PSALMS 3

1 O Yawe, ani ago ko kager kari memek suen biya! Nuna suen biya nunguningkiri ani agarak kagerawasan! 2 Ale nuna ani ago ko balsan, “Kaem nu me sangukko pa!” masan. 3 Bare Yawe, ni keta suanta aninga karem se ni aninga lautem; ni aninga kager menawusam ale nup biya se sokel aisisam. 4 Ani Yawe kote sail ago niasam, se nu ko duruk laili mu te baga se agiring iluso. 5 Ani taga anisam, ale anisam; ale ukiso se barasasam; Yawe aga bitarso se memek bo me arigisam. 6 Ani kager kari memek suen biya nunguningkiri aga laturu sapaman, bare ani me ta nguangasam. 7 O Yawe, aninga Kaem, bares ale aga bataguru toko! Ni kari memek alo nogol kulukumur ale nogore motam biagerko. 8 O Yawe, ni keta anananga Bataguru Ta Kari. Nika kariimet marak nungaruko.