Ufunuri 5

1 Sambi, niwona munkono nriro wa ire ekare pakiti ire kitabu kimoja cakushokotiwa, candikiwa nkati na kunja, cimamatiziwa selu saba. 2 Ikisa nimmona laika wanguvu, akereza na shauti ulu: “Nani ari na haki ya kumamatula seluâzi afungure eci kitabuâci?" 3 Fala simbinguni, wala mulumwenguâmu, wala sini ya ardhi, awerepo mwenyé haki wakufungula kitabu cire, kuwona caandikiwe nkati. 4 Nikirira pakulu konta awerepo mwenyé haki wakufungula kitabu cire, kuwona caandikiwe nkati. 5 Fala nkulungwa mmoja kanambira javi: “Usirire! Ona, iye akwitiwa ‘Simba wa Rikolo ra Yuda’, iye njukuluwe nfalume Daudi, iye kashinda, kanawo haki yakumamatula selu saba kufungula kitabuâco." 6 Ikisa ninang’aniza, nimmona mmoja kati-kati ya kiti, kazunguriziwa na viyumbe hai wane ware pamoja na wakulungwa ware. Wanimmonireâyo ákiwa Kondoo kemira wakulanda kuulaiwa. Kondooâyo ákiwa nawo manyanga saba na maso saba, ndi roho saba za Mwenyezimungu ziperekiwe mulumwenguâmu piya. 7 Kondooâyo akinfika karibu ekare pakiti ire, akitwala kitabu caásukure nkono nriro cire. 8 Patwarire kitabu cire, viyumbe hai wane ware, pamoja na wakulungwa shirini na wane, wakikokora mbere ya Kondooâyo. Kila mmoja ákiwa nawo kityatya na vibakuri vya oru vyakwijala lubani, ndi duwa za wanu wa Mwenyezimungu. 9 Ewo wakimba nyimbo nyipya, wakamba: “Uwe ndi mwenyé haki wakupokerera kitabu na kumamatula selu, konta kuulaiwa, na damu yako iwauza wanu woke ka Mwenyezimungu, wanu wa piya marikolo na piya lugaâzi, wanu wa kabila piya pamoja na mataifa piya. 10 Ewo kuwatenda wawe umati wa walongozi wa dini wantumike Nlungu wetu, na ewo wakuja kutawala mulumwenguâmu." 11 Ninang’aniza, nisikira shauti za malaika wengi wazunguriza kiti cire, na viyumbe hai ware pamoja na wakulungwa ware. Isabu ya malaika ware wákiwa laki ka malaki, na alufu ka maalufu! 12 Ewo wakimba pakulu-pakulu, wakamba: “Bora wakupewa uwezo, mali, fahamu, nguvu, inshima, utukufu na swifa, ndi Kondoo oláiwe!" 13 Na niwasikira piya viyumbe wari mbinguni, mulumwenguâmu, sini ya ardhi, mbahari, na piya víkiwa nkati yawo, wakijibu na rimbo: “Ka ire ekare pakiti pamoja na ire Kondoo, apewe swifa, inshima, utukufu, na uwezo, daima milele!" 14 Viyumbe hai wane ware wakitikiza: “Aamina!” Na wazee wakikokora wakitukuza.