Mukanda wa theti kwena bisi Khoditu 1Khoditu 10

1 Nzodi ni lwayubuka, baphangi bama, mambu mana maÌluta kwena bakhaka betu muna tangwa dya Moyize. Bawu baÌkala ba kutanina ku sina dya tuti, boosu phi baÌlabuka yanga dya kabengi. 2 Bawu boosu baÌbotama mu kithwadi yi Moyize muna tuti yi muna yanga dya mbuta. 3 Bawu boosu badya madya mamosi ma Kitembu Kyatoma 4 amana boosu banwa mamba ma Kitembu Kyatoma: kikuma, bakala nwa ku kitadi kya mu Kitembu kyakina kyakala balanda, amana kitadi meni kina kyaÌkala Kidisitu. 5 Kinga, batu balawu mukati dya bawu baÌkalaku yi tsambu za bukheti kwena Nzambi, yihana basala fwila muna nganga. 6 Zenina mbandu kikuma kya betu, ndangu tukalaku yi tsambu za mambu mambi hanga buna baÌhanga bawu. 7 Lukitukaku bafukamini ba nzambi za biteki buna baÌhanga batu bahika mukati dya bawu, bwosu maÌsonama Masonuku: «Batu bazakadi kikuma kya kudya yi kunwa, kunima batelami kikuma kya kutamba.» 8 Tudilambulaku ku mbongi bwosu baÌhanga batu bahika mukati dya bawu, amana mafunda makumodi yi matatu ma batu bafwa muna kilumbu kimosi. 9 Tumuleyaku Kidisitu, bwosu baÌhanga batu bahika mukati dya bawu, hanga bamani bahonda kwena banyoka. 10 Ludinyengakaku, bwosu baÌhanga batu bahika mu kati dya bawu, wanzyo muzangi waÌbakulula. 11 Kinga byosu bina byaÌbayisila ndangu byabaheka mbandu; amana baÌsonikama kikuma kya kutulwengisa betu batu babana thwekina ku tangwa dya tsuka ya tsi. 12 Yihana ni, mutu wuna wubanzi ni watelama kenina, kalwenga ndangu kabwaku. 13 Heku kimeka kyaÌlubwila konda kyatuka kwena batu. Kinga Nzambi kenina wakwikama ku bilangi byandi, kaÌluyambwadilaku ni lwabwa mu kimeka kihitini kitesu kya ngolu zenu; kaasi mu tangwa dya bimeka, yandi kaluÌheka ngolu za kuvibidila yi phila ya kununginabya. 14 Yihana ni baphangi bama batondama, tinenu mu kufukamina nzambi za biteki. 15 Mbati luzonzila hanga kwena batu ba ngangu; fundisenu benu-benu kikuma kya mambu mama nzimbudini. 16 Bungu dya lusakumunu dina thwisi hanina lusakumunu: kakyaku kimvuka yi menga ma Kidisitu? Dipha dina thwisi bukuna: kakyaku, kimvuka yi lutu lwa Kidisitu? 17 Bwosu dyenina dipha dimosi lwesi, mbatanana thwenina lawu, lutu lumosi thwenina, mukuma dipha dimosi thwisi dya betu boosu. 18 Talenu kanda dya Kiseledi mu kimutu: babana bisi dya mbisi zina batambikini ku kimenga, bawu beku mu kithwadi yi Nzambi kuna mesa ma kimenga? 19 Amana biki nzimbudini, nzambi wa kiteki holo mbisi zina balambudini kwena nzambi za biteki bilutini mupfunu? 20 Loni, kaasi kina bisi lambula, kwena bitembu bya mbi bisibya lambula, ka kwena Nzambi ku. Kinga, nzodiku ni lwakala mu kithwadi yi bitembu bya mbi. 21 Benu lufwaniku ni lwanwa bungu dya Pfumu yi bungu dya bitembu bya mbi mu mbala mosi; lufwaniku ni lwadya ku mesa ma Pfumu yi ku mesa ma bitembu bya mbi mu mbala mosi. 22 Kondilo tuzodini ni twavundumuna kiphala kya Pfumu? Ngolu lawu thwenina kuluta yandi? 23 Benu lwisi zimbula ni «baphekini muswa wa byosu», kaasi ka byosu ku byenina mupfunu. «Baphekini muswa wa byosu» kaasi ka byosu ku bisi tunga kimvuka. 24 Ka mutu mosi ku kasanda ndandu ya yandi-meni, kaasi yina ya bakwawu. 25 Dyenu kwenu byosu bina bisi sumbisa ku zandu, konda kudihyula keti kyufu kimosi kitadidini katsasa. 26 Mukuma, bwosu baÌsonika: «Tsi yi bima bina byosu byenina mukati dyandi byenina bya Pfumu.» 27 Honi mutu mosi kondi kala mukwikidi kalutedisa, amana yuka ni lwatambwasa mu kukwenda, dyenu byosu bina baluÌheka, konda kudihyula keti kyufu kimosi kitadidini katsasa. 28 Kaasi yuka ni mutu kaluzimbwala: «Mbisi yayi yitukini ku milambu mina batambikini kwena nzambi za biteki», ludyayoku kikuma kya wuna wulumenikini yi kikuma kya katsasa. 29 Tangwa mbati zimbula haha, heku ni kikuma kya katsasa ka benu, kaasi ka mutu wahika. «Kaasi kikuma kya biki bafundisila kiphwanza kyama mu ka katsasa ka mutu wahika? 30 Ho ni yivutula matondu kwena Nzambi kikuma kya kima kina ndini, kikuma kya biki bandeÌwala kikuma kya madya mana mvutwadini matondu?» 31 Yihana, keti bweti ludini, keti bweti lunwini, kondilo keti bweti luhangini kosu kima kina, hangenu kyosu kikuma kya khembu ya Nzambi. 32 Lukalaku kisinza kya kubwila kikuma kya Bayuta, keti kikuma kya bana bakondi kala Bayuta, keti kikuma kya Dibundu dya Nzambi. 33 Kalenu hanga meni: Mbati meka mu kuhana kyesi kwena mutu wosu muna mambu moosu; heku ni mu kusanda ndandu ya meni hika, kaasi ndandu ya mulumba-lumba wa batu, ndangu bahuluka.