Taalifi cant 11

1 Mu jëm ci njiital woykat yi, ñeel Daawuda. Aji Sax ji laa làqoo. Ana lu ngeen ma naa: «Neel fëyy ni picc, toŋi sa kaw tund. 2 Xanaa du ñu soxor ñaa ngii, bank seen xala, nas seenu fitt, nara lëndëmtu, jam ku jub? 3 Bu ponki dëgg màbbee, nu aji jub ñi di def?» 4 Aji Sax jaa nga ca këram gu sell. Aji Sax jaa nga ca asamaan, ca kaw jalam, ne jàkk doom aadama, di ko seetlu. 5 Aji Sax ji day seetlu ku jub; ku soxor, bëgg fitna, mu bañ. 6 Day tawal ku bon ay mbugal; sawaraak tamarax akub jaas dib añam. 7 Aji Sax jee jub, sopp njub; kuy jubal, gis yiwam.