfwebula Nzambi ngolu za Kitembu Kyatoma kwena Yesu mwisi Nazaleti. Mwosu muna kakala hita, kakala hanga makheti yi kubuka boosu bana baÌkala mu kihika kya kiphidi-mutu, mukuma Nzambi kaÌkala kumosi yi yandi. 39 Amana betu, thwenina bambangi ba mambu moosu mana kaÌhanga mu tsi ya Bayuta yi kuna Yelusalemi. Wuna baÌhonda mu kumukhoka hana kitakani. 40 Kaasi, Nzambi waÌmufutumuna mu kilumbu kya tatu; yandi waÌmulubula ndangu bamumona, 41 heku ni kwena kanda dyosu, kaasi kwena bambangi bana katekila sola Nzambi yi kwena betu bana twaÌdya amana twaÌnwa kumosi yi yandi ku manima ma kufutumuka kwandi ha kati dya bafwa. 42 Amana waÌtutuma mu kusamuna kwena kanda yi kuta kimbangi ni yandi wuna katekila sola Nzambi zusi dya batu bana bisi zinga yi bana bafwa. 43 Bambikudi boosu bisi ta kimbangi ni wosu wuna wukwikidi mwena yandi, muna khumbu yandi, wutambudi ndoluka ya masumu.» 44 Buna kakala zonza Phetelu bwabuna, Kitembu Kyatoma kyaÌbakulumukina batu boosu bana bakala hinikina Ndinga yandi. 45 Bakwikidi boosu ba bayuta bana biÌsa kumosi yi Phetelu, baÌyituka lawu mu kumona kabu dya Kitembu Kyatoma kukulumuka kwena baphani. 46 Mukuma bakala bayuka batu bana mu kuzonza mu ndinga zina bakondi zaya, yi kuzatulaka kineni kya Nzambi. Hanga Phetelu wuzonzi: 47 «Tufwani mu kukandikisa mbotika kwena batu bana, bawu batu batambudi Kitembu Kyatoma hanga betu?» 48 WaÌsenda ni babotika mu khumbu ya Yesu Kidisitu. Hanga bamulombi ni kananga hika ndambu ya bilumbu kwakuna.