Mukanda wa theti kwena bisi Khoditu 1Khoditu 4

1 Bulungi lwatubongaka hanga basadi ba Kidisitu yi batu bana baÌheka kiyekika kya maswekamu ma mabanza ma Nzambi. 2 Kima kyatheti bisi lomba kwena mutu wuna baÌheka kiyekika: kakala mutu wuna basila mbundu. 3 Kaasi kwena meni, kwakala ni benu lubati pfundisa kondilo bazusi ba tsi babati pfundisa, yidiyangisaku kwama. Mbatiku difundisa meni-meni. 4 Mukuma katsatsa kama kabatiku diyangisa, kaasi buna buzonziku ni yidinungisini. Mutu wisi pfundisa, Pfumu. 5 Yi hana ni, lufundisaku kedi ku thwala tangwa dina kaÌsila. Hingilenu yi kuna kakwiÌsila Pfumu: yandi wakwisa tungulula bitsweki bina bya mu phipha amana kasaÌmuna mabanza ma mbundu za batu. Amana kosu mutu kataÌmbula lukumu luna kwena Nzambi. 6 Baphangi bama, kikuma kya benu thambwadini meni bifwanisu bya mambu ma Apholosi yi ma meni-meni kikuma kya kulongila, ndangu lwabakisa. Nzodi ni, muna mbandu ya betu, lwalenga tambula kikuma kya mutsiku wawu: «Ludimbukaku mbambi ya mambu mana maÌsonama.» Ndangu keti mosi wa benu kaditsikisaku mu kuyekamina kwena mosi amana kamenga mukwawu. 7 Kikuma, nati wubati kuswaswanisa ngeyi? Khi kima wenina kyawu, kina wakonda tambula? Amana honi waÌtambulakya, kikuma kya biki wubati sila lulendu hangambedi ni waÌtambulakyoku ? 8 LwaÌtambula kedi benu mambu mana moosu lwenina mawu mupfunu! LwaÌkituka kedi bamvwama! LwaÌyandika kedi kuyala konda betu! Kyedika; meni yizoÌla ni lwayala mu kyedika ndangu betu phi twayala hakimosi yi benu. 9 Mukuma, yisi banza ni, Nzambi waÌtutenginika betu bathumwa ha kifulu kya tsuka: Thwenina hanga batu bazeÌngila ndola ya lufwa: ndangu batuhonda ku mesu ma batu ba ha tsi yi ku mesu ma banzyo ba Nzambi yi kwena batu boosu. 10 Betu thwenina bilawu kikuma kya Kidisitu, kaasi benu lwenina batu badimuka mwena Kidisitu; betu thwenina balembwa; benu lwenina yi kikesa. Benu babati luzitisa kaasi betu, babati tulewula! 11 Yi kuna tangwa dyadidi, ba kuyengika thwenina ku nzala, ku kihwinya, ku kikhonga, ku fimbu amana tukondi kizika kya kuzakadila . 12 Thwisi nyokuka mu kusala yi moku metu. Ata batutukwani, thwisi basakumuna. Ata batuyangisini, thwisi sipha mbundu. 13 Ata batuhunini musamu, betu thwisi hana kikesa. Amana tii yi lelu dyadi, kikuma kya batu boosu, thwenina hanga tswala za mu tsi, hanga bima bya mvindu bina bisi losa. 14 Yilusonikinibwoku kikuma kya kulukwatisa tsoni, kaasi kikuma kya kululwengisa hanga bana bama batondama. 15 Kikuma keti bweti lwenina yi balongi mafunda kumi mu kimvuka yi Kidisitu, lwakaÌlaku yi batata balawu: meni yiÌlubuta mu Kidisitu Yesu, muna nzila ya Musamu wa Bukheti. 16 Amana, yiluhekini kikesa ni lwalanda mbandu ya meni. 17 Yi bwabuna ni, yiluhitikini Thimoti, yandi kenina mwana wama watondama yi wuna fwani yisila mbundu mwena Pfumu. Yandi kaluyubwakisa nzila zama mu kimvuka yi Kidisitu [Yesu], bwosu yisibwa longa muma mwosu, muna mabundu moosu. 18 Batu bahika mukati dya benu bazakami yi lulendu, babati banza ni yikwisaku lutala benu. 19 Kinga ka thama ku, ho ni Pfumu kazola, yikwisa lutala. Amana yitaÌlaku lwesi ndinga kaasi ngolu za babana benina babasa yi lulendu. 20 Kikuma Kipfumu kya Nzambi kyeku lwesi mu ndinga kaasi mu ngolu. 21 Biki luzodini? Ni yisa lutala yi fimbu, kondilo mbundu yabasa yi lungongu yi talala?