MIHANGU 1

1 Muzitu Thyofila, Muna mukanda wama wuna watheti, yiÌzonzila moosu mana kaÌhanga Yesu yi mana kaÌlonga tukidila ku luyandiku 2 yi kuna kilumbu kina kaÌtombwakila ku zilu. Ku thwala ya kunyokuka kwandi ku zilu, waÌhana milongi, mu ngolu za Kitembu Kyatoma, kwena bathumwa bana kaÌsola. 3 Kwena bawu phi kaÌmonika wamoya, ku manima ma lufwa lwandi, yi mitindu mya lawu mina kaÌdisongila, mu bilumbu makumaya ndangu kabasongila ni mukyedika, mu luzingu kenina: kakala monika yi kubazonzilaka mambu matadidi Kipfumu kya Nzambi. 4 Kilumbu kimosi kakala dya ha kimosi yi bawu, waÌbaheka mulongi wawu: «Lwendaku kyana yi Yelusalemi, kaasi hingilenu kilangi kina kaÌsila Tata, bwosu yiÌlumenikinabwa. 5 Yowani kaÌbotika yi mamba, kaasi benu, mu bilumbu bya khunda, lwaboÌtama yi Kitembu Kyatoma.» 6 Bana bakala bakutakana baÌmuyufula bwabu: «Pfumu, buthwena wavutulula Kipfumu kya Kiseledi?» 7 Yandi waÌbavutwala: «Malutadiku mu kuzaya tangwa holo kilumbu kina kaÌzenga tata mu hamu dyandi. 8 Kaasi tangwa kaluÌkulwamukina Kitembu Kyatoma, lwataÌmbula ngolu zandi amana lwakiÌtuka bambangi bama mu Yelusalemi yi mu Yuteya dyosu yi mu Samadiya yi kuna tsuka ya tsi.» 9 Buna kaÌzonza ndinga meni zina, bwosu bakala tala, Yandi waÌtombuka ku zilu, tuti dimosi dyaÌmufiÌdinga amana baÌmumonaku hika. 10 Bwosu bakala tala ku zilu kuna keÌnda yandi, batala bwabu, batu bodi, mu miledi mya phembi , baÌbatelamina 11 bazonzi phi: «Bisi Ngadidi, kikuma kya biki lutelaminiki haka mu kutala ku zilu? Yesu wuna dihambudi yi benu, wendi ku zilu, kakwisa vutuka kaka bwosu lumumoni kendi ku zilu.» 12 Hanga bavutuki ku Yelusalemi, buna baÌtuka ku mongu wa Olive. Wuna wakala bela-bela yi Yelusalemi, muna nzila yina baÌkangala kitesu kya kilometele dimosi. 13 Amana tangwa baÌkota, bazanza ku mwanza wambuta wa ku zilu kuna bakala kutakanina theti. KwaÌkala: Phetelu, Yowani, Zyaki, Andele, Fidiphu, Toma, Batolomi, Mathayi, Zyaki mwana wa Alufwe, Simoni wuna waÌkala theti mu dingumba dya bana bisi nwanina diphandasi, yi Yuta mwana wa Zyaki. 14 Bawu boosu baÌkwamina mu kimvuka mu kulombilaka homa ha mosi, kumosi yi bakhetu, yi Madiya ngudi wa Yesu, yi baphangi ba Yesu. 15 Kilumbu kimosi muna bilumbu meni bina, Phetelu waÌtelama hana kati dya bakwikidi, thalu ya batu bana baÌkala mu kimvuka yakala kitesu kya khama mosi yi makumodi hanga wuzimbudi: 16 «Baphangi bama, bwaÌfwana malungila Masonuku ma Kitembu Kyatoma, muna munwa wa Tavidi, mana katekila zonza kikuma kya Yutasi, wuna waÌsongila nzila kwena batu bana bamukwata Yesu. 17 Mukuma kaÌkala mosi mu kati dya betu, amana waÌtambula kiyeka kyandi mu kisalu meni kyaki.» 18 Kunima kusumba kilanga kimosi yi mbongu zina baÌmufuta kikuma kya mbi yandi, wabwa wabukama, kundu dyaÌmuyatuka ha kati-kati, mitsyobu myosu mimulubuki. 19 Amana tsangu zaÌyalangana kwena bisi Yelusalemi, tii yi kuna baÌtedilakya kilanga meni kina mu ndinga ya bawu ni «Hakheditama», disongidila: «Kilanga kya menga». 20 Amana Phetelu waÌvutwakila hika: “Kinga baÌsonika mu mukanda wa mikunga: nzu yamuÌkituka yamba, amana keti mutu kaziÌngilahoku.” Amana: “Ni mutu wa hika katambula kiyeka kyandi." 21 «Bulungi ni mu kati dya batu bana bisi tusindikila tangwa dyosu dina kakala kwenda yi kukwisa, Pfumu Yesu ha kati dya betu, 22 tuka ku mbotika ya Yowani tii yi kuna kilumbu kina kaÌtombwakila ha kati dya betu, mosi wa batu meni bana kakituka mbangi wa lufutumuku lwandi ha kimosi yi betu.» 23 Amana baÌlubula bayakala bodi: Yozefu wuna bakala tela Badisaba, bakala mutela hika ni Yusitusi, yi Matyasi. 24 Kunima balombidi bwabu: «Pfumu, ngeyi wisi zaya mbundu za batu boosu, songila keti nati, ha kati dya bawu bodi, wusodi ngeyi, 25 ndangu kahingana mu kisalu kyaki, kya kithumwa kina kaÌsisa Yutasi mu kukwenda kuna kwaÌmufwana.» 26 Bahanga babeti zeki hana kati dya bawu bodi, amana zeki dyaÌbwila kwena Matyasi, wuna baÌyika kwena bathumwa kumi yi mosi.