Mukanda wa theti wa Yowani 1Yowani 4

1 Baphangi batondama, lukwikilakaku mwena kosu kitembu; kaasi simbululakenu bitembu mu zayila yuka ni byenina bya Nzambi, mukuma bambikudi ba bukamvi lawu bamwangani mu tsi. 2 Tala buna lwazayila yuka ni Kitembu kya Nzambi wuna: kitembu kyosu kina kyataÌmbwasa ni Yesu Kidisitu kisa mu kimutu kyakina kyenina kya Nzambi. 3 Kaasi wosu wuna wubwisini mu kutambwasa Yesu bwosu buna kenina, yandi keku wa Nzambi, kaasi kenina kitembu kya Mutendi wa Kidisitu: lwaÌyuka ni wuna waÌfwana mu kukwisa amana buthwena wekina kedi muna tsi. 4 Kaasi benu, bana bama, Nzambi wuluvwini amana phi lwaÌbanunga bambikudi ba bukamvi; mukuma Wuna wenina mwena benu kenina wa mbuta kuhita wuna wenina mwena babana bavwini kwena tsi. 5 Batu meni babana, tsi yibavwini. Yihakana ni nzonzidi ya bawu yenina ya mutindu wa batu ba tsi amana tsi yisi bayukila. 6 Kaasi betu, Nzambi wutuvwini. Mutu wuna wumuzayini Nzambi kisi tuyukila; wuna kondi kala wa Nzambi kisiku tuyukila. Bwabuna twalenda zayila Kitembu wa kyedika yi kitembu kina kyisi totisa. 7 Banduku bama batondama, tudizolenu betu yi betu, mukuma lungongu kwena Nzambi lwisi tuka. Wosu wuna wisi zola mukwenu, mwena Nzambi kaÌbutukila amana phi wumuzayi Nzambi. 8 Wuna wisiku zola kaÌbutukilaku mwena Nzambi, mukuma Nzambi kenina lungongu. 9 Tala Nzambi buna kaÌsongila lungongu lwandi kikuma kya betu: Yandi waÌtuma Mwana wandi mosi muna tsi, mu twavwila luzingu lwa mwana Yandi . 10 Amana lungongu meni lwaluna lwenina bwabu: heku ni betu twaÌmuzola Nzambi, kaasi yandi waÌtuzola; waÌtuma Mwana wandi wuna waÌdilambula hanga kimenga kikuma kya ndoluka ya masumu metu . 11 Banduku bama, yuka ni bwabuna kaÌtuzodila Nzambi, tufweti dizola phi betu yi betu. 12 Heku mutu waÌmumona kedi Nzambi. Yuka ni twadizolaka betu yi betu, Nzambi kenina mwena betu, amana lungongu lwandi lwisi lungidila mwena betu . 13 Muna bwabuna, tuzayi ni mwena yandi thwisi nangina, hanga yandi mwena betu: yandi waÌtuheka Kitembu wandi. 14 Amana betu, twaÌmona amana tubati ta kimbangi ni Tata kaÌmuhitika Mwana wandi hanga Muhuludi wa tsi . 15 Wuna wisi tambwasa ni Yesu kenina Mwana wa Nzambi, Nzambi kisi nangina mwena yandi, bwosu yandi mwena Nzambi. 16 Amana betu, tuzayilwa lungongu luna kenina lwawu Nzambi kikuma kya betu, amana thwisi kwikila ni Nzambi kisi tuzola. Nzambi kenina lungongu; wuna wisi nangina mu lungongu, mwena Nzambi kisi nangina, amana Nzambi kisi nangina mwena yandi. 17 Yuka ni lungongu lwakala lwalungila mwena betu, hahana nana twakaÌdila babasa yi kikumbwala muna kilumbu kya pfundusu; bwosu buna kenina Yandi, bwabuna thwenina betu phi mu tsi yayi. 18 Muna lungongu mwisiku kala yi bweya; lungongu lwa mukwandi lwisi katula bweya. Bweya bwaÌdikasa yi kuhingila kwa ndola amana wuna wenina yi bweya keku walungila muna lungongu. 19 Kwena betu, thwisi zola, kikuma yandi waÌtekila tuzola mutu wa theti. 20 Yuka ni mutu kazonzaka: «Nzambi yisi muzola» amana kamengaka phangi wandi, kenina kingumba. Kikuma, yuka ni kisiku muzola phangi wandi yandi kisi mona, kalendaku muzola phi Nzambi wuna kisiku mona. 21 Amana tala mukuku kaÌtuheka: wuna wisi zola Nzambi kafweti zola phi phangi wandi .